Arben Kristani është një ndër piktorët më të sukseshëm të gjeneratës së të arteve figurative, që ka një qytet artistësh si Përmeti.

Me një pasion të madh për artin, 54-vjeçari Kristani ka marrë pjesë në disa “Koloni piktorësh”, si në Korçë (“Ditët e Mios”), në ekspozitën e mbështetur nga OSBE-ja mbi “Të drejta e grave” në Durrës, qytet edhe ku banon prej disa vitesh.

Në punët dhe artin e tij figurativ, në teknikën e vajit, akuarelit dhe grafikës evidentohen punë në gjinënë e peizazhit, portretit, natyrës së qetë, eksperimentime estetike, arti modern, etj.

Ka çelur mbi 15 ekspozita personale dhe ka marrë pjesë në tri të përbashkëta, në Durrës, Tiranë dhe në Përmet, qytetin e tij të lindjes, si dhe në kolonitë në Ersekë dhe Lezhë.

Ka marrë pjesë në “koloni ndërkombëtare piktorësh” dhe ka ekspozuar punimet në Itali, Sllovaki, Hong Kong, Vietnam, Maqedoninë e Veriut dhe Kosovë.

Arben Kristani, piktori ndërkombëtar i Përmetit