Ajo po largohet- Poezi nga SULEJMAN MATO

September 18, 2025

Ajo po largohet

si një yll që shuhet në Gjithësi.

.

Gjithë trendafilat e kopshteve të botës

që tani kanë nisur ulërimën.

.

Ajo po largohet.

Diell, ndriçoje për të fundit çast

buzëqeshjen e saj

si një tufë trëndafilash të bardhë.

.

Ajo po largohet.

Dhe dita nis të errësohet.

si në çastet kur disku i zjarrtë i Diellit

zhytet në det.

.

Çfarë dhimbje lë pas…

Çfarë dhimbje!

.

Zemra ime

ndizet si zjarr prometean

kur mendoj se ajo

s’do të kthehet më kurrë.

.

Ajo po ngjitet në qiell.

.

Vetëtini vetëtima

e bubullini bubullima!

.

Për ta përcjellë këtë ikje

me tam- tame luftrash

e ulërima grash

si në koret e tragjedive greke

• twitter

  Follow
• facebook
• linkedin

Fjalë kyçe: SULEJMAN MATO