Letra

“Zoti Puto!
Unë dëshiroj jo me lapsin tim të përdor fjalët jo njerëzore, sikur se keni shkruar në artikullin e “Gazetës Shqiptare”, e keni thirrur vëllanë tim, Mustafa Krujën e shokët e tij Fishtën, Mbretin Zog dhe Koliqin, fashista.
Ju jeni gabim se këta janë dhe kanë qenë patriotët e Shqipërisë. Ata e kanë dashur atdheun e tyre më shumë se jetën e tyre, duke shërbyer në mënyrë shembullore për rininë e ardhshme. Ju si komunist tregoni se nuk keni as fe e as atdhe. Mustafa Kruja nuk e uli dinjitetin e tij, si keni shprehur ju në shkrimin tuaj. Ai fliste për Enver Hoxhën dhe thonte vetëm dy fjalë:
-“Ai është komunist dhe unë nuk jam”. Kështu këshillonte miqtë dhe rininë të flisnin me dinjitet. Sot Shqipëria dëshiron të shërojë plagët që i ka bërë diktatura komuniste për 50 vjet. Mjafton të lexosh librin e Ëngjëll Çobës dhe artikullin që shkruajti gazetari Luan Miftiu në gazetën “55”.
Pra shqiptarët e kanë kuptuar se çfarë kanë bërë komunistat, dhe nuk dëshirojnë të lexojnë gënjeshtrat e tyre që po i ulin vlerat e patriotëve të Shqipërisë. Shqiptarët librin tuaj do ta hedhin në plehra.
Presidenti Amerikan Kenedy i tha popullit:
-“Mos prisni se çfarë do të bëjë atdheu për ju, por ju çfarë do të bëni për atdheun”.
Mustafa Kruja ka bërë këto për Shqipërinë dhe Kosovën:
1-Në vitin ai formuloi fjalët e independencës së Shqipërisë. Kur e mbaroj kompozimin e fjalëve, Kruja thirri Ismail Qemalin dhe patriotët e tjerë e i tha:
-“Shqipnia nuk është e lirë pa Kosovën.”
Komunistët shqiptarët nuk e kanë përmendur kurrë Kosovën.
2-Mustafa Kruja në vitin 1942 e liroi Kosovën, shkollat shqipe u hapën për herë të parë.
3-Mustafa Kruja shkoi në Francë në ligën e shteteve me një flamur të vogël kuq e zi, mbajti një fjalim dhe tha:
“Ky është flamuri i Shqipërisë”, ai ishte 27 vjeç dhe ishte ulur pranë presidentit amerikan Willson.
4-Në vitin 1942 shpëtoi 350 familje hebreje prej Hitlerit, Kruja hapi portat e Shqipërisë për hebrejtë dhe i emigroi ata në vende të lira.
5-Gjithmonë vazhdonte të punonte për gjuhën shqipe dhe mbaroi dorëshkrimin për një fjalor nacional për Shqipërinë dhe Kosovën, mjerisht ishin botuar shkronjat A dhe B. Fatkeqësisht dorëshkrimet e fjalorit i kanë zhdukur komunistët, për shkak të tyre sot Shqipëria dhe Kosova nuk kanë një fjalor nacional në gjuhën shqipe.
6-Në emigracion mbreti Zog kuptoi se Shqipërinë donin ta ndanin në dy pjesë. Ai tha se vetëm Mustafa Kruja mund ta shpëtojë Shqipërinë. Mbreti Zog i çoi letër Krujës dhe i tha:
“Shqipëria ju do sot më fort se kurrë”.
Mustafa Kruja shkoi në Egjipt dhe bashkë me patriotët e tjerë formoi qeverinë “Shqipëria e Lirë”, kundër Enver Hoxhës.

ANGELA MUKA