Kryetari i Partisë Demokratike Sali Berisha, në një takim me deputetët e Elbasanit, e quajti fitoren më 1 maj si një mënyrë për t’u treguar shqiptarëve dhe sipas tij edhe botës, se me votë të lirë PD do të përmbysë diktaturën e dytë në 3 dekada.

Berisha u ndal edhe në faktin që qeveritë socialiste në 12 vite nuk kanë investuar në të mirë të qytetarëve, por është menduar gjithë kohës se si të vidhen.

Nga Elbasani, kreu i PD, Sali Berisha, ka deklaruar se pas 11 majit, një nga projektet me urgjencë infrastrukturore që do të nisë PD me ardhjen në pushtet do të jetë ndërtimi i Bypass të ri në Elbasan.

“Shqiptarët dhe qytetarët e Elbasanit presin fillimin e ndryshimit të madh, kurorëzimin me sukses të plotë të fitores së 11 majit. Fitore e një rëndësie të pakrahasueshme, me të cilën duhet të faktojmë se arritëm që me votë të lirë në mënyrë të civilizuar, të përmbysim në 3 dekada një diktaturë të dytë.
Kur mendon se kjo qeveri në 12 vite ka administruar 65 mld euro dhe ka sjellë shqiptarët nga më të mirë paguarit në më të keqpaguarit në rajon,. Këto miliarda nuk u përdorën për jetën e qytetarëve, rrogat e pensionet, nuk u përdorën për një transformim madhështor të infrastrukturës, por u vodhën dhe u zhdukën, u investuan në skema se si të vidhet më shumë. E kemi lënë në 2013 me rrugën Tiranë-Elbasan, vepra e vetme më e rëndësishme që prisnin qytetarët për ta gëzuar ishte bypass-i.
Këta investojnë përtej Elbasanit sepse kështu u kërkon klientela dhe bypass që e ka projektin dhe çdo gjë gati nuk e ndërtuan.
Kushton mesatarisht të paktën 30 min më shumë rrugë qytetarëve…

…Nga Elbasani, kreu i PD, Sali Berisha, ka deklaruar se pas 11 majit, një nga projektet me urgjencë infrastrukturore që do të nisë PD me ardhjen në pushtet do të jetë ndërtimi i Bypass të ri në Elbasan.

“Kushton si vepër, por është e rëndësishme për frymëmarrjen e qytetit të Elbasanit. Ne si PD i mbajmë gjithnjë premtimet dhe kjo vepër do të jetë ndër të parat që do të nisë pas 11 majit”, tha Berisha.