Dhomat e Specializuara me seli në Hagë, siç njihet Gjykata e Posaçme për krime lufte në Kosovë, njoftoi të premten në mbrëmje se juristi Alex Whiting, është emëruar ushtrues detyre i kryeprokurorit, duke zëvendësuar kryeprokurorin e deritashëm Jack Smith.
Njoftimi u bë publik disa orë pasi Prokurori i Përgjithshëm i Shteteve të Bashkuara, Merrick Garland emëroi zotin Smith si prokuror të posaçëm për të mbikëqyrur hetimin e Departamentit të Drejtësisë për praninë e dokumenteve sekrete në pronën e ish-presidentit Donald Trump në Florida. Ai do të merret gjithashtu edhe me hetimin e veçantë që përfshin sulmin e 6 janarit 2021 mbi Kapitolin dhe përpjekjet për të ndryshuar rezultatin e zgjedhjeve presidenciale të vitit 2020.
Në njoftimin e Dhomave të Specializuara thuhet se zoti Whiting do të ushtrojë funksionet e kryeprokurorit deri në emërimin e një kryeprokurori të ri dhe nuk do të ketë ndërprerje të punës.
Zoti Whiting, 58 vjeç, me kombësi franko-amerikane ka punuar në zyrën e prokurorit nga qershori i vitit 2019, fillimisht si Udhëheqës i Hetimeve, dhe duke filluar nga muaji gusht 2020 si Zëvendësprokuror i Specializuar.
Midis viteve 2010 dhe 2013, ai ishte pjesë e Zyrës së Prokurorit në Gjykatën Penale Ndërkombëtare. Ndërsa në periudhën midis viteve 2002 dhe 2007, kishte punuar në Gjykatën Ndërkombëtare për krime lufte në hapësirat e ish Jugosllavisë. Gjatë asaj kohe kishte qenë kryeprokurori i çështjes në procesin kundër ish pjesëtarëve të Ushtrisë Çlirimtare të Kosovës, Fatmir Limaj, Isak Musliu, dhe Haradin Bala, si dhe kryeprokuror në gjykimet ndaj serbit nga Kroacia Milan Martiç dhe serbit nga Bosnia, Dragomir Milosheviç.
Gjykata e Posaçme që njihet me emrin Dhomat e Specializuara, u themelua në vitin 2015 dhe vepron në bazë të ligjeve të Kosovës, por me personel ndërkombëtar. Ideja për themelimin e saj pasoi pretendimet e ngritura në raportin e vitit 2011 të hartuar nga i dërguari i Këshillit të Evropës, Dick Martty, i cili hodhi dyshimet për përfshirjen e ish kryengritësve në vrasjen e civilëve serbë dhe kundërshtarëve politik shqiptarë.
Ngritja e gjykatës së posaçme si dhe ngritja e akuzave janë shoqëruar vazhdimisht me reagime dhe protesta ne Kosovë, ku pohohet se në këtë mënyrë po bëhet barazimi me mizoritë e kryera nga forcat serbe gjatë luftës së viteve 1998 – 1999, që mori fund me ndërhyrjen e NATO-s.
Më shumë se 13 mijë veta besohet se janë vrarë gjatë kryengritjes së viteve 1998-99 në Kosovë, kur ajo ishte ende nën administrimin serb nën presidentin e atëhershëm Slobodan Milosheviç. Lufta mori fund më ndërhyrjen e NATO-s dhe Kosova shpalli pavarësinë në vitin 2008. Beogradi i mbështetur nga Moska vazhdon ta kundërshtojë shtetësinë e saj.
Prokurori i Përgjithshëm i Shteteve të Bashkuara, Merrick Garland emëroi të premten zotin Jack Smith si prokuror të posaçëm për të mbikëqyrur hetimin e Departamentit të Drejtësisë për praninë e dokumenteve sekrete në pronën e ish-presidentit Donald Trump në Florida. Ai do të merret gjithashtu edhe me hetimin e veçantë që përfshin sulmin e 6 janarit 2021 mbi Kapitolin dhe përpjekjet për të ndryshuar rezultatin e zgjedhjeve presidenciale të vitit 2020.
Ky vendim u publikua vetëm tre ditë pasi zoti Trump shpalli zyrtarisht kandidaturën e tij për zgjedhjet presidenciale që do mbahen më 2024.
Megjithëse emërimi vendos një mbikëqyrës të ri në krye të hetimeve, të dyja rastet pritet të përshpejtohen tani që zgjedhjet e mesmandatit kanë përfunduar. Prokurori i posaçëm do t’i raportojë prokurorit të përgjithshëm Garland, i cili ka fjalën përfundimtare nëse do të ngrejë akuza.
Pas emërimit, zoti Smith tha se synon të “kryej hetimet e caktuara dhe çdo ndjekje penale që mund të dalë prej tyre, në mënyrë të pavarur dhe sipas traditave më të mira të Departamentit të Drejtësisë. Ritmi i hetimeve nuk do të ndalohet apo ngadalësohet nën vëzhgimin tim”.
Jack Smith, është prokuror veteran që drejtoi seksionin e integritetit publik të Departamentit të Drejtësisë në Uashington dhe më vonë shërbeu si kryeprokuror federal në Nashville, Tenesi, gjatë administratës së presidentit Barack Obama.
Së fundmi, ai ka qenë kryeprokuror i Prokurorisë së Posaçme në Hagë që heton krimet që dyshohet se u kryen nga ish Ushtria Çlirimtare e Kosovës gjatë dhe pas luftës.
Departamenti i Drejtësisë njoftoi se zoti Smith nuk është i regjistruar si votues demokrat apo republikan, në përpjekje për të zbutur çdo sulm ndaj tij me baza politike.
Ish Presidenti amerikan Donald Trump, në një deklaratë për kanalin Fox News, tha se “nuk do të marrë pjesë” në hetimet e prokurorit të posaçëm.
“Departamenti i ‘Drejtësisë’ i demokratëve nuk ka asgjë përveç atyre që urrejnë zotin Trump, kështu që ata sapo emëruan një prokuror të posaçëm për të më hetuar më tej. E turpshme!”, tha ish Presidenti Trump më vonë në një postim në rrjetet sociale.
Ajo që ka nxitur debat në SHBA është koha dhe arsyeja pse u bë ky emërim.
“Emërimi i një avokati të posaçëm në këtë kohë është gjëja e duhur për t’u bërë”, tha prokurori i përgjithshëm amerikan, Merrick Garland në një konferencë shtypi në Uashington.
Ky do të ishte prokurori i tretë i posaçëm i Departamentit të Drejtësisë që emërohet që nga viti 2017 për të trajtuar çështje të ndjeshme politikisht.
Prokurorë të tillë zakonisht kanë një shkallë të lartë pavarësie për të shmangur konfliktet e mundshme të interesit.
Ish-drejtori i FBI-së Robert Mueller u emërua në vitin 2017 për të mbikëqyrur hetimin federal mbi fushatën presidenciale të zotit Trump për zgjedhjet e vitit 2016 dhe kontaktet e tij me Rusinë. Në vitin 2019, John Durham u emërua për të hetuar origjinën e hetimit të FBI-së në fushatën të zotit Trump kur u zgjodh president.
Republikanët fituan shumicën në Dhomën e Përfaqësuesve këtë javë dhe Kryetarja e Dhomës Nancy Pelosi njoftoi se nuk do të kërkojë një pozicion drejtues në pakicën e re demokrate – dy nga shumë ndryshimet që do të vijnë në Kongresin e ri në janar. Korrespondentja e Zërit të Amerikës, Katherine Gypson, njofton.
Ndryshime të mëdha përpara në Kongresin amerikan… ndërsa ligjvënësit e rinj prezantohen me Kapitolin. Për herë të parë në katër vjet, demokratët nuk kanë më shumicën në Dhomën e Përfaqësuesve.
“Me besim të madh në grupin tonë parlamentar, unë nuk do të kërkoj rizgjedhje në udhëheqjen demokrate në Kongresin e ardhshëm”.
Kryetarja e Dhomës së Përfaqësuesve, Nancy Pelosi, do të tërhiqet në mënyrë që demokratët e rinj të kenë radhën e tyre në krye të pakicës.
Ligjvënësi Kevin McCarthy është kandidati republikan për t’u bërë kryetari i ri.
“Jam krenar të njoftoj se epoka e sundimit njëpartiak demokrat në Uashington ka përfunduar. Uashingtoni tani ka një kontroll dhe ekuilibër”.
Por zoti McCarthy do ta ketë të vështirë të bashkojë anëtarët e tij për legjislacioneve të rëndësishme pasi ai përballet me kundërshtime të konsiderueshme nga krahu i partisë ende besnik ndaj ish-presidentit Donald Trump.
“Ata duhet të kuptojnë si të arrijnë konsensus brenda grupit të tyre para se të kërkojnë bashkëpunim me demokratët. Pra, mendoj se do të jetë një kohë sfiduese për një shumicë shumë të vogël në Dhomën e Përfaqësuesve”, thotë Amy Dacey në universitetin Amerikan.
Anëtarët e rinj të Kongresit thonë se shumica e ngushtë duhet t’i detyrojë të dy partitë të punojnë së bashku për legjislacionin dypartiak.
“Njerëzit janë të lodhur nga ekstremistët në të majtën dhe në të djathtën ekstreme. Ata duan që njerëzit të jenë të gatshëm të punojnë në dyja anët për të bërë atë që është e drejtë”, thotë ligjvënësi i zgjedhur demokrat Wiley Nickel.
“Ka shumë fusha bashkëpunimi ekziston vullneti për t’u ulur së bashku dhe për të punuar drejt këtij qëllimi”, thotë ligjvënësi i zgjedhur republikan Michael Lawler.
Dhe çdo legjislacion do të duhet të miratohet në një Senat me shumicë demokrate, nën udhëheqjen e vazhdueshme të Chuck Schumer.
“Kam një lutje për republikanët dhe një këshillë – nëse përqafoni MAGA-n, do të vazhdoni të humbisni. Ju do të humbisni më shumë. Përqafimi i MAGA-s në 2018, 2020 dhe ’22 nuk funksionoi. Ju mirëpresim të punoni me ne mbi baza dypartiake”.
Megjithëse u sfidua, Mitch McConnell mbajti pozicionin drejtues të Senatit mes republikanëve, ndërsa pranoi dështimet e tyre me votuesit në këto zgjedhje.
“Përshtypja e tyre për shumë njerëz në role drejtuese në partinë tonë është se ata janë të përfshirë në kaos, negativitet, sulme të tepruara. Dhe kjo i frikësoi votuesit e pavarur dhe të moderuar republikanë”, tha senatori Mitch McConnell.
Por me një qeveri të ndarë për dy vitet e ardhshme, shanset që presidenti Joe Biden të miratojë ndonjë legjislacion të rëndësishëm janë shumë të pakta.
Faton Bislimi, anëtar ekzekutiv i LQSHA dhe ish-deputeti i LDK lajmëron në Facebook fitoren e Kongresmenit Republikan Kevin McCarthy, i cili do të jetë edhe drejtuesi i ardhshëm i Kongresit Amerikan. Ja çfarë shkruan Faton Bislimi:
“Me betimin e Kongresit të ri të SHBA-ve në Janar 2023, rolin e Kryetarit pritet ta marrë Kongresisti Kevin McCarthy, Republikan nga Kalifornia, që deri më tani ka qenë Udhëheqës i Pakicës në Kongres. Kongresisti McCarthy është mik yni dhe i kombit shqiptar, dhe kjo falë angazhimit historik me të dyja taborret partiake në Capitol Hill të lobit tonë në SHBA, Ligës Qytetare Shqiptaro-Amerikane.
Pasi që veç është konfirmuar se zgjedhjet e 8 Nëntorit i dhanë Republikanëve shumicën në Dhomën e Përfaqësuesëve, Nancy Pelosi sot e deklaroi të përfunduar mandatin e saj në krye të Kongresit të SHBA-ve pas një karriere të gjatë e të bujshme duke u bërë edhe gruaja e parë në pozitën e Kryetarës së Kongresit.
Puna jonë për kauzën kombëtare do vazhdojë me sukses edhe me z. McCarthy dhe Kongresin e ri të SHBA-ve.
Është me të vërtetë e bukur të kemi miq të njëmendtë në kupolën e demokracisë botërore. Dyertë e hapura aty ku duhet arrihen me angazhim sistematik. Krenar me angazhimin tim me liderët në Capitol Hill tash e dy dekada!”
UASHINGTON, 17 nëntor (Reuters) – Shtetet e Bashkuara janë thellësisht të shqetësuara për krijimin e ‘stacioneve policore’ të paautorizuara nga qeveria kineze në qytetet amerikane për të kryer ndoshta presion mbi disa shtetas me origjinë kineze, u tha ligjvënësve të enjten drejtori i FBI-së, Christopher Wray.
Safeguard Defenders, një organizatë e të drejtave të njeriut me bazë në Evropë, publikoi një raport në shtator ku zbulohet prania e dhjetëra “stacioneve të shërbimit” të policisë kineze në qytetet e mëdha anembanë botës, përfshirë Nju Jorkun.
Republikanët në Kongres kanë kërkuar përgjigje nga administrata Biden për ndikimin e tyre.
Në raport thuhet se stacionet janë një zgjatim i përpjekjeve të Pekinit për të ushtruar presion ndaj disa shtetasve kinezë ose të afërmve të tyre jashtë vendit, për t’u kthyer në Kinë e për t’u përballur me akuza penale. Ai gjithashtu i lidhi ato me aktivitetet e Departamentit të Punës së Frontit të Bashkuar të Kinës, një organ i Partisë Komuniste i ngarkuar me përhapjen e ndikimit dhe propagandës së saj jashtë shtetit.
“Jam shumë i shqetësuar për këtë. Ne jemi të vetëdijshëm për ekzistencën e këtyre stacioneve”, tha zoti Wray në një seancë dëgjimore të Komisionit të Sigurisë Kombëtare dhe Çështjeve Qeveritare të Senatit, duke pranuar ekzistencën e tyre por duke refuzuar të detajojë punën hetimore të FBI-së për këtë çështje.
“Por për mua, është skandaloze të mendosh se policia kineze do të përpiqet të hapë pika, le të themi, në Nju Jork, pa koordinimin e duhur. Kjo cenon sovranitetin dhe anashkalon proceset standarde të bashkëpunimit gjyqësor dhe ligjzbatues”.
Zoti Wray, i pyetur nga senatori republikan Rick Scott nëse stacione të tilla shkelin ligjin e SHBA-së, tha se FBI “po shqyrtonte parametrat ligjorë”.
Republikanët në Dhomën e Përfaqësuesve, duke përfshirë ligjvënësit Greg Murphy dhe Mike Waltz, i dërguan letra Departamentit të Drejtësisë në tetor duke pyetur nëse administrata e Presidentit Joe Biden po hetonte ekzistencën e stacioneve të tilla duke argumentuar se ato mund të përdoren për të frikësuar banorët amerikanë me origjinë kineze.
Ambasada e Kinës në Uashington nuk iu përgjigj menjëherë një kërkese për koment.
Në fillim të këtij muaji, ministria e saj e jashtme mohoi se kishte stacione të tilla në Holandë pas një hetimi nga autoritetet holandeze. Kina tha se ato ishin zyra për të ndihmuar qytetarët kinezë të rinovonin dokumentet.
Zoti Wray tha se Shtetet e Bashkuara kishin bërë një sërë aktakuzash që përfshinin qeverinë kineze për përndjeke, survejim dhe shantazh ndaj njerëzve në Shtetet e Bashkuara që nuk ishin dakord me udhëheqësin kinez Xi Jinping.
“Është një problem real dhe diçka për të cilën po flasim edhe me partnerët tanë, sepse nuk jemi i vetmi vend ku kjo ka ndodhur”, tha ai.
Shtetet e Bashkuara ngritën akuza penale në tetor kundër shtatë shtetasve kinezë të akuzuar për një fushatë vëzhgimi dhe ngacmimi kundër një banori amerikan dhe familjes së tij në një përpjekje nga qeveria kineze për të riatdhesuar një prej tyre në Kinë.
Ky është rasti i fundit në të cilin Departamenti i Drejtësisë vë në shënjestër përpjekjet e Kinës për të gjurmuar njerëzit jashtë vendit që Pekini i quan të dyshuar për krime, nëpërmjet atij që njihet si “Operacioni i Gjuetisë së Dhelprave”.
Shpërthimi i raketave në një fshat në Poloni, pranë kufirit me Ukrainën shkaktoi tensione dhe reagime të forta.Sekretari amerikan i Shtetit, Anthony Blinken tha se Rusia mban “përgjegjësinë përfundimtare” për raketën që ra në Poloni dhe vrau dy persona.
Sakaq hetimet që po zhvillohen pritet të përcaktojnë se nga është lëshuar kjo raketë.
“Sido që të jetë përfundimi i hetimit, ne tashmë e dimë palën që mban përgjegjësinë përfundimtare për këtë ngjarje tragjike, pra Rusinë,” tha Sekretari i Shtetit i SHBA nga Bangkok, përpara një samiti të udhëheqësve të Bashkëpunimit Ekonomik Azi-Paqësor.
Më tej shtoi: “Ajo që ne shohim çdo ditë sot është Rusia hedh raketa në Ukrainë, duke kërkuar të shkatërrojë infrastrukturën e saj,” tha kreu i diplomacisë amerikane.
“Ukraina ka të drejtë të mbrohet dhe ne jemi të përkushtuar të mbështesim Ukrainën,” shtoi ai.
Anthony Blinken përsëriti se Shtetet e Bashkuara të Amerikës nuk kanë asnjë provë për të kundërshtuar rastin e paraqitur nga Varshava, sipas të cilës raketa ka shumë të ngjarë të ketë ardhur nga mbrojtja ajrore e Ukrainës.
Zyrtari amerikan, i cili u takua gjatë ditës me homologun e tij ukrainas Dmitry Kuleba, tha se Uashingtoni “vazhdon të vlerësojë situatën dhe të ndajë informacione të reja” në lidhje me incidentin me Kievin./REL
Republikanët siguruan të mërkurën numrin e mjaftueshëm të vendeve për të fituar shumicën në Dhomën e Përfaqësuesve të SHBA-së, duke përgatitur terrenin për dy vjet qeverisjeje të ndarë në kushtet kur Partia Demokrate e Presidentit Joe Biden ruajti kontrollin e Senatit.
Fitorja u jep republikanëve mundësinë që të frenojnë programin e zotit Biden, si dhe të hapin hetime që mund të jenë të dëmshme politikisht për administratën dhe familjen e zotit Biden, megjithëse kjo fitore është shumë larg nga “vala e kuqe” që partia kishte shpresuar.
Parashikimi përfundimtar për fitoren e republikanëve në Dhomën e Përfaqësuesve erdhi pas më shumë se një jave numërimi votash, kur organizata Edison Research arriti në përfundimin se republikanët kanë fituar 218 vendet që u duheshin për të kontrolluar Dhomën.
Fitorja e republikanëve në distriktin e 27-të të Kongresit në Kaliforni i dha epërsinë partisë.
Udhëheqësi aktual i republikanëve të Dhomës së Përfaqësuesve, Kevin McCarthy, mund të ketë përballet me një rrugë të vështirë, pasi do t’i duhet ta mbajë grupin e tij të bashkuar për votime kritike përfshirë buxhetin e qeverisë dhe ushtrisë në një kohë kur ish-presidenti Donald Trump ka shpallur kandidaturën për të marrë edhe një herë Shtëpinë e Bardhë.
Megjithëse humbja e demokratëve paraqet vështirësi për presidentin Biden, ai shtriu dorën e bashkëpunimit, duke përgëzuar republikanët dhe duke thënë se do të punonte me ta për të dhënë rezultate për amerikanët.
“Populli amerikan do që ne të punojmë për ta,” tha ai në një deklaratë të lëshuar nga Shtëpia e Bardhë.
“Unë do të punoj me të gjithë qofshin republikanë apo demokratë, që janë të gatshëm të punojnë me mua për të dhënë rezultate për ta,” tha ai.
Edhe pse “vala e kuqe” në Dhomën e Përfaqësuesve që republikanët prisnin nuk arriti të materializohej, konservatorët po i qëndrojnë programit të tyre.
Ata po përgatiten të ndërmarrin hetime për zyrtarë të administratës së presidentit Biden si edhe për djalin e presidentit, Hunter për marrëdhëniet e tij të biznesit me Kinën dhe vende të tjera, madje edhe për vetë zotin Biden.
Në frontin ndërkombëtar, republikanët mund të kërkojnë të pakësojnë ndihmën ushtarake dhe ekonomike të SHBA-së për Ukrainën.
ÇËSHTJET E INFLACIONIT DHE ABORTIT
Shtetet e Bashkuara i rikthehen një pushteti të ndarë në Uashington pasi votuesit u ndanë në kahje të kundërta, të motivuar nga dy çështje kryesore gjatë fushatës për zgjedhjet e mesit të mandatit.
Inflacioni i lartë u dha republikanëve material për të sulmuar liberalët, të cilët miratuan triliona dollarë në shpenzime të reja gjatë pandemisë COVID-19. Rritja e kostos për ushqimet, karburantin dhe strehimit, bëri që votuesit të ishin të pakënaqur me demokratët.
Nga ana tjetër, vendimi i Gjykatës së Lartë në qershor që i dha fund mbrojtjes federale për të drejtën e abortit, motivoi një pjesë të madhe votuesish, duke forcuar pozitat e kandidatëve demokratë.
Gati një e treta e votuesve thanë pasi votuan se inflacioni ishte në krye të shqetësimeve të tyre. Për një të katërtën e votuesve, aborti ishte shqetësimi kryesor dhe 61% kundërshtuan vendimin e gjykatës së lartë për këtë çështje.
Zgjedhjet e mesit të mandatit u mbajtën nën hijen e garës presidenciale të vitit 2024-ës.
Ish-presidenti Trump, vazhdon të jetë kandidati i preferuar i republikanëve për zgjedhjet presidenciale të partisë. Megjithatë kandidatët e ekstremit të djathtë që ai mbështeti patën rezultate të dobëta më 8 nëntor.
Ndërkohë, Guvernatori i Floridës, Ron DeSantis – që shihet si një nga rivalët më të fortë të mundshëm për zotin Trump në vitin 2024 – fitoi një mandat të dytë, duke mundur lehtësisht kundërshtarin demokrat Charlie Crist, me gati 20 për qind epërsi.
Ish-presidenti thuhet se është i zemëruar me vlerësimet e larta që ekspertët politikë po jepin për zotin DeSantis-it.
Zgjedhjet e vitit 2024 do të ndikojnë menjëherë në shumë nga vendimet legjislative që ndjekin republikanët e Dhomës së Përfaqësuesve, pasi ata përkulin muskujt e tyre me një shumicë të re të gjetur, sado të ngushtë.
Tani Dhomës së Përfaqësuesve i duhet të zgjedhë kryetarin për dy vitet e ardhshme. Udhëheqësi i republikanëve të Dhomës së Përfaqësuesve, McCarthy fitoi të martën mbështetjen e shumicës parlamentare për të kandiduar për pozicionin e fuqishëm që do të pasonte kryetaren aktuale, demokraten Nancy Pelosi.
Ish-presidenti i Shteteve të Bashkuara, Donald Trump, shpalli zyrtarisht kandidaturën e tij për zgjedhjet presidenciale në vitin 2024.
“Rikthimi i Amerikës fillon pikërisht tani”, u tha Trump mbështetësve në resortin e tij, Mar-A-Lago, në Florida.
Njoftimi vjen një javë pas zgjedhjeve të mesmandatit në SHBA, të cilat përcaktojnë përbërjen e Dhomës së Përfaqësuesve dhe të Senatit amerikan.
Partia Republikane e Trumpit doli më keq seç pritej në këto zgjedhje dhe shumë prej kandidatëve që ai mbështeti, nuk arritën të fitonin.
Trump, manjat i pasurive të patundshme, befasoi me fitoren e tij në zgjedhjet e vitit 2016, kur mundi ish-sekretaren amerikane të Shtetit, Hillary Clinton.
Ai tha se nuk po garon sërish për shkak të politikës, por për shkak të dashurisë së tij për Shtetet e Bashkuara.
“Për ta bërë Amerikën përsëri të madhe dhe të lavdishme, unë po shpall kandidaturën time për president të Shteteve të Bashkuara”, tha Trump.
Gjatë katër vjetëve në Shtëpinë e Bardhë, Trump bëri histori si presidenti i parë që u akuzua dy herë formalisht.
Herën e parë, ai u akuzua për abuzim të pushtetit dhe pengim të punës së Kongresit amerikan, por më pas u lirua nga këto akuza.
Herën e dytë, akuzat kishin të bënin me sulmin e mbështetësve të tij kundër Kongresit amerikan, më 6 janar, 2021, në përpjekje për të penguar tranzicionin paqësor të pushtetit te presidenti atëherë i zgjedhur, Joe Biden. Hetimet për këtë ngjarje janë duke vazhduar. rel
Lidhja Qytetare Shqiptaro-Amerikane kërkon nga BE-ja dhe SHBA-ja t’i ndalin presionet ndaj Kurtit e Osmanit
Lidhja Qytetare Shqiptaro-Amerikane lobi i parë dhe i vetmi në Shtetet e Bashkuara, me themelues dhe president ish kongresistin republikan të Nju Jorkut, Joe DioGuardi dhe Këshilltaren e Çështjeve Ballkanike Shirli Cloyes – përmes një deklarate për media, kanë shprehur shqetësimin e tyre për siç e kan quajtur ata : “presionin e ri dhe të përshpejtuar nga BE-ja dhe DASH-i ndaj kryeministrit, Albin Kurti dhe presidentes Vjosa Osmani”.
Në deklaratën e tyre lobistët e çështjes shqiptare , Liga Qytetare thotë se shqetësimet lidhur “presionin e “madh” që po ushtrohet ndaj Kosovës, nga BE-ja dhe DASH-i ndaj kryeministrit, Albin Kurti dhe presidentes Vjosa Osmani” ata ia kanë shprehur edhe disa anëtarëve të Dhomës së Përfaqësuesve dhe Senatit të SHBA-së, përfshirë Komitetit për Marrëdhëniet me Jashtë të Senatit.
“Në vend të kapitullimit ndaj Serbisë, duhet të ndërmerren hapat që i mbështesin qëndrimet parimore të shprehura së fundmi nga Albin Kurti dhe Vjosa Osmani. Përndryshe, konflikti në Evropën Juglindore do të intensifikohet. Shpresojmë gjithashtu që spastrimit etnik të heshtur të shqiptarëve në Serbinë jugore do t’i jepet fund”, thuhet ndër të thera në këtë deklaratë.
Deklarata e plotë:
Të dashur miq dhe përkrahës —
Joe dhe unë, (Shirli Cloyes DioGuardi)së bashku me shumicën dërrmuese të Bordit të Drejtorëve të Lidhjes Qytetare Shqiptaro-Amerikane, jemi shumë të shqetësuar për presionin e ri dhe të përshpejtuar nga Bashkimi Evropian dhe Departamenti Amerikan i Shtetit ndaj Kryeministrit të Kosovës Albin Kurti dhe Presidentes Vjosa Osmani që të dorëzohen ndaj veprimeve që favorizojnë qeverinë serbe, në kurriz të Kosovës. Si rezultat, ne (LQSHA)kemi vendosur të bëjmë një deklaratë publike mbi shqetësimet tona, të cilën e kemi ndarë me disa anëtarë të Dhomës së Përfaqësuesve dhe Senatit të SHBA:
Në një deklaratë befasuese të Derek Chollet, këshilltarit të Departamentit të Shtetit të SHBA-së, ai tha se ishte mirë të bisedohet me presidentin serb Aleksandar Vuçiqin dhe se ai ndante zhgënjimin me vendimin e Kosovës për mos shtyrjen e kërkesave lidhur me targat dhe lidhur me avancimin e integrimit të Serbisë në BE. Me këtë arrihet bashkëpunimi i Departamentit të Shtetit të SHBA-së me Serbinë, presidenti i së cilës nuk ka ndërmend të njohë pavarësinë e Kosovës dhe çdo synim për të krijuar një shtet të pavarur.
Në intervistën e Zëvendës Ndihmës Sekretarit Gabriel Escobar për Zërin e Amerikës, ai këmbëngul që Kosova të shtyjë zbatimin e kërkesave për targat në veri të Kosovës, dhe, më e rëndësishmja, që Kosova menjëherë të hyjë në negociata me Serbinë për krijimin e Asociacionit të komunave të serbëve, për të cilat ai gjithashtu thekson se si Shtetet e Bashkuara ashtu edhe Evropa janë të bashkuara.
Sikur që kemi shpjeguar në të kaluarën, qëndrimi i Departamentit të Shtetit të SHBA-së nuk e pasqyron domosdoshmërisht qëndrimin e komisioneve të Punëve të Jashtme të Senatit dhe të Dhomës së Përfaqësuesve. Ne besojmë se Departamenti Amerikan i Shtetit po reagon me teprim lidhur me kërcënimet e qeverisë serbe ndaj Kosovës – kërcënime që lidhen me marrëdhëniet e Beogradit me Moskën.
Në vend të kapitullimit ndaj Serbisë, duhet të ndërmerren hapat që i mbështesin qëndrimet parimore të shprehura së fundmi nga Albin Kurti dhe Vjosa Osmani. Përndryshe, konflikti në Evropën Juglindore do të intensifikohet.
Shpresojmë gjithashtu që spastrimit etnik të heshtur të shqiptarëve në Serbinë jugore do t’i jepet fund.
Mesmandati në Shtetet e Bashkuara: gara për guvernator të Arizonës fitohet nga kandidatja demokrate
VOAL- Pasi në Senat tashmë ka dështuar, një humbje e re vjen për republikanët dhe për Donald Trump në veçanti në zgjedhjet afatmesme në Shtetet e Bashkuara. Sipas parashikimeve të njëtrajtshme nga CNN dhe NBC, posti i guvernatorit të Arizonës që u diskutua midis Katie Hobbs dhe Kari Lake do t’i shkojë të parës, demokratit, në fund të një numërimi të ngushtë që ka zgjatur tashmë një javë.
Ish-prezantuesi i antenës lokale të Fox News, Lake shkroi në Twitter se banorët e Arizonës e dinë se po i mashtrojnë. Edhe para votimit ai kishte shmangur çdo premtim se do të njihte rezultatet në rast humbjeje, ashtu siç nuk njeh rezultatin e zgjedhjeve presidenciale që sollën Joe Biden në Shtëpinë e Bardhë dy vjet më parë. Dhe Trump i jep dorën: në rrjetin e tij social “Truth” shkroi se “ata vodhën zgjedhjen e Kari Lake, është vërtet serioze!”.
Numërimi ende i pa përfunduar, megjithatë, nuk i solli të mira manjatit dhe ish-presidentit, tashmë edhe shënjestër e kritikave të brendshme, pasi disa kandidatë të mbështetur prej tij janë rrahur, ndërsa ai që shquhet si rivali i tij i madh në zgjedhjet e ardhshme paraprake. , guvernatori i Floridës Ron DeSantis, u rizgjodh triumfalisht. Dhe për konservatorët në përgjithësi shkoi më pak mirë sesa pritej: jo vetëm, pavarësisht votimit të dhjetorit në Gjeorgji, qëllimi për rifillimin e Senatit ka dështuar, por edhe “vala e kuqe” në Dhomën e Përfaqësuesve nuk është parë.
Mbetet e mundshme që republikanët të kenë shumicën, por shtatë ditë para zgjedhjeve, numërimi ende nuk e vërteton atë. rsi-eb
Presidenti Biden gjatë deklaratës për shtyp në Bali, të Indonezisë (14 nëntor 2022)
VOA
Presidenti ukrainas Volodymyr Zelenskyy iu drejtua forcave ushtarake në qytetin e sapoçliruar ukrainas Kherson të hënën dhe tha se Ukraina është “gati për paqe. Paqe për të gjithë vendin tonë”.
Vizita e tij në Kherson erdhi vetëm disa ditë pasi forcat ruse u tërhoqën nga qyteti juglindor, një nga humbjet më të mëdha të luftës për Presidentin rus Vladimir Putin, forcat e të cilit kishin kontrolluar kryeqytetin rajonal që nga fillimi i luftës në shkurt.
Presidenti i Shteteve të Bashkuara, Joe Biden, duke folur në një konferencë shtypi në Indonezi, e quajti marrjen e Khersonit nga Ukraina “një fitore të rëndësishme” për qeverinë e Kievit.
“Nuk mund të bëj asgjë tjetër përveçse të duartrokas guximin, vendosmërinë dhe kapacitetin e popullit ukrainas dhe ushtrisë ukrainase”, tha Presidenti Biden. “Kanë qenë të mahnitshëm”.
Por ai tha se aleatët perëndimorë që mbështesin Ukrainën nuk do të imponojnë një zgjidhje për Ukrainën për t’i dhënë fund luftës. Ai tha se nuk do të ketë “asgjë për Ukrainën, pa (rënë dakort) Ukraina”.
Zëdhënësi i Kremlinit, Dmitry Peskov, refuzoi të komentojë vizitën e presidentit ukrainas në Kherson, por tha se “ky territor është pjesë e Federatës Ruse”.
Rusia aneksoi ilegalisht rajonin muajin e kaluar, së bashku me tre territore të tjera të Ukrainës.
Presidenti ukrainas Volodymyr Zelenskyy duke mbajtur fjalimin në Kherson (14 nëntor 2022)
Vizita e zotit Zelenskyy erdhi pasi drejtuesit e shërbimeve të zbulimit amerikane dhe ruse u takuan të hënën në Turqi në nivelin më të lartë të bisedimeve ballë për ballë, të mbajtura mes dy vendeve që nga fillimi i sulmit rus në Ukrainë.
Një zyrtar i Shtëpisë së Bardhë tha se drejtori i CIA-s Bill Burns u takua me shefin e zbulimit rus Sergei Naryshkin për të paralajmëruar për pasojat nëse Rusia do të përdorte një armë bërthamore në Ukrainë.
Zyrtari, i cili foli me gazetarët në kushte anonimiteti, tha se bisedimet nuk përfshinin ndonjë diskutim për një zgjidhje për luftën.
Ndër zhvillimet e tjera, Asambleja e Përgjithshme e Kombeve të Bashkuara miratoi të hënën një rezolutë që bën thirrje që Rusia të jetë përgjegjëse për sigurimin e zhdëmtimeve për Ukrainën. Votimi ishte 94 me 14, me 73 abstenime.
Megjithëse dokumenti u miratua, ai mori më pak mbështetje sesa një rezolutë e tetorit që dënonte “përpjekjet për aneksimin e paligjshëm” të katër rajoneve të Ukrainës nga Rusia. Ajo kishte kaluar me 143 vota pro dhe 5 kundër, me 35 abstenime.
Në Hagë, Sekretari i Përgjithshëm i NATO-s, Jens Stoltenberg u tha gazetarëve se aftësia ushtarake e Rusisë nuk duhet të nënvlerësohet, pavarësisht sukseseve të fundit të Ukrainës.
“Muajt e ardhshëm do të jenë të vështirë. Qëllimi i Putinit është ta lërë Ukrainën të ftohtë dhe të errët këtë dimër. Pra, ne duhet të ruajmë kursin”, tha ai gjatë një konference të përbashkët shtypi me zyrtarë të qeverisë holandeze.
Një zyrtar i lartë ushtarak amerikan u tha gazetarëve të hënën në kushte anonimiteti se forcat ruse që ishin në Kherson janë tërhequr në anën lindore të lumit Dnipro dhe po forcojnë vijën e tyre mbrojtëse atje.
“Është vlerësimi ynë tani se qëllimi i tyre do të jetë të përpiqen të mbahen në atë territor”, tha zyrtari.
Zyrtari tha se marrja e Khersonit nga Ukraina është “shumë domethënëse” strategjikisht, por “meqenëse rusët nuk duken të prirur të largohen nga pjesa tjetër e Ukrainës së pushtuar, padyshim që ka ende luftime të vështira përpara”.
Shtetet e Bashkuara të Amerikës kanë vendosur sanksione ndaj një rrjeti subjektesh dhe individësh, për të cilët thotë se ishin të përfshirë në furnizimin e Rusisë me teknologji ushtarake, të cilat përdoren në luftën e saj kundër Ukrainës.
Departamenti i Thesarit i SHBA-së tha në një deklaratë, më 14 nëntor, se pjesë e këtyre sanksioneve është një rrjet transnacional që i mundësoi Rusisë furnizimin me armë.
Në total janë sanksionuar 14 individë dhe 28 organizata apo subjekte, si dhe janë identifikuar tetë avionë si pronë e bllokuar.
Uashingtoni ka vënë sanksione edhe ndaj firmave të mëdha industriale ushtarake në Rusi, dhe ka bërë lëvizje për të ndërprerë eksportet e komponentëve të prodhuar nga Amerika dhe teknologjive amerikane që janë përdorur në disa nga pajisjet ushtarake të Rusisë.
Kjo e ka shtyrë Kremlinin të kërkojë furnizues të tjerë ushtarakë si Irani, i cili ka furnizuar Moskën me dronë, që thuhet se janë pjesë e breshërisë së sulmeve ajrore të Rusisë ndaj Ukrainës.
“Shtetet e Bashkuara do të vazhdojnë të ndërpresin zinxhirët e furnizimit ushtarak të Kremlinit dhe t’i mohojnë Rusisë pajisjet dhe teknologjinë që i nevojiten për të zhvilluar luftën e saj të paligjshme kundër Ukrainës”, tha sekretarja e Thesarit amerikan, Janet Yellen.
“Veprimet e sotme demonstrojnë përkushtimin e palëkundur të Thesarit për të vënë në shënjestër njerëzit në mbarë botën që ndihmojnë përpjekjet e Putinit dhe elitat mike që financojnë regjimin e tij. Së bashku me koalicionin tonë të gjerë të partnerëve, ne do të vazhdojmë të përdorim sanksionet tona dhe kontrollet e eksportit për të dobësuar ushtrinë ruse në fushëbetejë”, tha ajo.
Milandr, një kompani ruse mikro-elektronike që SHBA-ja thotë se është pjesë e strukturës së kërkimit dhe zhvillimit ushtarak të Moskës, u vendos në listë, si dhe tri sbjekte të lidhura me kompaninë dhe disa drejtues të saj.
Sanksionet prekën gjithashtu familjen e oligarkut miliarder, Suleiman Kerimov, i cili ishte vendosur në listën e zezë në shtator, dhe një rrjet njerëzish rreth bizneseve me të cilat ai është i lidhur.
Kerimovi konsiderohet se ka lidhje të ngushta mePutinin.
Sanksionet synojnë gruan, fëmijët dhe nipin e Kerimovit, katër firma franceze të pronave të paluajtshme të kontrolluara nga njëra prej vajzave të tij dhe disa shtetas zviceranë të lidhur me kompanitë e tij.
Midis tyre është shtetasi zviceran, Alexander-Walter Studhalter, i cili u sanksionua së bashku me biznesmenin rus, Murat Aliev, për përfshirjen e tyre me shumë kompani në rrjetin financiar të Kerimovit.
Sekretari amerikan i Shtetit Antony Blinken e përshkroi Studhalterin si “një lojtar kyç në rrjetin financiar të Kerimovit”.
Përveç kësaj, Departamenti amerikan i Thesarit bllokoi edhe tetë avionë të vegjël, për të cilët tha se ishin avionë luksozë të përdorur nga familja e Kerimovit.
Sanksionet e vendosura nga Thesari i SHBA-së ngrijnë çdo pasuri që individët dhe subjektet e përcaktuara kanë në Shtetet e Bashkuara.
Demokratët do të mbajnë kontrollin e Senatit amerikan pas fitores në shtetin e Nevadës.
Senatorja Chatherine Cortez Mastro ka mposhtur në Nevada kundërkandidatin e saj republikan, Adam Laxalt, i cili ishte mbështetur nga ish-presidenti Donald Trump.
Këto janë rezultatet më të mira të Partisë Demokratike në zgjedhjet e mesmandatit në 20 vjetët e fundit.
Presidenti amerikan, Joe Biden, tha se është jashtëzakonisht i kënaqur me rezultatin, duke shtuar se është koha për republikanët të vendosin “se kush janë”.
Lideri i demokratëve në Senat, Chuck Schumer, tha se rezultati tregoi se populli amerikan ka refuzuar atë që ai e quajti “retorikë të dhunshme” të Partisë Republikane.
Vetëm në Xhorxhia do të zhvillohet rundi i balotazhit në dhjetor. Në rast se dy partitë do të kenë numër të njëjtë të ulëseve në Senat, atëherë nënpresidentja amerikane, Kamala Harris, do të ketë votën që do të vendosë.
Republikanët mund të marrin kontrollin e Dhomës së Përfaqësuesve, teksa ende po numërohen votat për zgjedhjet e mesmandatit që u mbajtën të martën.
Nëse republikanët fitojnë në Dhomën e Përfaqësuesve, ata mund të pengojnë agjendën e Bidenit.
“Nuk jam i befasuar nga rezultati. Jam jashtëzakonisht i kënaqur. Mendoj se rezultati zgjedhor reflekton kualitetin e kandidatëve tanë”, deklaroi Biden në Kamboxhia, ku po merr pjesë në një samit.
Schumer tha se shteti ka “treguar se ne besojmë në demokracinë tonë dhe se rrënjët janë të forta dhe do t’ia dalim për aq kohë sa ne luftojmë për të”.
Cortez Mastro ishte në garë të ngushtë me Adam Laxalt për ulësen në Nevada, dhe arriti t’i siguronte partisë së saj një ulëse të rëndësishme në Senat.
Ky rezultat është një goditje e madhe për republikanët, që po prisnin të korrnin fitore ndaj partisë së presidentit Biden.
Përderisa republikanët vazhdojnë të jenë favorit për të marrë kontrollin e Dhomës së Përfaqësuesve, demokratët e Bidenit kanë dalë më mirë në zgjedhje sesa pritej.
Ish-presidenti amerikan, Donald Trump, që ka insistuar në mënyrë të pabazuar se ka fituar zgjedhjet presidenciale të vitit 2020, ka bërë pretendime të ngjashme edhe për zgjedhjet e mesmandatit.
Trump pritet të njoftojë se do të garojë sërish për president më 2024.
Senatorja demokrate Catherine Cortez Masto fitoi zgjedhjet për një mandat të dytë duke përfaqësuar Nevadën të shtunën, duke mundur republikanin Adam Laxalt për të siguruar kontrollin e partisë mbi dhomën për dy vitet e ardhshme të presidencës së Joe Biden.
Kontrolli i Dhomës së Përfaqësuesve ende nuk është vendosur, nuk ishte parashikuar se republikanët do të merrnin pushtetin në Uashington, duke refuzuar lidershipin e Presidentit Biden. Megjithëse republikanët kanë ende një avantazh në kapjen e Dhomës së Përfaqësuesve , shumica e tyre sigurisht që do të ishte e vogël.
Por me fitoren e zonjës Cortez Masto në Nevada, e cila u thirr nga Associated Press të shtunën mbrëma, demokratët kanë grumbulluar 50 vendet që u nevojiten për të mbajtur kontrollin e dhomës së sipërme, një arritje e madhe duke marrë parasysh që votuesit zakonisht ndëshkojnë partinë e presidentit.
Një balotazh i 6 dhjetorit midis senatorit Raphael Warnock dhe kundërshtarit të tij republikan, Herschel Walker, do t’u ofrojë republikanëve vetëm një mbushje të lehtë të shumicës së demokratëve ose një çmim ngushëllues.
Fitorja e Demokratëve në Nevada, së bashku me rizgjedhjen e senatorit Mark Kelly në Arizona , e cila u thirr të premten vonë, pohoi se partia po përpiqet të forcohet në Perëndim. Zoti Biden fitoi Arizonën me vetëm 10,457 vota në vitin 2020; Nevada ka qenë më e qëndrueshmja në vitet presidenciale, por e çrregullt. Zonja Cortez Masto, e cila u bë senatorja e parë latine gjashtë vjet më parë, duhej të vinte nga pas për të mposhtur zotin Laxalt, i cili mbështetej nga ish-presidenti Donald J. Trump, duke e kaluar atë të shtunën kur fletëvotimet me postë, kryesisht nga Clark. Qarku, i cili përfshin Las Vegasin, u rendit më në fund.
Një Senat Demokratik do të jetë i paçmueshëm për zotin Biden, edhe nëse republikanët sigurojnë ngushtë kontrollin e Dhomës. Presidenti do të ketë edhe dy vjet të tjera për të konfirmuar gjyqtarët në panelin federal dhe do të ketë më shumë kontroll mbi personelin në qeverinë e tij me konfirmimin e të nominuarve nën drejtimin e senatorit Chuck Schumer nga Nju Jorku, lideri i shumicës.
Duke mos i sjellë kurrë në votim projektligjet e Dhomës së Përfaqësuesve, demokratët e Senatit do të jenë në gjendje ta izolojnë atë nga detyrimi për të vënë veton ndaj legjislacionit të vështirë politik. Demokratët e Senatit do të jenë në gjendje t’u përgjigjen mesazheve politike të miratuara nga Dhoma e Përfaqësuesve me mesazhet e tyre politike, duke përdorur masa dypartiake si projektligji i infrastrukturës dhe ligjin për kontrollin e armëve që doli nga Senati aktual 50-50 në një përpjekje për të ushtruar presion ndaj republikanëve të Dhomës.
Por në përballjet e kaluara, zgjidhjet dypartiake të siguruara në Senat janë gëlltitur përfundimisht nga Dhoma. Kjo bëhet më e mundshme në rastin e një Kongresi të ndarë, me Senatin në duart e Demokratëve.
Demokratët e Senatit do të jenë gjithashtu një zë për administratën kur Kongresi duhet të miratojë projektligje për të financuar qeverinë dhe për të rritur kufirin ligjor të huamarrjes. Por republikanët, nëse fitojnë kontrollin e Dhomës së Përfaqësuesve, pothuajse me siguri do të përpiqen të nxjerrin lëshime, nën kërcënimin e mbylljes së qeverisë apo edhe të një mospagimi potencialisht katastrofik të borxhit.
Udhëheqësit republikanë në Dhomë kanë treguar tashmë se do të kërkojnë të zhbëjnë një rritje të madhe të financimit për personelin në Shërbimin e të Ardhurave të Brendshme, i cili u përfshi në Aktin e Reduktimit të Inflacionit të miratuar këtë vit . Ata po planifikojnë gjithashtu të bëjnë presion për më shumë para për kontrollet në kufirin e SHBA me Meksikën dhe për të përfunduar murin kufitar të nisur nga zoti Trump.
Për pjesën më të madhe të fushatave afatmesme, republikanët dhe analistët e pavarur e panë kontrollin e GOP të Dhomës së Përfaqësuesve si një përfundim të paramenduar, duke pasur parasysh jopopullaritetin e zotit Biden dhe erërat e kundërta që pasiguria ekonomike dhe inflacioni përfaqësonin kandidatët demokratë.
Por kontrolli i Senatit dukej se ishte një betejë tjetër. Të njëjtat erëra politike rënduan kandidatët demokratë për Senat, por sfiduesit e dobët republikanë, shumë prej tyre të miratuar ose të zgjedhur me kujdes nga zoti Trump, u dhanë demokratëve një shans për të luftuar në shtetet e luhatshme si Pensilvania, Nju Hampshire, Xhorxhia, Arizona dhe Nevada.
Senatori Rick Scott i Floridës, udhëheqësi i krahut politik të republikanëve të Senatit, tha në fund të tetorit se ai shihte një rrugë për një shumicë republikane prej 55 vendesh , duke parashikuar se edhe shtetet demokratike si Uashingtoni dhe Kolorado ishin në lojë.
Në fund, fusha doli të ishte shumë më e vogël. Demokratët ishin në gjendje të kapnin vetëm një vend republikan, atë të senatorit në pension Patrick J. Toomey nga Pensilvania, i cili u fitua nga nënguvernatori i shtetit, John Fetterman . Por, deri më tani, republikanët nuk kanë mundur asnjë demokrat në garat për Senatin. Dhe vetëm një kryetar demokrat, z. Warnock në Gjeorgji, i mbetet humbjes së mundshme.
Vendimi për kontrollin e Senatit përpara balotazhit mund të ndikojë në garën Warnock-Walker . Votuesit nga të dyja palët mund të kenë më pak motivim për të dalë me aksione dukshëm më të ulëta. Demokratët shpresojnë se kjo do të jetë veçanërisht e dobishme për z. Warnock.
Fushata e zotit Walker për Senatin është shtyrë nga akuzat për dhunë në familje dhe ekzagjerimet e rezymesë së tij, dhe nga akuzat e dy ish-të dashurave se ai ka paguar për ato që të bëjnë abort . Kjo e fundit ishte veçanërisht problematike për një kandidat që ka qenë një kundërshtar i palëkundur i abortit, edhe në rastet e përdhunimit apo incestit.
Disa votues duket se i kanë ndarë biletat e tyre mes zotit Warnock dhe guvernatorit republikan të shtetit, Brian Kemp, i cili fitoi lehtësisht rizgjedhjen të martën . Disa mund të kenë votuar për z. Kemp dhe kanë lënë bosh vendet e Senatit.
Tani, me zotin Kemp jo në fletëvotim dhe një shumicë të Senatit nuk është më në lojë, demokratët shpresojnë se një numër i konsiderueshëm i republikanëve do të qëndrojnë në shtëpi më 6 dhjetor.
Por aksionet më të ulëta mund të ndikojnë gjithashtu në pjesëmarrjen demokrate, gjë që do ta privonte z. Warnock nga pretendimi se fitorja e tij ka peshë përtej kontrollit të thjeshtë të Senatit. Megjithatë, në të vërtetë, 51 vende do të kishin implikime praktike. Në vend të komiteteve të Senatit të ndarë në mënyrë të barabartë, demokratët do të kishin një shumicë numerike, e cila do t’i ndihmonte ata të lëshonin fletëthirrje, të hulumtonin nominimet dhe ta dërgonin legjislacionin në një votim përfundimtar pa ndërmjetësimin e udhëheqësit demokrat të Senatit.bw
Demokratët e presidentit Joe Biden janë më afër që të mbajnë kontrollin e Senatit, pasi senatori Mark Kelly fitoi garën në këtë shtet në zgjedhjet e mesmandatit.
Fitorja e Kellyt ndaj republikanit Blake Masters, e vendos partinë republikane një ulëse larg fitores në Senat.
Demokratët mund të mbajnë kontrollin e Senatit nëse fitojnë Nevada ose në balotazhin në Xhorxhia, që mbahet muajin e ardhshëm. Që republikanët të fitojnë kontrollin në Senat duhet të fitojnë garën në këto dy shtete.
Demokratët do të marrin shumicën nëse fitojnë edhe një ulëse, pasi kanë votën e nënpresidentes amerikane, Kamala Harris.
Republikanët megjithatë ende kanë mundësi që të marrin kontrollin e Dhomës së Përfaqësuesve, teksa numërimi i votave për zgjedhjet e së martës po vazhdon.
Nëse republikanët fitojnë kontrollin në një prej dy institucioneve të Kongresit, ata mund të pengojnë agjendën e presidentit Biden.
“Nga dita e parë, kjo fushatë ka qenë për shumë qytetarë të Arizonës – demokratë, të pavarur dhe republikanë – të cilët besojnë se duke punuar së bashku mund të përballemi me sfidat e mëdha me të cilat ballafaqohemi. Kjo është çfarë kam bërë gjatë dy vjetëve në qeverisje dhe do të vazhdoj ta bëj për aq kohë sa jam në këtë detyrë”, tha Kelly përmes një deklarate për media.
Kelly, ish-astronaut, gruaja e së cilit Gabby Giffords i shpëtoi një tentim-vrasjeje në kohën sa ishte ligjvënësve amerikane, u zgjodh dy vjet më parë në Senat, për të zëvendësuar senatorin e ndjerë John McCain.
Kundërkandidati i tij, Masters, ishte mbështetur nga ish-presidenti amerikan, Donald Trump. Ky i fundit refuzon të pranojë humbjen në zgjedhjet presidenciale të vitit 2020 dhe vazhdimisht përsërit akuzat e rreme për mashtrime zgjedhore.
Përmes një deklarate, Masters tha se gjatë fushatës ka pasur çështje “shqetësuese”.
“Na presin beteja ligjore”, tha ai.
Rezultati në Arizona është goditje për republikanët, të cilët po shpresojnë që të marrin kontrollin në Senat dhe në Dhomën e Përfaqësuesve.
Përderisa republikanët janë favorit që të fitojnë shumicën në Dhomën e Përfaqësuesve, gara për Senat është e ngushtë, teksa demokratët kanë dalë më mirë në zgjedhje sesa pritej.
Shefi i shtabit të Forcave Ajrore amerikane paralajmëron se ushtria amerikane duhet të ndryshojë nëse dëshiron të ruajë avantazhin përballë Kinës dhe Rusisë. Gjenerali bisedoi këtë javë me korrespondenten e Zërit të Amerikës Carla Babb për të diskutuar se si Forcat Ajrore po i përshtaten kërcënimeve që po ndryshojnë në mbarë globin.
Ndërsa Shtetet e Bashkuara ishin përqëndruar tek lufta kundër ekstremistëve islamistë në Afganistan dhe në Lindjen e Mesme, Rusia dhe Kina shtuan gradualisht fuqinë e tyre ushtarake.
Rusia tashmë po i tregon muskujt e saj ushtarakë në Ukrainën fqinje, ndërsa Pentagoni e konsideron Kinën si rrezikun më të madh ndaj sigurisë kombëtare.
Duke folur ekskluzivisht me Zërin e Amerikës, Gjenerali C.Q. Brown Jr., shef i shtabit të Forcave Ajrore, paralajmëroi se Shtetet e Bashkuara nuk duhen të ndjehen të kënaqura me situatën e tanishme, nëse dëshirojnë të vazhdojnë të jenë superfuqia më e madhe në botë.
“Kundërshtarët tanë kanë vazhduar të përparojnë me kapacitetet e tyre, ndërkohë që ne po përdorim të njëjtat kapacitet që kemi përdorur gjatë 30 viteve të fundit. Rreziku me të cilin përballemi nuk do të jetë rreziku që do të kemi në të ardhmen. Prandaj duhet patjetër të ndryshojmë”, thotë Gjenerali Brown.
Kina ka më shumë personel ushtarak në shërbim aktiv se Shtetet e Bashkuara dhe ka investuar për dekada për të përmirësuar armatimin e saj. Gjatë viteve të fundit, ushtria kineze ka prodhuar aeroplanmbajtëse të reja, avionë të rinj dhe një arsenal masiv me raketa.
Por, nëse Kina shpenzoi rreth 250 miliardë dollarë për ushtrinë gjatë vitit 2022, Shtetet e Bashkuara shpenzuan gati tetë herë më shumë.
“Është e drejtë që të pranohet përparimi i këtyre kundërshtarëve të mundshëm, por vetëm ky fakt nuk duhet krijojë panik në Shtetet e Bashkuara. Jemi ende relativisht me kapacitete të shumta – forcat më të mira ushtarake në botë”, thotë Melanie Sisson, nga Instituti Brookings.
Veterani dhe analisti i mbrojtjes Bradley Bowman vë në dukje se Kina ka zgjedhur metodikisht dhe qëllimisht modernizime të projektuara për të mundur Shtetet e Bashkuara në Azinë Lindore, që është një fushëbetejë e mundshme për shkak të Tajvanit.
Kjo mund t’i lërë të ekspozuara ndaj sulmeve kineze portet dhe bazat amerikane.
“Kinezët kanë krijuar kapacitete po aq të mira sa tonat, ndonjëherë edhe më të mira. Avantazhi ushtarak i Amerikës në Paqësor është pakësuar, dhe unë shoh Kinën që përparon me shpejtësi, ndërsa shpesh ne këtu në Uashington duket sikur dremisim”, thotë zoti Bowman.
Forcat Ajrore amerikane do të paraqesin muajin e ardhshëm avionin më të ri bombardues që nuk kapet nga radarët, B-21. Ai do të zëvendësojë bombarduesit B-1 dhe B-2, që kanë qenë në përdorim që nga vitet 1980.
“Prandaj duhet të modernizohemi, pasi janë disa avionë që për nga pikëpamja e mirëmbajtjes janë më të vështirë ndërkohë që po pakësohen burimet për pjesët e ndërrimit. Me modernizimin rritet numri i avionëve të disponueshëm dhe sigurohemi që kemi gatishmëri të forcave”, thotë Gjenerali Brown.
Përgatitje për diçka që zyrtarët amerikanë shpresojnë të mos ndodhë kurrë. Ata thonë se Kina kërkon të arrijë kapacitetet për ta marrë dhe për ta mbajtur Tajvanin brenda vitit 2027. Kina gjithashtu ka njoftuar se synon që të bëhet një forcë ushtarake e klasit botëror “për të bërë luftë dhe për të fituar” brenda vitit 2049.
Në zgjedhjet e kësaj jave në Shtetet e Bashkuara ishte një kandidat që nuk shfaqej me emër në fletët e votimit: demokracia amerikane.
Shumë nga kandidatët që mbështetën pretendimin se ish-presidenti Donald Trump fitoi në zgjedhjet e vitit 2020, humbën garat që mund t’u kishin dhënë atyre mundësinë të ndikonin në zgjedhjet e ardhshme.
Por faktorët që vunë në rrezik demokracinë mbeten ,dhe amerikanët i shohin ato nga këndvështrime shumë të ndryshme, në varësi të politikës së tyre.
Në New Hampshire, votuesit rizgjodhën guvernatorin republikan Chris Sununu për një mandat të katërt, por refuzuan tre kandidatë për kongresin të cilët ose u mbështetën nga zoti Trump ose u radhitën në krah të ish-presidentit. Përkundrazi, votuesit rikthyen në Uashington zyrtarët demokratë.
Bill Greiner, një pronar restoranti, tha se kandidatët e mbështetur nga zoti Trump fituan zgjedhjet paraprake brenda partisë republikane dhe më pas u hapën rrugë demokratëve në zgjedhjet e përgjithshme.
Zoti Greiner, një republikan, tha se në të kaluarën se ai ka mbështetur kandidatët e partisë së tij kur kandidatët e tij të preferuar kishin humbur zgjedhjet paraprake, por ai nuk mund të votonte për kandidatët që vazhdonin të mohonin legjitimitetin e zgjedhjeve presidenciale të vitit 2020.
“Zgjedhjet nuk u vodhën dhe cilido që ka si temë qendrore mohimin e zgjedhjeve nuk do të ketë sukses,” thotë ai.
Në prag të zgjedhjeve të mesit të mandatit, Presidenti Joe Biden vuri në qendër të vëmendjes kërcënimet ndaj demokracisë amerikane, megjithëse kritikët sugjeruan se ishte një taktikë për të larguar vëmendjen nga shifrat e ulëta për mbështetjen e tij dhe shqetësimet e votuesve për ekonominë.
Të enjten, zoti Biden tha se parimet thelbësore të vendit kishin rezistuar: “Kishte shumë shqetësime nëse demokracia do ta përballonte sfidën. Dhe ia doli!”
Dita e zgjedhjeve tregoi se zoti Biden nuk ishte i vetmi që shqetësohej në këtë drejtim: 44% e votuesve thanë se e ardhmja e demokracisë ishte faktori kryesor për ta, sipas një sondazhi me më shumë se 94,000 votues në mbarë vendin. Kjo përfshinte rreth 56% të demokratëve dhe 34% të republikanëve.
Por në mesin e republikanëve, ata që identifikohen si pjesë e lëvizjes “Ta bëjmë Amerikën përsëri madhështore (MAGA)” të Donald Trumpit, kishin më shumë gjasa se të tjerët të thonin se e ardhmja e demokracisë ishte faktori kryesor kur votonin, 37% me 28%.
Shqetësimet për demokracinë ishin një emërues i përbashkët mes anëtarëve të dy partive të mëdha, por për arsye të ndryshme: vetëm rreth një e treta e republikanëve besojnë se zoti Biden u zgjodh në mënyrë legjitime, sipas sondazhit të agjencisë AP, duke demonstruar se sa shumë kanë depërtuar pretendimet e rreme të zotit Trump për zgjedhjet në partinë e tij.
Demokratët, ndërkohë, besonin se përhapja e gënjeshtrave zgjedhore dhe numri i kandidatëve republikanë që i përsërisnin ato ishin një sulm mbi themelet e demokracisë.
Disa nga kandidatët më të zëshëm që mohuan rezultatet e zgjedhjeve presidenciale 2020 i humbën garat për poste mbarëkombëtare.
Akuzat e ish-presidentit Trump për manipulime u hodhën poshtë nga dhjetëra gjykata, përfshirë nga gjyqtarë të emëruar prej tij.
Megjithatë nuk është e lehtë të çrrënjosen teoritë e konspiracionit. Ato krijuan terrenin për mbjelljen e mosbesimit kur u shfaqën probleme rutinë të martën në Detroit dhe në qarkun Maricopa të Arizonës.
Problemi u zgjidh lehtësisht, por jo përpara se të ngjallte debat në mediat sociale, përfshirë postimet e zotit Trump.
Megjithatë, fakti që disa prej mbështetësve më të fortë të pretendimeve të zotir Trump pranuan humbjen mund të ndihmojë në “rikthimin e normave të procesit demokratik që u goditën gjatë presidencës së zotit Trump,” thotë historiani i Universitetit Dartmouth, Matthew Delmont.
Pyetja që shtrohet tani është nëse demokracia është e sigurt në mënyrë të përhershme apo thjesht për momentin”, shton ai.
I dërguari amerikan për Ballkanin Perëndimor Gabriel Escobar, tha se Kosova duhet të përmbushë kërkesat perëndimore për çështjen targave të makinave dhe themelimin e Asociacionit të komunave me shumicë serbe, ndërsa Serbisë i është bërë e qartë se tërheqja e serbëve nga institucionet e Kosovës është e padobishme.
Në një intervistë me Zërin e Amerikës, zoti Escobar e vlerësoi mjaft të rrezikshme situatën në veriun e Kosovës ku institucionet vendase kanë mbetur pa punonjës serbë, të cilët u tërhoqën për shkak të mospajtimeve me vendimin e qeverisë për konvertimin e targave të makinave të lëshuara nga Serbia.
“Ne kemi qenë shumë të qartë dhe të hapur se çfarë presim nga të dyja palët. Nga pala e Kosovës kemi kërkuar një periudhë njëvjeçare të zbatimit për të bërë një fushatë publike të njoftimit dhe për të përgatitur komunitetin e prekur, që të jetë i gatshëm të ndërrojë targat e makinave. Ne po ashtu po u bëjmë thirrje që të fillojnë ta vënë çështjen e Asociacionit të komunave me shumicë serbe në rend dite. Kjo është një kërkesë. Nga pikëpamja jonë dhe ajo e partnerëve të Quintit, kjo është një kërkesë dhe ne do të ngulim këmbë. Nga pala serbe, ne mendojmë se çdo protestë duhet të jetë paqësore dhe largimi i serbëve nga institucionet nuk është i dobishëm. U bëj thirrje palëve që të jenë gati të përmbushin këto çështje menjëherë”, tha ai.
Zoti Escobar tha se koha është për më shumë dialog dhe se Shtetet e Bashkuara kanë qenë shumë të qarta gjatë procesit të bisedimeve se cilat janë pritshmëritë nga pala e Kosovës.
“Ne kemi qenë po ashtu shumë të qartë me palën serbe se pajtohemi që çështja e Asociacionit të komunave me shumicë serbe duhet të jetë në rendin e ditës. Unë kam biseduar më një gamë të gjerë zërash brenda Kosovës që e mbështesin këtë dhe janë të vullnetshëm të ndihmojnë Kosovën të përmbushë detyrimet ndërkombëtare për këtë çështje”, tha zoti Escobar.
Kryeministri i Kosovës, Albin Kurti tha të hënën se Serbia po përpiqet të maskojë refuzimin e nismës franko-gjermane për një marrëveshje ndërmjet të dyja vendeve duke bërë përpjekje të destabilizojë situatën ne veriun e Kosovës. Zoti Escobar i cili e mbështet propozim franko-gjerman nuk pajtohet me këtë pohim.
“Jo nuk mendoj që është kështu. Mendoj se reagimi është në atë se çfarë po ndodhë në terren. Sa i përket propozimit franko-gjerman është shumë herët për ne që të peshojmë përgjigjet. Kjo situatë, kjo krizë duhet të trajtohet për atë që është. Janë tensione që po rriten për shkak të mungesës së komunikimit, mungesës së bashkërendimit dhe mungesës së vullnetit për të marrë pjesë dhe për t’u angazhuar plotësisht në dialog”, tha zoti Escobar.
Ai theksoi se pavarësisht rezultateve të zgjedhjeve të së martës në Shtetet e Bashkuara, nuk do të ketë ndryshim të qasjes amerikane ndaj Ballkanit Perëndimor.
“Pikëpamja jonë për Ballkanin Perëndimor është se rajoni duhet të jetë i integruar në komunitetin e vendeve demokratike perëndimore që do të thotë anëtarësim në Bashkimin Evropian për të gjithë, anëtarësim në NATO për ata që duan dhe integrim rajonal për të gjithë që të ndihmojnë zgjidhjen e dallimeve midis tyre. Pra jo asgjë nuk do të ndryshojë si rrjedhojë e zgjedhjeve”, tha zoti Escobar, duke nënvizuar se Shtetet e Bashkuara mbeten të përkushtuara për sigurinë dhe qëndrueshmërinë e Ballkanit Perëndimor.
“Në fakt ishin përpjekjet tona në bashkërendim me aleatët tanë evropian që siguruan ripërtëritjen e rezolutës në Këshillin e Sigurimit për vazhdimin e misionit paqeruajtës në Bosnje. Dhe mbi të gjitha ne kemi një përkushtim të fuqishëm për sigurinë dhe qëndrueshmërinë e Kosovës nëpërmjet KFOR-it”, tha i dërguari amerikan.
Rezultatet e zgjedhjeve të së martës, që ishin larg pritshmërive të Partisë Republikane, kanë bërë që disa aleatë të Presidentit Trump t’i bëjnë atij thirrje të shtyjë njoftimin e planifikuar për javën tjetër, ku mendohej se ai mund të shpallte kandidaturën për zgjedhjet e 2024.
Zyrtarë të Partisë Republikane duan që vëmendja në ditët në vazhdim të përqëndrohet në shtetin e Xhorxhias, ku kandidati i mbështetur nga zoti Trump, Herschel Walker, është në balotazh me senatorin aktual demokrat Raphael Warnock.
Gara mund të jetë përcaktuese për të vendosur mbi fatin e kontrollit të Senatit. “Do ta këshilloja ta shtynte njoftimin deri pas balotazhit të 6 dhjetorit”, tha ish këshilltari i Presidentit Trump, Jason Miller, i cili ishte me presidentin në rezidencën e tij në Mar-a-Lago në Florida.
Presidenti Trump synonte t’i përdorte zgjedhjet si një mundësi për të provuar ndikimin e tij politik, pas humbjes para dy vjetësh. Ai mbështeti mbi 330 kandidatë në gara të ndryshme, që nga ato për postet më të larta, deri tek postet më të ulta, shpesh duke inkurajuar kandidatë pa përvojë, ose me të meta. Ai u mburr me fitoret e kandidatëve të tij gjatë votimeve paraprake në parti. Por shumë prej qëndrimeve që mbështesnin ata, që nga gënjeshtra për vjedhjen e zgjedhjeve të 2020 dhe qëndrimet e linjës ekstreme kundër të drejtës për abort, nuk ishin në përputhje me pikëpamjet dominuese politike. Kandidatët e ish presidentit arritën disa fitore të rëndësishme si ato në Ohajo, ku shkrimtari JD Vance fitoi në garën për në Senat, pasi mbështetja që siguroi nga ish presidenti e ngriti atë në krye të listës së rivalëve republikanë gjatë primareve. Në Karolinën e Veriut, kandidati tjetër Ted Budd, i mbështetur po nga ish presidenti, i dha një vend tjetër në Senat republikanëve.
Por kandidatët e tij humbën në disa gara të rëndësishme, si për shembull në Pensilvani, ku mjeku Mehmet Oz humbi ndaj demokratit John Fetterman. Kandidatët e mbështetur nga zoti Trump po ashtu humbën garat për guvernator në Pensilvani, Meriland dhe Miçigan.
Fitorja më e madhe e republikanëve ishte në Florida, ku guvernatori Ron DeSantis fitoi thellë, duke çimentuar statusin e tij si një figurë qendrore në ngritje në Partinë Republikane, si dhe një kandidat i mundshëm i saj për president në 2024. “Sapo e kam filluar betejën” tha ai pas fitores të martën.
“Këto zgjedhje ishin një mundësi e mirë, por mbështetja nga zoti Trump e kandidatëve, që nuk mund të fitonin, na e hoqi atë nga duart”, thotë Scott Reed, një prej këshilltarëve me përvojë të partisë republikane. “Trump ka humbur deri tani tre gara rresht për republikanët dhe ka ardhur koha të shkëputemi nga teoritë e tij jo-realiste”, shton ai. “Partia republikane”, argumenton analisti Reed, “kishte gjithë avantazhet e duhura, fondet, çështjet që shqetësojnë amerikanët, nivelin e ulët të mbështetjes për presidentin Biden, por përpjekjet e Presidentit Trump për të vënë veten në qendër të vëmendjes me kandidimin e mundshëm për 2024, qartazi nxitën shumë të pavarur dhe mobilizuan bazën e demokratëve për të dalë në numër të madh për të votuar”.
Ish Guvernatori i Nju Xhersit, Chris Christie, një mik i hershëm dhe këshilltar i ish Presidentit Trump, i kthyer në kritik të tij, që mund të jetë vetë duke shqyrtuar mundësinë të kandidojë më 2024, thotë se republikanët “duhet të marrin një vendim jetik”. “Ne humbëm më 2018, humbëm më 2020, humbëm në Xhorxhia në 2021 dhe tani në 2022 po humbasim në garat për guvernatorë, nuk do të fitojmë aq vende në Dhomën e Përfaqësuesve sa duhet të fitonim dhe mund të mos e marrim kontrollin e Senatit, megjithëse mbështetja për punën e presidentit Biden është vetëm 40 përqind”, tha ai, duke shtuar se “personi i vetëm që duhet fajësuar për këtë është Donald Trumpi”.
Në konferencën e parë për shtyp pas zgjedhjeve që përkojnë me mesin e mandatit, Presidenti Joe Biden tha se demokratët patën një natë të mirë. Ai tha se nuk ka plane për të bërë ndryshime në qasjen e tij pavarësisht mundësisë që republikanët mund të marrin kontrollin e Kongresit.
“Unë jam i përgatitur të punoj me kolegët e mi republikanë. Populli amerikan e ka bërë të qartë se pret që republikanët të punojnë me mua gjithashtu”, tha Presidenti Biden.
Ai la mënjanë shqetësimet se republikanët, të cilët janë në rrugën e duhur për të marrë kontrollin e Dhomës së Përfaqësuesve, do të hetojnë administratën dhe familjen e tij, njollë që mund ta shoqërojë gjatë gjithë presidencës së tij.
“Unë mendoj se populli amerikan do ta shohë për atë që është, pothuajse komedi”, tha ai.
Për demokratët ende ekzistion mundësia që të ruajnë kontrollin e Senatit, çka do t’i mundësonte Presidentit Biden që të emëronte gjykatës federalë dhe zyrtarë të administratës.
“Ndërsa shtypi dhe ekspertët po parashikonin një valë gjigante të kuqe, kjo nuk ndodhi”, tha Presidenti Biden.
Presidenti Biden tha se kishte në plan të bisedonte me udhëheqësit republikanë në Kongres duke hapur mundësinë e arritjes së kompromisit me ta.
Arritjet e Presidentit Biden ishin pjesë e zgjedhjeve të djeshme edhe pse emri i tij nuk ishte në fletët e votimit. Pavarësisht se si do të jetë rezultati përfundimtar i zgjedhjeve të mesmandatit, presidenca e tij do të ketë ndryshime të thella.
Presidenti Biden dhe këshilltarët e tij i ndoqën votimet nga Shtëpia e Bardhë deri në orët e hershme të mëngjesit të mërkurën, ndërsa presidenti telefonoi mbi 30 kandidatë demoktratë për t’u uruar fitoret.
Në publik, presidenti shprehu optimizëm deri në pikën e fundit, duke u thënë zyrtarëve demokratë në prag të zgjedhjeve se, “ne do t’i befasojmë të gjithë”.
Sidoqoftë, pas dyerve të mbyllura, ndihmësit e Shtëpisë së Bardhë kanë hartuar plane në rast se republikanët marrin kontrollin e njërës apo të të dyja dhomave të Kongresit, një skenar që Presidenti Biden e ka pranuar që do ta vështirësonte punën e tij.
Ende është e paqartë se kush do të marrë kontrollin e Dhomës së Përfaqësuesve, for fitoret në disa gara treguan për forcën befasuese të demokratëve. Pavarësisht nga rezultati, Presidentit Biden do t’i duhet të riorganizojë përparësitë e tij në Shtëpinë e Bardhë.
Javën e kaluar presidenti u bëri thirrje amerikanëve që të jenë të durueshëm ndërsa numërohen votat dhe të shmangin përfshirjen në teori konspirative, një mesazh që ka të ngjarë ta përsërisë gjatë konferencës së shtypit të mërkurën.
Mbështetja e amerikanëve për punën e Presidentit Biden është rritur nga nivelet e ulta të muajve të verës. Sipas një ankete të agjencisë së lajmeve Associated Press “VoteCast” me mbi 93,000 votues në të gjithë vendin, 6 në 10 amerikanë nuk e mbështesin mënyrën se si presidenti po e trajton ekonominë.
Nëse republikanët fitojnë kontrollin e Kongresit, aleatët e Presidentit Biden po përgatiten për beteja të ashpra politike, që nga buxheti, detyrimet financiare, mbështetja për Ukrainën e deri tek përparësitë legjislative.
Fitorja e republikanëve mund të sjellë në Kongres një mori kandidatësh të cilët zoti Biden i ka cilësuar si kërcënim për demokracinë, për refuzimin e pranimit të rezultateve të zgjedhjeve presidenciale të vitit 2020. Kjo do të kufizonte mundësitë e bashkëpunimit duke sjellë sfida të reja para zgjedhjeve presidenciale të vitit 2024.
Administrata e Presidentit Biden është përgatitur prej muajsh për një vërshim të pritshëm hetimesh nga republikanët, nëse ata marrin njërën ose të dy dhomat e Kongresit. Ata kanë hartuar strategji ligjore dhe mediatike për të adresuar hetimet që nga tërheqja kaotike e ushtrisë amerikane nga Afganistani deri tek marrëdhëniet e biznesit të djalit të presidentit, Hunter Biden.
Në zgjedhjet e mesmandatit të presidencës së zotit Trump në vitin 2018, republikanët humbën 40 vende në Dhomën e Përfaqësuesve por fituan dy vende në Senat. Demokratët në kohën e Presidentit Bill Clinton, në vitin 1994, humbën 52 vende në Dhomën e Përfaqësuesve dhe 8 vende në Senat
Si dolën kandidatët e mbështetur nga ish-presidenti Donald Trump në zgjedhjet e 8 nëntor në SHBA? Korrespondenti i Zërit të Amerikës Mike O’Sullivan njofton se, rezultatet ishin të përziera ndërsa votat u numëruan herët në mëngjes.
Shkrimtari dhe sipërmarrësi J. D. Vance, i mbështetur nga Donald Trumpi, fitoi garës për vendin në Senat nga shteti Ohio ndaj demokratit Tim Ryan.
Por në Pensilvani, demokrati Josh Shapiro fitoi për postin e guvernatorit duke mposhtur kandidatin e mbështetur nga Trumpi, Doug Mastriano.
Senatorja demokrate e Nju Hemshërit, Maggie Hassan mposhti kandidatin republikan Don Bolduc i mbështetur nga Trumpi, i cili pranoi humbjen të martën mbrëma.
“Jam i nderuar që kam pasur mundësinë të përfaqësoj Partinë Republikane në garën për Senatin amerikan këtu në Nju Hemshër”, tha kandidati Don Bolduc.
Në një nga garat më të ndjekura për senatin, ajo në Pensilvani, republikani Mehmet Oz, një mjek i famshëm, i mbështetur nga zoti Trump, humbi ndaj demokratit John Fetterman, të cilit i erdhën në ndihmë gjatë fushatës ish-presidenti Barack Obama dhe presidenti Joe Biden.
Arizona është një tjetër shtet me garë të ngushtë, ku Kari Lake, e mbështetur nga ish presidenti Trump, është përballë demokrates Katie Hobbs për postin e guvernatores. Ndprsa në garën për nëp Senat, po përballen Blake Masters, i mbështetur nga Trumpi me ish-astronauti Mark Kelly, demokrat.
Disa qendra votimi në jugperëndim përjetuan probleme, duke përfshirë këtë qendër në Finiks.
“Njerëzit shkuan, dhe u përpoqën të kalojnë fletën e votimit përmes makinës. Ndoshta një në çdo pesë apo më shumë prej atyre fletëvotimeve, nuk u procesua”, thotë Bill Gates, drejtues i bordit të qarkut Marikopa.
Ai tha se këto fletë votimi do të numërohen me dorë, diçka që republikania Kari Lake e sheh të dyshimtë.
Guvernatori Chris Sununu i Nju Hemshërit dhe Guvernatori Brian Kemp i Xhorxhias, të dy republikanë që kanë marrëdhënie të ftohta me Trumpin fituan në gara. Ish presidenti Trump mbështeti një sfidues të pasuksesshëm në zgjedhjet paraprake republikane ndaj Brian Kempit, i cili zemëroi ish-presidentin duke hedhur poshtë pretendimin e pabazë se Trumpi kishte fituar Xhorxhian në zgjedhjet e fundit.
Ndër garat e tjera që ende priten të vendosen është gara e guvernatorit në Miçigan, ku demokratja në detyrë Gretchen Whitmer u përball me Tudor Dixon, e mbështetur nga zoti Trump.
E pavendosur është edhe gara për senatin në Xhorxhia, ku demokrati aktual, Raphael Warnock, u përball me ish-yllin e futbollit Herschell Walker, të mbështetur nga Trumpi.
Rezultati i këtyre garave do të përcaktojë përbërjen e Kongresit dhe drejtimin e ardhshëm të të dyja partive.
Pas zgjedhjeve të së martës në Shtetet e Bashkuara ende nuk dihet se kush do ta ketë kontrollin e Kongresit amerikan, duke lënë të paqartë nëse republikanët do të marrin kontrollin nga demokratët e presidentit Joe Biden.
Kongresi amerikan përbëhet nga dy institucione: Dhoma e Përfaqësuesve dhe Senati amerikan. Sipas Associated Press, në Dhomën e Përfaqësuesve më së shumti ulëse kanë fituar republikanët, gjithsej 199, kundrejt demokratëve që kanë marrë 168 ulëse.
Por, gara për Senatin amerikan është më e ashpër, pasi ajo mbetet ende e hapur në disa shtete kyçe.
Demokrati John Fetterman ka shpallur fitoren në Pensilvani dhe nëse ai shpallet fitues në këtë shtet do të ishte një fitore e rëndësishme për demokratët në Senat. Sipas AP-së, me fitoren e Fettermanit, demokratët deri më tani kanë fituar 48 ulëse në Senat, sa kanë edhe republikanët.
Ndërkaq, sa i përket ulëseve në senat, garat në Arizona, Xhorxhia dhe Nevada po konsiderohen se ende janë të hapura.
Gara në Xhorxhia mund të shkojë në balotazh, që do të mbahej më 6 dhjetor, dhe ky shtet mund të jetë kyç për të përcaktuar balancën në Senat.
Sondazhet kanë treguar para zgjedhjeve se ka pasur një rënie të vlerësimit për punën e Bidenit dhe votuesit kanë qenë të zemëruar për shkak të nivelit të inflacionit.
Megjithatë, republikanët, sikurse senatori Lindsey Graham, presin që të fitojnë shumicën në Senat.
“Mendoj se kur do të përfundojë gara ne do të kemi 51 apo 52 ulëse”, tha ai.
Megjithatë, nëse dy partitë, ajo demokrate dhe republikane do të kenë numrin e njëjtë të ulëseve në Senat, atëherë demokratët do të marrin shumicën, për shkak të ulëses së nënpresidentes amerikane, Kamala Harris.
Edhe me një shumicë të ngushtë të republikanëve në Dhomën e Përfaqësuesve, do t’iu mundësonte atyre të bllokonin prioritetet e Bidenit.
Mbi 46 milionë amerikanë kanë votuar para ditës së zgjedhjeve, qoftë përmes postës, apo votimit në qendra të votimit. Por, zyrtarët shtetërorë zgjedhorë kanë paralajmëruar se numërimi i këtyre votave do të marrë kohë.
Inflacioni i lartë dhe të drejtat e abortit ishin ndër shqetësimet kryesore të votuesve, dhe sipas sondazheve, një në tre votues ka zgjedhur njërën prej këtyre dy temave si shqetësime kryesore. Krimi, që ka qenë në fokusin e republikanëve gjatë javëve të fundit të fushatës, po ashtu ka qenë një prej çështjeve kryesore të përmendura nga një në dhjetë votues.
Në SHBA, inflacioni vjetor është 8.2 për qind, që është niveli më i lartë i shënuar në 40 vjet. Këto shifra kanë paraqitur pengesë për demokratët gjatë fushatës së tyre.
Një sondazh i realizuar nga Reuters/Ipsos gjatë kësaj jave gjeti se 39 për qind e amerikanëve pajtoheshin me mënyrën se si ka punuar Biden.
Ndërkaq, sipas po të njëjtit sondazh, ish-presidenti amerikan Donald Trump, ka një përqindje pothuajse të njëjtë, ku 41 për qind e respondentëve e panë atë si favorit.
Në Kongres, nëse republikanët kontrollojnë Dhomën, kjo do të paraqiste kërcënim për prioritetet e demokratëve sikurse të drejtat e abortit dhe ndryshimet klimatike, ndërkaq në Senat, republikanët do të mund të bllokonin nominimet e Bidenit në sistemin e drejtësisë, përfshirë edhe çdo emërim të ri në Gjykatën Supreme.
Ndërkaq, sa i përketndihmës për Ukrainën që po përballet me pushtimin rus, analistët kanë argumentuar se nëse republikanët marrin pushtetin në Kongres, ka pak gjasa që të ngadalësojnë furnizimet me armë dhe ndihmën ekonomike për Kievin.
Më shumë se dy të tretat e votuesve për kandidatët e Dhomës së Përfaqësuesve nuk duan që presidenti Joe Biden të kandidojë për rizgjedhje në vitin 2024. Këto rezultate të një sondazhi kombëtar të kryer për CNN dhe rrjetet e tjera të lajmeve nga Edison Research.
Më shumë se 7 në 10 votues të pavarur dhe afërsisht 9 në 10 votues republikanë thanë se nuk duan që Biden të jetë në fushatën presidenciale të vitit 2024.
Më pak se 6 në 10 votues demokratë menduan se ai duhet të kandidojë.
Pak më pak se 6 në 10 votues të pavarur kanë një pikëpamje të pafavorshme për Bidenin dhe po aq pjesë nuk e miratojnë punën që ai po bën si president.
Vetëm 1 në 10 votues demokratë kanë një pikëpamje të pafavorshme për presidentin dhe pak më shumë nuk e miratojnë punën e tij në punë.
Më shumë se 9 në 10 votues të GOP kanë një pikëpamje të pafavorshme për Biden dhe nuk e miratojnë punën që ai po bën.
Kur bëhet fjalë për ish- presidentin Donald Trump , dy të tretat e votuesve të pavarur dhe më shumë se 9 në 10 votues demokratë kanë një pikëpamje të pafavorshme për të.
Pak më shumë se tre të katërtat e votuesve të GOP kanë një pikëpamje të favorshme.
Votuesit e pavarur përbëjnë rreth një të katërtën e elektoratit, ndërsa votuesit demokratë janë afërsisht një e treta dhe votuesit republikanë janë pak më shumë se një e treta e elektoratit. bw
Pas zgjedhjeve të së martës në Shtetet e Bashkuara ende nuk dihet se kush do të ketë kontrollin e Kongresit amerikan, duke lënë të paqartë nëse republikanët do të marrin kontrollin nga demokratët e presidentit Joe Biden.
Kongresi amerikan përbëhet nga dy institucione: Dhoma e Përfaqësuesve dhe Senati amerikan. Sipas Associated Press, në Dhomën e Përfaqësuesve më së shumti ulëse kanë fituar republikanët, gjithsej 190, kundrejt demokratëve që kanë marrë 154.
Por gara për Senatin amerikan është më e ashpër, pasi ajo mbetet ende e hapur në disa shtete kyçe.
Demokrati John Fetterman ka shpallur fitoren në Pensilvani dhe nëse ai shpallet fitues në këtë shtet do të ishte një fitore e rëndësishme për demokratët në Senat. Sipas AP-së, me fitoren e Fettermanit, demokratët deri më tani kanë fituar 48 ulëse në Senat, kundrejt republikanëve që kanë një ulëse më pak.
Ndërkaq, sa i përket ulëseve në senat, garat në Arizona, Xhorxhia dhe Nevada po konsiderohen se ende janë të hapura.
Gara në Xhorxhia mund të shkojë në balotazh, që do të mbahej më 6 dhjetor, dhe ky shtet mund të jetë kyç për të përcaktuar balancën në Senat.
Sondazhet kanë treguar para zgjedhjeve se ka pasur një rënie të vlerësimit për punën e Bidenit dhe votuesit kanë qenë të zemëruar për shkak të nivelit të inflacionit.
Megjithatë, republikanët, sikurse senatori Lindsey Graham, presin që të fitojnë shumicën në Senat.
“Mendoj se kur do të përfundojë gara ne do të kemi 51 apo 52 ulëse”, tha ai.
Megjithatë, nëse dy partitë, ajo demokrate dhe republikane do të kenë numrin e njëjtë të ulëseve në Senat, atëherë demokratët do të marrin shumicën, për shkak të ulëses së nënpresidentes amerikane, Kamala Harris.
Edhe me një shumicë të ngushtë të republikanëve në Dhomën e Përfaqësuesve, do t’iu mundësonte atyre të bllokonin prioritetet e Bidenit.
Mbi 46 milionë amerikanë kanë votuar para ditës së zgjedhjeve, qoftë përmes postës, apo votimit në qendra të votimit. Por, zyrtarët shtetërorë zgjedhorë kanë paralajmëruar se numërimi i këtyre votave do të marrë kohë.
Inflacioni i lartë dhe të drejtat e abortit ishin ndër shqetësimet kryesore të votuesve, dhe sipas sondazheve, një në tre votues ka zgjedhur njërën prej këtyre dy temave si shqetësime kryesore. Krimi, që ka qenë në fokusin e republikanëve gjatë javëve të fundit të fushatës, po ashtu ka qenë një prej çështjeve kryesore të përmendura nga një në dhjetë votues.
Në SHBA, inflacioni vjetor është 8.2 për qind, që është niveli më i lartë i shënuar në 40 vjet. Këto shifra kanë paraqitur pengesë për demokratët gjatë fushatës së tyre.
Një sondazh i realizuar nga Reuters/Ipsos gjatë kësaj jave gjeti se 39 për qind e amerikanëve pajtoheshin me mënyrën se si ka punuar Biden.
Ndërkaq, sipas po të njëjtit sondazh, ish-presidenti amerikan Donald Trump, ka një përqindje pothuajse të njëjtë, ku 41 për qind e respondentëve e panë atë si favorit.
Në Kongres, nëse republikanët kontrollojnë Dhomën, kjo do të paraqiste kërcënim për prioritetet e demokratëve sikurse të drejtat e abortit dhe ndryshimet klimatike, ndërkaq në Senat, republikanët do të mund të bllokonin nominimet e Bidenit në sistemin e drejtësisë, përfshirë edhe çdo emërim të ri në Gjykatën Supreme.
Ndërkaq, sa i përketndihmës për Ukrainën që po përballet me pushtimin rus, analistët kanë argumentuar se nëse republikanët marrin pushtetin në Kongres, ka pak gjasa që të ngadalësojnë furnizimet me armë dhe ndihmën ekonomike për Kievin.
Demokratët u mbrojtën më mirë se sa pritej. Newsom dhe Hochul u konfirmuan në Kaliforni dhe Nju Jork
VOAL- Qendrat e votimit për zgjedhjet afatmesme po mbyllen në të gjithë Shtetet e Bashkuara dhe do të përcaktojnë ekuilibrin politik në Kongres për dy vitet e dyta të presidencës së Joe Biden. Ndërsa është ende e mundur të votohet në disa shtete dhe territore perëndimore, në të tjera ka rezultatet e para. Duhet thënë se, në përgjithësi, janë 435 vende në Dhomën e Përfaqësuesve dhe 35 nga 100 vendet në Senat në lojë, si dhe 36 nga 50 guvernatorët.
Rezultatet e para të afatit të mesëm nga njëra anë po konfirmojnë rolin e disa shteteve si bastione të dy kampeve, ndërsa në të tjera po marrin formë të papritura dhe ngjarje të papritura. Fakti është se “vala e kuqe” e pritshme (nga ngjyra e republikanëve në SHBA) nuk është parë. “Sigurisht që nuk është një valë republikane, kjo është e sigurt,” tha senatori me ndikim Lindsey Graham për NBC. Për më tepër, “shtytja” e pritshme e lidhur me Donald Trump nuk ofroi shumë, ndërsa për Joe Biden situata në shumë shtete nuk duket aq dramatike sa shumë kanë evokuar në prag.
Është e vërtetë se, i trysnuar nga rritja rekord e çmimeve dhe një sërë çështjesh të tjera, Joe Biden mund të humbiste kontrollin e Dhomës së Përfaqësuesve dhe Senatit në këtë takim afatmesëm, tradicionalisht të pafavorshëm për partinë në pushtet, dhe kështu të shohë paralizim të veprimeve për dy vitet e ardhshme.
Ndërkohë, partia e presidentit ka arritur të shkatërrojë dy qeveri republikane, në Maryland dhe Massachusetts. 79-vjeçari Biden i kurseu vetes një frikë të madhe duke mbajtur kontrollin e shtetit të Nju Jorkut, ku republikanët besonin se mund të rrëzonin guvernatoren Kathy Hochul. Dem Gavin Newsom në Kaliforni është gjithashtu i konfirmuar gjerësisht, siç pritej gjerësisht.
Në vend të kësaj, guvernatori aktual Ron DeSantis, i rizgjedhur triumfalisht, ishte i pamposhtur në Florida. Ylli në rritje i kampit konservator, një pretendent i mundshëm për Shtëpinë e Bardhë më 2024, në një fjalim shumë të ashpër theksoi se ai e kishte bërë këtë shtet jugor, të konsideruar prej kohësh një “shtet lëkundjeje” të anuar herë majtas, herë djathtas, “toka e premtuar” për republikanët. Dhe triumfi i tij nuk u mirëprit nga Trump, i cili nuk e përmendi atë kur komplimentoi guvernatorët e zgjedhur republikanë.
Pensilvania kthehet dhe zgjedh Fetterman, trumpisti Dr. Oz i mundur – Guvernatori do të jetë gjithashtu demokrat
Demokratët fituan një vend potencialisht vendimtar për kontrollin e Senatit të mërkurën në mëngjes, me fitoren e John Fetterman në Pensilvani ndaj një kandidati Trumpist, sipas rrjeteve amerikane Fox News dhe NBC. Fetterman, një gjigant tullac i dobësuar nga një goditje në maj, u përball me kirurgun super-yll Mehmet Oz në një nga duelet më të njohura elektorale të Midterm.
Vendi, i mbajtur më parë nga një republikan, mund të jetë vendimtar për kontrollin e dhomës së sipërme dhe kështu për pjesën e mbetur të mandatit të Joe Biden.
Për më tepër, në garën për të zgjedhur Guvernatorin e shtetit, republikani i krishterë i ekstremit të djathtë Doug Mastriano – gjithashtu shumë i afërt me Trump dhe përfundoi në stuhi për pozicionet e tij në disa raste – u mposht kryesisht nga demokrati centrist Josh Shapiro. Vendi ishte tashmë në duart e demokratëve.
Jo vetëm zgjedhjet: Maryland legalizon marijuanën rekreative, Michigan mbron të drejtën e abortit
Maryland legalizon marijuanën rekreative, duke u bërë shteti i njëzetë amerikan që e bën këtë. Në qendrat e votimit, votuesit miratuan legalizimin, duke sinjalizuar një ndryshim të mundshëm ritmi në një nga zonat më konservatore në vend.
Në Michigan, sipas parashikimeve nga Nbc dhe Abc, votuesit kanë miratuar në vend të kësaj ‘Propozimin 3’ me të cilin kushtetuta e shtetit është modifikuar për të “garantuar të gjithëve të drejtën themelore për lirinë e riprodhimit”, e cila përfshin të drejtën për abort.
Senatorja e parë femër republikane në Alabama – Burri i parë transgjinor zgjidhet në Dhomën e Përfaqësuesve në New Hampshire
Republikanja Katie Britt u bë gruaja e parë që u zgjodh në Senat në Alabama, një moment historik për shtetin jugor. Raporton Associated Press. Britt merr detyrën nga republikani Richard Shelby, të cilit ai ishte asistent.
Në New Hampshire, megjithatë, demokrati James Roesener u bë burri i parë transgjinor që u zgjodh në Dhomën e Përfaqësuesve. Raporton Washington Post. Gratë transgjinore ishin zgjedhur në të kaluarën, dhe aktualisht ka tetë deputete transgjinore në të gjithë Shtetet e Bashkuara.
Pelosi u rizgjodh në Kaliforni, por e ardhmja e kryetarit mbetet e pasigurt
Kryetarja e Dhomës së Përfaqësuesve të SHBA Nancy Pelosi u rizgjodh në Kaliforni. Këtë e raporton CNN. Ditët e fundit janë përfolur disa herë për të ardhmen e 82-vjeçares demokrate. Nëse demokratët do të mbanin kontrollin e Dhomës, ajo mund të mbetej Kryetare, por Pelosi ka më shumë gjasa të vendosë të marrë rrugë të ndryshme, duke përfshirë tërheqjen nga politika aktive dhe ndoshta një karrierë diplomatike në rolin e ambasadores së SHBA në Romë.
Whitmer u konfirmua guvernatore e Miçiganit
Demokratja Gretchen Whitmer fitoi në Michigan dhe u rizgjodh guvernatore. Sipas parashikimeve të Fox, Gretchen mundi republikanin Tudor Dixon.
Fetterman-Oz, duel për votën e fundit në Pensilvani
Parakalimi dhe kundërparakalimi: ajo në Pensilvani për Senatin është sfida më e pasigurt dhe një nga sfidat më vendimtare të zgjedhjeve afatmesme. Zëvendësguvernatori dem Fetterman dhe kirurgu Mehmet Oz, kandidati i Donald Trump, përplasen. Me 71% të votave të shqyrtuara, Fetterman është përpara me 49.9%, kundrejt 48.3% të rivalit të tij, pasi të dy ranë në krye të duelit. Vetëm disa dhjetëra mijëra vota i ndajnë.
Gavin Newsom konfirmohet guvernator i Kalifornisë
Demokrati Gavin Newsom konfirmohet si guvernator i Kalifornisë, siç pritej gjerësisht. Kjo është ajo që del nga projeksionet e mediave amerikane. Newson është një nga kandidatët aspirantë liberalë në Shtëpinë e Bardhë për vitin 2024.
Trump sulmon mediat dhe falënderon njerëzit e tij, por “harron” DeSantis
Fjalimi i shkurtër surprizë i Donald Trump i cili u shfaq në sallën e resortit të tij në Mar-a-Lago, Florida, ku po zhvillohet një festë zgjedhore. Ish-presidenti i uroi kandidatët e tij për fitoren, por nuk përmendi Ron DeSantis, i cili sapo ishte rizgjedhur guvernator me një ortek votash. – “Marco Rubio ishte fantastik, Katie Britt i shkëlqyeshëm dhe Herschel gjithashtu.” Walker është përpara, tha Trump pa përmendur rivalin e tij më të madh republikan përpara garës së mundshme për në Shtëpinë e Bardhë. Manjati më pas ka shfrytëzuar rastin për të sulmuar mediat e pranishme në sallë me emrin “media e lajmeve të rreme”.
“Është një nder i madh që ju kam këtu, ju nuk jeni njerëzit më të sjellshëm në botë, por jeni të suksesshëm dhe dëshironi më të mirën për vendin, prandaj jeni këtu”, tha ai me shaka. rsi-eb
Një qendër votimi me pak frekuentim në Kaliforni përpara se të mbyllej të mërkurën mbrëma
Në Florida konfirmohet Ron DeSantis ndërsa në disa shtete sfida mbetet e hapur. Guvernatorët e Gjeorgjisë, Teksasit (republikanët), Nju Jorkut dhe Masachusets (dem) janë tashmë të sigurt
VOAL- Vendet më të pasigurta në Senat (Pensilvania, Xhorxhia, Arizona, Nevada) ende nuk kanë një fitues, por kolapsi i pritshëm i Partisë Demokratike të Joe Biden nuk ka ndodhur. Pushtimi republikan i shumicës së Dhomës së Përfaqësuesve është ende i mundshëm, por në mesnatë në bregun lindor amerikan, analistët dhe komentuesit duket se janë dakord: “Duket se Partia e Presidentit merr rezultatin më të mirë në zgjedhjet afatmesme që nga viti 2002 (ajo e G.W. Bush ishte fitorja e vetme e një presidenti në detyrë pas Luftës së Dytë Botërore)”.
Një tregues tjetër i rezultatit nën pritshmëritë e republikanëve është shtyrja e konferencës për shtyp në Uashington të kryetarit të ri të mundshëm të Dhomës, Kevin McCarthy, e planifikuar fillimisht në orën 11.00 të mbrëmjes. Edhe senatori i njohur republikan Lindsay Graham pranoi për NBC: “Sonte nuk kishte valë të kuqe [shënimi i redaktorit: ngjyra e republikanëve në SHBA]”. Dhe gjithashtu nuk kishte asnjë efekt shtytës nga ish-presidenti Trump.
Numërimi i votave në disa shtete është larg përfundimit, për rezultatin përfundimtar do të duhet ende të presim (për Senatin në Pensilvani, demokrati Fetterman është përpara Ozit, në Xhorxhia, republikani Herschel Walker është përpara në krye- përballë me Warnock-un që po largohet) dhe mes shumë rezultateve ende të pasigurta për t’u dalluar është ai i Floridës.
Guvernatori republikan në largim Ron DeSantis (një nga figurat kryesore të partisë në pushtet) u konfirmua me pothuajse 20 pikë përpara sfiduesit. Një shkëputje historike që – së bashku me rikonfirmimin e shkathët të senatorit Rubio – konfirmon se shteti i Diellit Sunshine State nuk duhet të konsiderohet më një “shtet swing”, një shtet në balancë, por një bastion republikan.
Përveç konfirmimeve të shumta (guvernatorët republikanë në Xhorxhia dhe Teksas, ata demokratë në Pensilvani dhe Nju Jork), mes rezultateve të maratonës elektorale amerikane ka edhe herët e para. Kongresmeni i parë i Gjeneral Z i zgjedhur në Dhomën e Përfaqësuesve: Maxwell Frost i lindur më 17 janar 1997 në Florida. Wes Moore është guvernatori i parë afrikano-amerikan i Maryland-it i zgjedhur (dhe i treti në historinë e vendit). Maura Healey, një demokrate, është gruaja e parë (dhe homoseksuale) që do të qeverisë Massachusetts.
Vërtet nuk është hera e parë, por bie në sy fitorja e radhës e dekanit të Senatit Amerikan, 89-vjeçarit republikan Chuck Grassley. Ai është në mandatin e tij të shtatë si senator nga Iowa dhe u zgjodh për herë të parë në vitin 1980. Më në fund, jo zgjedhje por referendum: Michigan ka vendosur të përfshijë të drejtën e abortit në Kushtetutë dhe gjithashtu Kentaki – një shtet historikisht republikan! – kjo duket se pason duke hequr nga Magna Carta e Shtetit ndalimin e ndërprerjes së shtatzanisë. rsi-eb
Kutitë e votimit në zgjedhjet afatmesme në SHBA janë hapur pasi demokratët rrezikojnë të humbasin Dhomën e Përfaqësuesve dhe Senat, me implikime potencialisht të mëdha për ligjin e abortit dhe hetimin për Trazirat e Kapitolit. Vëzhguesit po shikojnë se si ecin kandidatët e mbështetur nga Donald Trump përpara kandidimit të tij të mundshëm në 2024.
Votuesit e Karolinës së Veriut po raportojnë për ngacmim dhe frikësim të mundshëm në qendrat e votimit, sipas një raporti të hershëm të incidentit nga bordi shtetëror i zgjedhjeve.
Në Nju Hanover, studentët dyshohet se u ngacmuan teksa po shkonin në klasë nga një vend votimi dhe një vëzhgues dyshohet se “me zemërim” u përball me një zyrtar zgjedhor, raportoi bordi.
Në kontenë Columbus, zyrtarët e zgjedhjeve dyshohet se u ngacmuan nga një “vëzhgues që ndiqte punëtorët me një ndalesë” dhe fotografonte ose filmonte punëtorët, tha ai.
Akuza të tjera përfshijnë votuesit pranë bordit në Wake duke u fotografuar teksa prisnin të hidhnin votat dhe zyrtarët e fushatave në Harnett “regjistronin votuesit që shkonin e vinin dhe informonin votuesit se po regjistroheshin”, raportoi bordi.
Pat Gannon, një zëdhënës i bordit, i tha një filiali lokal të NBC se incidentet janë “të izoluara” dhe zbatimi i ligjit po i monitoron ato. Departamenti i Drejtësisë njoftoi gjithashtu planet për të qenë në terren në 24 shtete në ditën e zgjedhjeve për të siguruar mbrojtjen e të drejtave të votuesve.bw
Ambasadorja amerikane në Kombet e Bashkuara Linda Thomas-Greenfield gjatë intervistës me Zërin e Amerikës
Intervistoi: Armand Mero
Ambasadorja amerikane në Kombet e Bashkuara, Linda Thomas-Greenfield thotë se trysnia ndaj Rusisë do të vijojë derisa ajo të largohet nga Ukraina. Në një intervistë për Zërin e Amerikës, gjatë vizitës së saj në Tiranë, ambasadorja Thomas-Greenfield e cilëson Shqipërinë si një partnere të jashtëzakonshme në Këshillin e Sigurimit të OKB-së.
Zëri i Amerikës: Ambasadore Thomas-Greenfield, faleminderit për këtë mundësi. Bota sot po kalon momente të trazuar, në të cilat Këshilli i Sigurimit është angazhuar në linjë të parë. Megjithatë, ju keni gjetur kohën për të ardhur në Shqipëri. Cili ishte qëllimi i kësaj vizite, dhe çfarë biseduat me autoritetet shqiptare?
Ambasadorja Thomas-Greenfield: Në radhë të parë, më lejoni të them që Shqipëria dhe Shtetet e Bashkuara kanë pasur marrëdhënie me njëra-tjetrën prej 100 vitesh. Pra, ne po festojmë 100 vite marrëdhënie. Por, më me rëndësi, Shqipëria është në Këshillin e Sigurimit dhe ne angazhohemi me ta rregullisht. Ne jemi me ata dhe ata janë me ne, siç citohet të ketë thënë Sekretari Baker në shesh këtu shumë vite më parë.
Dhe kjo thënie ende qëndron. Unë jam këtu për ta pohuar sërish këtë marrëdhënie, të falënderoj Shqipërinë që është një partner i jashtëzakonshëm për ne në Këshill dhe për të pasur diskutime me anëtarë të qeverisë për prioritetet dhe interesat tona, ndërsa shkojmë drejt vitit të ardhshëm.
Zëri i Amerikës: Agresioni rus në Ukrainë dhe pasojat e shumëanshme që ka sjellë, janë sot ndër çështjet kryesore. A jeni e shqetësuar se rusët mund të kundërshtojnë rinovimin e marrëveshjes së grurit gjatë këtij muaji?
Ambasadorja Thomas-Greenfield: Ajo marrëveshje për grurin ka qënë një kontribuese e rëndësishme për t’u përballur me disa nga rrymat në mjedisin e sigurisë ushqimore. Rusia dhe Ukraina prodhojnë sasi të rëndësishme gruri. Më shumë se 10 milionë tonë grurë kanë kaluar këtë tremujor, që nga nisja e marrëveshjes. Pra, është një arritje e rëndësishme për bashkësinë ndërkombëtare. Dua të lëvdoj veçanërisht, Sekretarin e Përgjithshëm për përpjekjet e jashtëzakonshme që ai dhe ekipi i tij bënë, duke punuar me Turqinë për të arritur këtë marrëveshje midis Rusisë dhe Ukrainës.
Njoftimi shumë i përkohshëm i Rusisë për daljen nga marrëveshja javën e kaluar shkaktoi shumë fërkime në treg. Pra, shpresa jonë është që kjo do të zgjatet. Marrëveshja e grurit është e rëndësishme për jugun e globit. Është e rëndësishme për Ukrainën. Dhe është gjithashtu e rëndësishme për Rusinë.
Zëri i Amerikës: Ka një diskutim për ta perjashtuar Rusinë nga Këshilli i Sigurimit të Kombeve të Bashkuara. Ka pasur dhe disa propozime. Cili është pozicioni i ShBA-së për këtë çështje dhe pse?
Ambasadorja Thomas-Greenfield: Aktualisht pozicioni ynë është realiteti. Realiteti është që Rusia është anëtare e përhershme e Këshillit të Sigurisë. Ne punuam gjatë vitit të shkuar për t’i izoluar, për t’i dënuar, në disa votime në Asamblenë e Përgjithshme, ku ata janë dënuar ashpër. Dhe ne do të vazhdojmë të ushtrojmë trysni mbi ta derisa të largohen nga Ukraina.
Zëri i Amerikës: Ambasadore Thomas-Greenfield, ekziston shqetësimi se nëse republikanët fitojnë shumicën në Kongres, ata do të shkurtojnë mbështetjen për Ukrainën. Ju vetë a jeni e shqetësuar?
Ambasadorja Thomas-Greenfield: Shiko, nuk do komentoj për politikën e brendshme, por do them që mbështjetja për Ukrainën ka qënë dypartiake dhe që Presidenti do punojë me cilindo Kongres që do jetë, për t’u siguruar që ne do vazhdojmë angazhimin tonë ndaj popullit të Ukrainës.
Zëri i Amerikës: Si e shikoni faktin që Irani po furnizon Rusinë me dronë, të cilët po përdoren në Ukrainë?
Ambasadorja Thomas-Greenfield: Ministri i Jashtëm i Iranit pranoi se janë ata që po i japin këta dronë. Ata lanë të kuptohet se i kishin siguruar vetëm në fillim dhe se nuk ishin të armatosur. E vërteta është se dronët iranianë janë përdorur për të sulmuar civilët në Ukrainë, duke thyer rezolutat e Këshillit të Sigurimit që ndalojnë një dërgesë të tillë armësh nga Irani dhe gjithashtu Rusinë t’i marrë.
Kështu, të dyja vendet janë përgjegjëse për këtë. Kjo tregon se Rusia duhet të varet nga Irani për të siguruar armatime dhe se Irani është i gatshëm t’i japë armë një shteti që ka sulmuar fqinjin e tij, një shteti i cili është anëtar i përhershëm i Këshilli të Sigurimit. Nuk është aspak sjellja që ne do të prisnim nga Rusia.
Nuk habitemi nga Irani. Por sërish, kjo është shkelje e rezolutave të Këshillit të Sigurimit dhe është diçka me të cilën duhet të merremi në Këshill.
Zëri i Amerikës: Në Këshillin e Sigurimit, Shtetet e Bashkuara u angazhuan së fundmi, së bashku me Shqipërinë, edhe lidhur me protestat në Iran. Nënpresidentja Kamala Harris, deklaroi pak ditë më parë se Shtetet e Bashkuara do të përpiqen të përjashtojnë Iranin nga Komisioni i OKB-së për statusin e grave. Si mendoni ta bëni këtë dhe sa e vështirë do të jetë?
Ambasadorja Thomas-Greenfield: Si fillim, më lejoni të lavdëroj gratë kurajoze të Iranit të cilat po ngrihen dhe po protestojnë përballë sulmeve të tmerrshme që po përjetojnë në duart e qeverisë dhe të shpreh, siç kemi bërë dhe më parë, trishtimin tonë për vrasjen e Amini-t. Vendimi që Zëvendës-Presidentja njoftoi javën e shkuar është një vendim për të cilin ne do punojmë në vijim me anëtarët e tjerë të komitetit mbi statusin e gruas, për ta çuar përpara.
Irani nuk e meriton të jetë në këtë komision. Ky komision është për mbështetjen e grave. Është për të mbrojtur të drejtat e grave. Dhe asnjë vend që sulmon gratë, një vend që nuk i nderon të drejtat e grave, nuk duhet të jetë në këtë këshill. Ne patëm një takim informal shumë të suksesshëm, bashkë me Shqipërinë, ku dënuam sulmet që po ndodhin në Iran.
Dhe ky dënim ka ardhur nga një numër i madh shtetesh, të cilët e shohin se çfarë po u ndodh grave dhe burrave kurajozë iranianë që po protestojnë në rrugë.
Zëri i Amerikës: Pas agresionit të Rusisë në Ukrainë është rritur shqetësimi rreth ndikimit rus në Ballkan. Sa problematik është sipas jush ky ndikim dhe çfarë do të mund të bëhej për t’iu kundërvënë?
Ambasadorja Thomas-Greenfield: E dini, kemi pasur diskutime me qeverinë e Shqipërisë për situatën në Ballkan. Ne i mbështesim përpjekjet për ta stabilizuar situatën. Ne sapo kaluam rezolutën e Këshillit të Sigurimit për forcën e stabilizimit, për ta mbajtur këtë forcë këtu. Dhe ne do vazhdojmë të punojmë me vendet e rajonit për të çuar përpara një marrëveshje që do mundësojë paqen në atë rajon.
Dhe kjo është diçka për të cilën jemi angazhuar dhe jemi angazhuar të punojmë me qeverinë e Shqipërisë për këtë.
Zëri i Amerikës: Një pyetje të fundit. Cili është ai problem që si Ambasadore në OKB, ju shqetëson më shumë, le të themi, që ju lë pa gjumë natën?
Ambasadorja Thomas-Greenfield: Ndryshon nga dita në ditë. Por do thoja që gjëja kryesore që më lë pa gjumë është që ne kemi një anëtar të përhershëm në Këshillin e Sigurimit që po rrezikon dhe sulmon një fqinj, që po vë vërtet në rrezik paqen dhe sigurinë dhe që nuk po nderon pozicionin që ka si anëtar i përhershëm i Këshillit të Sigurimit. Ndikimi që kjo ka, dua të them, në besimin që bota ka në Këshillin e Sigurimit, që po vë në pikëpyetje aftësinë tonë për t’u përballur me këtë situatë.
E di që ne po përballemi me situatën. E di që ne po e izolojmë Rusinë, por e di që kjo do të thotë që ne duhet t’i shtojmë shumë përpjekjet tona për të reformuar Këshillin e Sigurimit dhe mënyrën se si i adresojmë kërcënimet për paqen dhe sigurinë në të ardhmen.
VOAL- Votuesit amerikanë kanë filluar të votojnë në zgjedhjet afatmesme, të cilat do të përcaktojnë ekuilibrin politik në Parlament për dy vitet e dyta të presidencës së Joe Biden. Qendrat e para të votimit u hapën në orën 6 të mëngjesit me orën lokale në bregun lindor. Në lojë janë 435 vendet në Dhomën e Përfaqësuesve dhe 35 nga 100 vendet në Senat, si dhe 36 nga 50 guvernatorët. Vota është dëgjuar, 41 milionë njerëz janë shprehur tashmë me korrespondencë, një rekord si 17 miliardë dollarët e shpenzuar nga kandidatët gjatë fushatës.
Që nga viti 1934, vetëm dy presidentë, Roosevelt dhe djali i Xhorxh Bushit (një vit pas 11 shtatorit) kanë parë që partia e tyre të mbizotërojë. Një humbje është gjithashtu e afërt për Biden: sondazhet parashikojnë që Dhoma do të kalojë në duart e republikanëve, ndërsa fati i Senatit (ku barazia 50 me 50 thyhet sot vetëm nga vota vendimtare e Zëvendës Presidentes Kamala Harris) varet nga rezultati. në disa shtete që rri pezull, si Pensilvania, Xhorxhia, Arizona dhe Nevada.
Presidenti, popullariteti i të cilit është në nivelin më të ulët, ka vendosur gjithçka në mbrojtje të demokracisë dhe të drejtave (si ajo e abortit), por tema qendrore duket të jetë ndryshe: ekonomia, ose më mirë inflacioni mbi 8% që gërryen të ardhurat.
Rezultatet e para priten në një të mëngjesit me orën tonë, ndërsa ato përfundimtare, sidomos aty ku do të hidhet rezultati, mund të zgjasin ditë të tëra.
Republikanët mund të fitojnë si Dhomën e Përfaqësuesve dhe Senatin pothuajse të parashikueshëm në zgjedhjet e sotme mes mandatit. Sipas sondazheve të fundit nga RealClear Politics, në fakt, Partia e Vjetër e Madhe është gati të fitojë 48 vende në Dhomën e Lartë të Kongresit Amerikan, kundrejt 44 për Demokratët. Të tjerët janë të pasigurt. Nga 35 vendet e rikthyera në lojë, 21 u pushtuan nga republikanët.
Për sa i përket Dhomës së Përfaqësuesve, ku janë rinovuar të 435 deputetët, republikanët kanë përparësi me 216 vende pothuajse të sigurta, vetëm dy nga mazhoranca, kundrejt 194 për demokratët.
Sa i përket sfidës së guvernatorëve, sipas faqes së votimit për momentin Partia Republikane mund të marrë 24 kundrejt 15 të deputetëve.
Zelensky kërkon konfirmimin e mbështetjes për Kievin
Ukraina po shikon gjithashtu votimin e afatmesëm: Presidenti Volodymyr Zelensky u kërkoi amerikanëve të ruajnë “unitetin e palëkundur” në mbështetjen e tyre për Kievin. Edhe për vendin tuaj, aksionet nuk janë vetëm: një shumicë republikane mund të çojë në një ngadalësim të ndihmës për Ukrainën, ndoshta jo aq ushtarake, për shkak të ndikimit të lobit të armëve, sesa atyre që – së bashku me atë evropian. kontributet – lejojnë makinën shtetërore të vazhdojë të funksionojë edhe gjatë konfliktit. rsi-eb
Vendvotimet në Arizona, Kolorado, Montana, Nebraska, Nju Meksiko, Utah dhe Uajoming tashmë janë hapur për votuesit që marrin pjesë në zgjedhjet e mesmandatit në SHBA, ku do të vendoset për kontrollin e Kongresit amerikan nga janari.
Shumica e këtyre vendeve – Montana, Nebraska, Nju Meksiko, Utah dhe Uajoming – e kishin mbështetur kandidatin e Partisë Republikane, Donald Trump, për zgjedhjet presidenciale të vitit 2020, raporton BBC.
Më herët janë hapur edhe vendvotimet në Uashington, Florida, Gjorgjia, Illinois, Luiziana, Nju Jork, Nju Xhersi, Konektikat, Ohajo, Karolinën e Veriut dhe Virgjinian Perëndimore.
Në dy vjetët e fundit, dy dhomat e Kongresit, Dhoma e Përfaqësuesve dhe Senati, janë kontrolluar nga demokratët.
Por, këtë vit, të gjitha ulëset në Dhomën e Përfaqësuesve të SHBA-së janë në garë këtë vit, bashkë me rreth një të tretën e ulëseve të Senatit.
Republikanët do të duhet të marrin pesë ulëse për të marrë shumicën në Dhomën e Përfaqësuesve dhe vetëm një për të kontrolluar Senatin.
Parashikuesit dhe sondazhet jopartiake thonë se republikanët kanë më shumë mundësi që të fitojnë shumicën në Dhomës së Përfaqësuesve, ndërsa për kontrollin e Senatit pritet luftë më e madhe.
Humbja e cilësdo dhomë do ta pengonte agjendën e presidentit amerikan, Joe Biden. Por, si shef ekzekutiv, Biden megjithatë posedon fuqinë e vetos, pavarësisht se kush e merr kontrollin e Kongresit.
Shtetet e Bashkuara të Amerikës e kanë një sistem tejet të decentralizuar të zgjedhjeve, pasi që zyrtarë lokalë janë përgjegjës për mbarëvajtjen e votimeve dhe numërimin e rezultateve, ndërsa shtetet i certifikojnë ato.
Pasi që jo të gjitha shtetet votojnë në të njëjtën mënyrë dhe gara për disa ulëse pritet të jetë e ngushtë, rezultatet përfundimtare mund të marrin kohë.
Disa shtete, si Pensilvania, tashmë kanë paralajmëruar se mund të duhen ditë për të numëruar çdo votë, ndërsa ekspertët thonë se ekziston mundësia që amerikanët të shkojnë në shtrat natën e zgjedhjeve pa e ditur se kush fitoi.
E marta është dita e zgjedhjeve në Shtetet e Bashkuara. Miliona amerikanë votojnë në zgjedhjet për legjislativin, që përcaktojnë trajtën filozofike të Kongresit dhe tonin për debatin politik në Uashington, përgjatë gjysmës së dytë të mandatit katërvjeçar të Presidentit Joe Biden.
Votohet për të gjitha vendet në Dhomën e Përfaqësuesve, 435, si dhe për 35 nga 100 vendet në Senat. Mbi 42 milionë persona kanë votuar tashmë nëpërmjet votimit të hershëm në person apo me postë. Disa analistë sugjerojnë se numri i përgjithshëm i votuesve do t’ia kalojë totalit prej 115 milionësh që pati në zgjedhjet e mesmandatit të vitit 2018.
Demokratët kanë aktualisht një shumicë të ngushtë në të dyja dhomat e Kongresit, por anketimet parazgjedhore tregojnë se republikanët ka gjasa të marrin shumicën në Dhomën e Përfaqësuesve dhe ndoshta edhe në Senat, një rezultat ky që në të kaluarën ka sjellë ngërç të zgjatur politik, me njërën palë që ka kontrollin e Kongresit, ose të paktën njërën prej dhomave të tij, dhe me palën tjetër që ka Shtëpinë e Bardhë.
Një firmë kryesore e anketimeve në Shtetet e Bashkuara, fivethirtyeight.com, u jep tashmë republikanëve 55% shans për të marrë Senatin dhe 83% gjasa për të marrë Dhomën e Përfaqësuesve nga demokratët. Ajo parashikon se republikanët do të fitojnë 13 vende në Dhomën e Përfaqësuesve, pra me një shumicë 225 me 210, dhe një vend në Senat, duke krijuar një shumicë 51 me 49, në fuqi nga janari 2023 me Kongresin e ri.
Një tjetër firmë anketimesh, RealClearPolitics.com, i jep edhe më shumë avantazh republikanëve, duke parashikuar se do të fitojnë tre vende në Senat, si dhe nga 14 deri në 48 në Dhomën e Përfaqësuesve.
Duke parashikuar një fitore të republikanëve në Dhomën e Përfaqësuesve, drejtuesi i pakicës republikane Kevin McCarthy, kandidat kryesor për t’u bërë kryetar i Dhomës së Përfaqësuesve në rast se republikanët marrin shumicën, ka premtuar se do të kërkojë ulje të shpenzimeve në programet e qeverisë të favorizuara nga Presidenti Biden. Ai i tha kanalit CNN se ligjvënësit republikanë do të shqyrtojnë më nga afër ndihmën financiare dhe në armatime që Shtetet e Bashkuara i japin Ukrainës për të luftuar sulmin e Rusisë, që ka hyrë tashmë në muajin e nëntë.
Që nga fillimi i luftës, Presidenti Biden, me pak debat në Kongres, ka dërguar në Ukrainë më shumë se 27 miliardë dollarë në municione dhe ndihma humanitare. Por zoti McCarthy tha se republikanët nuk janë të gatshëm të financojnë një “çek bosh” të vazhdueshëm pa një analizë të mëtejshme se çfarë i nevojitet më shumë Ukrainës.
Gjatë një tubimi ku merr pjesë Presidenti Biden në Merilend (7 nëntor 2022)
Ligjvënësit e tjerë republikanë kanë premtuar të nisin hetime për punën e administratës së Presidentit Biden gjatë dy viteve të para të mandatit të tij, në veçanti për fluksin e vazhdueshëm të mijëra emigrantëve pa dokumenta përgjatë kufirit jugor me Meksikën që Presidenti Biden, ashtu si ish-Presidenti Donald Trump, nuk ka mundur t’i ndalë.
Disa ligjvënës republikanë po bëjnë thirrje për seanca dëgjimore mbi aktivitetet e biznesit të kryera nga djali i presidentit, Hunter Biden, në Ukrainë dhe në Kinë. Prokurorët amerikanë tashmë kanë kryer një hetim mbi operacionet e biznesit të Hunter Biden-it, por nuk kanë ngritur asnjë akuzë.
Ndërkohë demokratët, që po përpiqen të ruajnë kontrollin e tyre mbi Kongresin, kanë akuzuar republikanët se planifikojnë të shkurtojnë programet popullore të kujdesit shëndetësor dhe pensioneve për amerikanët e moshuar nëse marrin kontrollin e Kongresit, apo se ato do t’i nënshtrohen rishikimeve të rregullta buxhetore çdo pesë vjet.
Si Presidenti Biden ashtu edhe ish-Presidenti Trump kanë bërë fushatë javët e fundit për kandidatët demokratë dhe republikanë. Ish-Presidenti Trump, i cili humbi në vitin 2020, ende pretendon pa evidencë për manipulime dhe parregullsi në numërimin e votave.
Mbështetësit radhiten në tubimin ku merr pjesë ish-Presidenti Trump në Ohajo (7 nëntor 2022)
Ish-Presidenti Trump ka sinjalizuar gjatë tubimeve se do të njoftojë pak ditë pas votimeve të së martës rikandidimin sërish për president në vitin 2024, ndërkohë që Departamenti amerikan i Drejtësisë dhe prokuroria në shtetin Xhorxhia po bëjnë hetime të gjera penale për veprimet e tij gjatë zgjedhjeve, gjatë kohës përpara lënies së detyrës dhe në periudhën pas largimit.
Presidenti Biden gjithashtu ka thënë se synon të rikandidojë në zgjedhjet presidenciale pas dy vitesh, por nuk ka marrë një vendim përfundimtar.
Presidenti Biden i ka quajtur zgjedhjet e së martës një “pikë kulmore” në demokracinë amerikane, duke sulmuar kandidatët republikanë që “mohojnë zgjedhjet”, të cilët duke përqafuar refrenin e ish-Presidentit Trump, kanë refuzuar të pranojnë legjitimitetin e fitores së zotit Biden dy vite më parë.
Ndërkohë, ish-Presidenti Trump tha gjatë një tubimi në Florida të dielën se “na duhet një fitore aq e madhe, sa e majta radikale të mos mundet ta vjedhë”.
Të dyja partitë po planifikojnë monitorim të gjerë të votimeve për ndonjë parregullsi të mundshme, megjithëse evidenca aktuale për manipulime gjatë zgjedhjeve amerikane është mikroskopike.
Departamenti i Drejtësisë tha të hënën se do të monitorojë të martën zbatimin e ligjeve federale të së drejtës së votimit në 64 juridiksione dhe 24 shtete. Por në shtetin Misuri të kontrolluar nga republikanët, zyrtarët thanë se nuk do të lejojnë monitorime të tilla, megjithëse nuk është e qartë se si mund të bllokohen zyrtarët federalë.
Zyrtarët dhe kandidatët republikanë në të paktën tre shtete të rëndësishme për betejën elektorale thanë gjithashtu se po përpiqen të çkualifikojnë nga numërimi mijëra vota të ardhura me postë, të cilat shpesh janë në masë në mbështetje të demokratëve. Kritikët demokratë po e quajnë shpesh këtë një përpjekje partiake për të shtypur të drejtën e votës. Mosmarrëveshjet për këto vota po ndodhin në shtetet Pensilvani, Miçigan dhe Uiskonsin, ku Presidenti Biden fitoi me një rezultat të ngushtë në zgjedhjet presidenciale të vitit 2020.
Ka reaguar në Twitter eksperti i njohur Amerikan Janusz Bugajski pas ngjarjeve të fundit në veriun e Mitrovicës, dorëheqjes të zyrtarëve serbë, një ministri, deputetëve, 4 kryetarë komunash në veri, policë dhe gjyqtarët në shenjë proteste ndaj vendimit të Qeverisë së Kosovës për targat, duke vënë kushte se ata do të kthehen derisa “vendimi të ndryshojë dhe të krijohet Asociacioni i Komunave Serbe”.
Janusz Bugajski shkruan: “Zbutja e SHBA dhe BE ndaj Vuçiqit do të inkurajojë Beogradin të krijojë konflikte ndëretnike në koordinim me Moskën.”
Këtë të martë ish-kongresmeni amerikan Max Rose, garon dhëmb me dhëmbë me greken Nicole Malliotakis për një vend në Kongresin Amerikan. Beteja bëhet për të fituar distriktin e 11-të New York-ut, i njohur edhe për komunitetin e madh shqiptaro-amerikan që jeton aty.
I dekoruar me medaljet më të larta për trimëri, veterani i luftës në Afganistan ka përzemër çështjen Çame. Demokrati Max Rose i ka krahët e ngrohta pasi ka mbështetjen e ish komandantit suprem të NATO-s gjatë luftës në Kosovë gjeneralit Wesley Clark
Ju ftojmë të ndiqni intervistën që kandidati për Kongres Max Rose i ka dhënë gazetares sonë Aurora Golemi.
Zoti Rose, faleminderit që pranuat ftesën për të folur për televizionin News 24. Është një kënaqësi që ju kam në këtë intervistë.
Kënaqësia është e gjitha e imja. Faleminderit.
Zoti Rose, ju po kandidoni për Distriktin e 11-të të Nju Jorkut, i cili më parë është fituar nga republikanët. Një territor mjaft i vështirë për kandidatët demokratë, pasi është një nga zonat e pakta që lëviz. Si po shkon fushata elektorale për ju deri tani?
Shiko, fushata po shkon në mënyrë fenomenale. Ne shohim lëvizje të pabesueshme nga komuniteti në komunitet. Njerëzit me të vërtetë duan të shohin dhe të vendosin vendin në radhë të parë, duan politikë të vërtetë publike, pasi ajo ka të bëjë me sigurinë publike, pas së cilës unë jam prapa. Ata duan të financojnë më shumë zbatimin e ligjit. Ata duan më shumë fonde për trajtimin e shëndetit mendor. Ata duan të ndryshojnë ligjet tona për t’u siguruar që kriminelët të marrin atë që meritojnë. Duan dëshpërimisht më shumë siguri në shkollë dhe duan të na heqin armët nga rrugët tona. Ata e urrejnë faktin që Kongresmenia në detyrë në Staten Island dhe Brooklyn votoi kundër verifikimit universal të gjendjes kriminale dhe kundër ndalimit të armëve të zjarrit. Kjo nuk do të thotë gjë për ta. Dhe ata duan të shohin ndryshim.
Pra, ju po konkurroni kundër kandidates me origjinë greke, Nicole Malliotakis. Kam lexuar se ajo kryeson sondazhet me 6% më shumë. Jeni optimist se sondazhet do të ndryshojnë në favorin tuaj?
Absolutisht. Unë jam shumë optimist. Këta anketues, së pari, nuk dinë se çfarë po bëjnë, nuk dinë se çfarë po flasin. Por për më tepër, anketuesit nuk matin energjinë absolute në terren, mund t’ju them se kjo është është diçka e dukshme që ndihet fare mirë. Unë jam duke folur me qindra njerëz çdo ditë. Njerëzit duan të shohin një ndryshim tek ata që i përfaqësojnë . Kini parasysh çështjen e çmimeve të karburantit. Një nga arsyet më të mëdha pse çmimet tona të gazit po rriten është sepse kompanitë e mëdha të naftës janë vetë ata që po rrisin çmimet. Ata po rrisin çmimin vetëm për të përmirësuar marzhin e tyre të fitimit. Dhe kundërshtarja ime, Nicole Malliotakis, votoi duke i mbështetur ata , votoi për t’u mundësuar atyre që ta bënin këtë dhe më pas ua mori paratë. Njerëzit nuk e pëlqejnë këtë lloj politike. Qytetarët do të votojnë për mua.
Ju jeni shprehur se mbështesni çështjen Çame, një çështje delikate për Kombin shqiptar. Përse u fokusuat tek çështja Çame. Dhe nëse do të fitoni një vend në Kongres, a do ta ngrini këtë çështje edhe në Kongresin Amerikan?
Po, shikoni, unë mendoj se është e rëndësishme që ne të paktën të diskutojmë, t’i njohim dhe të ndjekim çdo çështje që ka të bëjnë me mosmarrëveshjet rajonale apo edhe ato gjeografike. Çështja është se jam shumë i vetëdijshëm për atë që po bëj, sepse duhet ta keni parasysh se distrikti i 11 në New York është shtëpia më e madhe e komunitetit shqiptaro-amerikan krahasuar me çdo distrikt tjetër në Shtetet e Bashkuara të Amerikës. Ne nuk mund ta harrojmë këtë fakt. Është qëllimi im absolut të jem një zë i fortë për këtë komunitet shqiptaro-amerikan. Kjo është një ndër arsyet që Gjenerali Wesley Clark, një komandant i jashtëzakonshëm gjatë luftës në Kosovë, erdhi në distriktin tim, erdhi në Staten Island fundjavën që lamë pas, për të më mbështetur. Duhet të kishit parë me sytë tuaj mbështetjen e jashtëzakonshme që pata gjatë fushatës sime elektorale nga komuniteti shqiptaro-amerikan si pasoje e kësaj. Jemi kaq shumë të ekzaltuar. Jam jashtëzakonisht i kënaqur që po punoj bashkë me komunitetin shqiptar, që jam një nga zërat e tyre më të fuqishëm. Jam kaq i entuziazmuar dhe i ngazëllyer që jam këtu me ty sot.
Organizata “Rrënjet Shqiptare” po organizon darkën e parë për çështjen Çame me përfaqësues të Kongresit Amerikan ku do të jeni edhe ju i pranishëm. Fakti qe e mbështesni çështjen Çame , do të thotë që e keni përzemër. A ndiheni të mbështetur nga komuniteti shqiptar?
Ndjej mbështetje të jashtëzakonshme nga komuniteti shqiptar. Ju e shihni mbështetjen edhe në terren, jo vetëm për shkak të përkushtimit tim të thellë për të qenë zëri i tyre për çështjet globale, por edhe sepse është kaq jetike që ne të luftojmë për shumë nga çështjet që i kanë pranë zemrës dhe shpirtit të tyre këtu në Shtetet e Bashkuara të Amerikës dhe qytetin e Nju Jorkut. Kini parasysh çështjen e sigurisë publike. Ata duan një zë të fortë që të parandalojë dhunën që vjen nga armët. Kini parasysh inflacionin dhe sesi po përballen me çmimet të larta . Ata duan që dikush të luftojë që të ulën tarifat në kujdesin shëndetësor, kërkojnë të ulen çmimet e medikamenteve, sepse qeveria është ajo që duhet të negociojë për uljen e këtyre çmimeve. Dhe ata duan të shohin një njeri luftarak për Amerikën dhe Kushtetutën. Ata u tmerruan nga sulmi 6 janari ne Kongresin Amerikan. Ne kemi parë se çfarë problemesh ndodhin në mbarë botën kur demokracia nuk është e fortë dhe nuk duam që kjo të na ndodhë këtu në shtëpinë tonë.
Pra, siç e përmendët, jeni përkrahur nga nga gjenerali Wesley Clark, i cili shërbeu si komandanti suprem ushtarak i NATO-s, gjatë lufte në Kosovë. A e prisnit këtë lloj mbështetjeje prej tij?
Nuk mund ta prisja kurrë që ish-komandanti suprem i Aleancës, gjenerali më i madh në Amerikë dhe ndoshta sot në botë të dalë dhe t’ju mbështesë. Por gjenerali Clark bëri një deklaratë shumë domethënëse kur erdhi dhe tha se ne duhet të qëndrohet pas fushatës së Max Rose për Kongresin. Ai tha se duhet të bëhet gjithçka që mundet për të më ndihmuar të shkoj në Kongres, sepse unë do të jem zëri i nevojave që ka komuniteti. Nuk kam qenë kurrë më i nderuar në jetën time sesa të qëndroj atje përkrah gjeneralit Clark dhe me komunitetin shqiptar në Staten Island dhe Brooklyn në qytetin e New York-ut për të folur për vizionin tonë për të ardhmen.
Në fakt, më duhet të them se është një nder për mua të intervistoj dikë që është dekoruar me medalje për trimëri dhe heroizëm si Zemra e Purpurt ose Medalja e Bronztë. Jeni plagosur nga një bombë gjatë shërbimit në Afganistan. A mund të tregoni pak më tepër për karrierën tuaj në Forcat e Armatosura Amerikane dhe si kanë qenë vitet tuaja në Kongres dhe më pas në Pentagon?
Absolutisht. Së pari, më lejoni të them se është nder për mua që jam këtu me ju. Ka qenë privilegj i jashtëzakonshëm të shërbeja si oficer këmbësorie në Forcat e Armatosura të Shteteve të Bashkuara. Unë jam ende i privilegjuar të shërbej si rezervist sot, kam qenë i dislokuar në Afganistan para një dekadë ku kam të luajtur një rol shumë të vogël në luftën tonë për liri dhe siguri. Aty kisha ushtarët që më besuan, duke punuar së bashku, duke i udhëhequr kemi bërë gjëra të pabesueshme, të mahnitshme çdo ditë, të gjitha këto në mbrojtje të vendit tonë të madh. Dhe në të vërtetë ne jemi aleatë. Kur njerëzit vendosin vendin në radhë të parë, jo partinë e tyre politike për të kryer punët. Dhe unë dua të shoh këtë në sallat e Kongresit. Por sigurisht, unë vazhdova të shërbeja si këshilltar i lartë i sekretarit të mbrojtjes dhe përsëri në Pentagon pashë burrat dhe gratë tona me uniformë, janë individë që kanë një nivel shumë, shumë të lartë në pozicione drejtuese, dhe përsëri, ishin ne shërbim të kombit edhe pse të tjerët mendonin se ishte e pamundur. Nëse do të kishim njerëz me këtë lloj sjelljeje në politikën tonë amerikane, nuk do të merreshim me këto probleme sot që jemi.
A jeni takuar ndonjëherë me ushtarake shqiptarë gjatë shërbimit tuaj në Afganistan?
Nuk munda dot, por do të ishte nderi im absolut të merrja pjesë në vizita të tilla si përfaqësues i Shteteve të Bashkuara të Amerikës.
Do dëshironit të vizitonit Shqipërinë në të një ardhme?
Ju garantoj që tani. Ju garantoj se do ta bëj këtë.
Rose, ju falënderoj shumë për intervistën dhe ju uroj suksese në garën tuaj për Kongresin.
VOAL- “Bëhuni gati. Për ta bërë vendin tonë të sigurt, të lavdishëm dhe të suksesshëm, me shumë, shumë, me siguri do ta bëj përsëri”: kështu Donald Trump ka transmetuar edhe një herë hipotezën gjithnjë e më konkrete të rikandimit të tij për zgjedhjet presidenciale në SHBA. 2024 gjatë një mitingu në Iowa për zgjedhjet afatmesme të 8 nëntorit.
Ndërkohë, drejtuesit e Departamentit të Drejtësisë të SHBA po shqyrtojnë nëse një riemërim i Donald Trump në Shtëpinë e Bardhë krijon nevojën për të caktuar një prokuror special për të mbikëqyrur dy hetimet federale të lidhura me ish-presidentin, atë për sulmin ndaj Kapitolit dhe mbi dokumentet e klasifikuara të sekuestruara në rezidencën e tij në Mar-a-Lago. Paditja e një kandidati presidencial do të nxiste një stuhi politike. Për këtë arsye, Departamenti i Drejtësisë debatoi nëse emërimi i një prokurori special mund ta pengojë Departamentin nga akuzat se administrata Biden po godet rivalin e saj politik.
Në javët para afatit të mesëm, Ministria e Drejtësisë respektoi periudhën tradicionale të heshtjes pa bërë lëvizje publike që mund të kishin pasoja politike. Por në prapaskenë, hetuesit vazhduan të hetojnë, edhe me ardhjen e prokurorëve me përvojë, për t’u përgatitur për çdo vendim pas votimit, duke përfshirë aktakuzën e mundshme të një ish-presidenti – një veprim i paprecedentë që mund të komplikohet nga njoftimi i manjatit. kandidaturën. rsi-eb
Gjykatësi i Nju Jorkut vendos mbikëqyrjen e një auditori të pavarur mbi Organizatën Trump, i akuzuar për mashtrime bankare dhe sigurimesh për fryrjen e vlerës së aseteve
VOAL- Probleme të reja ligjore për ish-Presidentin e SHBA Donald Trump dhe tre fëmijët e tij të rritur: Një gjykatës i shtetit të Nju Jorkut pranoi kërkesën e Prokurores së Përgjithshme Letitia James për të caktuar një kontrollues të pavarur për të mbikëqyrur operacionet e shoqërisë mbajtëse me të njëjtin emër familjes, duke e ndaluar gjithashtu atë për të transferuar çdo pasuri pa para pa e njoftuar gjykatën dhe vetë Jamesin paraprakisht.Kështu, perandoria e ish-presidentit vihet nën kujdestari.
Gjykatësi e justifikoi vendimin me “keqprezantimin e vazhdueshëm të të gjitha pasqyrave financiare midis 2012 dhe 2021” dhe nevojën për të “siguruar që të mos ketë më mashtrim apo paligjshmëri”.Organizata Trump akuzohet për mashtrim bankare dhe sigurimesh për rritjen e vlerës së aseteve.ATS-eb
Zëdhënësi i Departamentit amerikan të Shtetit, Ned Price tha të hënën se Shtetet e Bashkuara dhe komuniteti ndërkombëtar i kërkoi Kosovës shtyrjen dhjetë muajshe të vendimit për konvertimin e targave të makinave dhe jo shtyrje të pjesshme.
“Ne kemi qenë të qartë, publikisht dhe privatisht, se komuniteti ndërkombëtar, përfshirë Shtetet e Bashkuara kërkon një shtyrje të plotë të zbatimit të këtyre çështjeve. Ne nuk kërkojmë një shtyrje të pjesshme, nuk kërkojmë zbatim në faza. Komuniteti ndërkombëtar i ka kërkuar qeverisë së Kosovës një shtyrje të plotë”, tha ai duke theksuar se po vazhdojnë diskutimet me palët në rajon dhe më Bashkimin Evropian.
Nga e marta autoritetet në Kosovë pritet të zbatojnë vendimin e qeverisë për konvertimin shkallë – shkallë të targave të makinave të lëshuara nga Serbia, ndërsa ministria e Punëve të Brendshme paralajmëroi gjoba deri në 150 euro pas datës 21 nëntor për ata që kanë makina me targa të lëshuara nga Serbia. Sipas kësaj ministrie nga data 21 Janar 2023, ata duhet të pajisen me targa të përkohshme ndërsa pas datës 21 prill 2023, nuk do të lejohet lëvizja e tyre brenda territorit të Kosovës.
Vendimi i qeverisë së Kosovës për të modifikuar afatin që pritej të fillonte nga nesër, ndonëse u pa si lëshim ndaj kërkesave perëndimore nxiti shumë reagime.
Zëdhënësi Price ritheksoi të hënën në konferencë me gazetarë se Shtetet e Bashkuara janë “të zhgënjyera” dhe e “të shqetësuara” që qeveria e Kosovës refuzoi kërkesën dhe këshillën e partnerëve të saj më të ngushtë sa i përket zbatimit të vendimit.
Përfaqësuesit politik të serbëve kritikuan vendimin e qeverisë së Kosovës ndërsa paralajmëruan rezistencë ndaj gjobave të mundshme pas 21 nëntorit.
Ndërsa partitë opozitare në Kosovë kritikuan qeverinë e vendit për siç thanë dëmtimin e interesave strategjike të vendit duke mos përfillur kërkesat e aleatëve në një periudhë kur janë shtuar përpjekjet për të çuar përpara procesin e normalizimit të marrëdhënieve ndërmjet të dyja vendeve.
SAN FRANÇISKO – Personi që akuzohet për sulmin me çekiç ndaj bashkëshortit të Kryetares së Dhomës së Përfaqësuesve Nancy Pelosi, i tha policisë se donte ta merrte peng drejtuesen demokrate dhe “t’i thyente kupat e gjurit” për t’i treguar anëtarëve të tjerë të Kongresit, se kishte “pasoja për veprimet”, njoftuan autoritetet të hënën.
Në një dokument rrënqethës, zyrtarët thonë se David DePape, 42 vjeç, kishte marrë me vete në çantën e shpinës pranga plastike, një litar dhe shirit ngjitës. Ai hyri me forcë në shtëpinë e çiftit në San Françisko mëngjesin e së premtes, u ngjit në katin e sipërm ku po flinte 82 vjeçari Paul Pelosi dhe kërkoi të fliste me “Nancy-in”.
“Kjo shtëpi dhe vetë kryetarja e Dhomës së Përfaqësuesve ishin konkretisht objektivi”, tha prokurorja e San Françiskos, Brooke Jenkins, gjatë një konference për shtyp të hënën në mbrëmje, duke njoftuar akuzat ndaj zotit DePape, përfshirë tentativë për vrasje.
“Kjo ishte e motivuar politikisht”, tha zonja Jenkins. Ajo i bëri thirrje publikut të ketë “kujdes me fjalët që themi dhe të ulim volumin e retorikës sonë politike”.
Padia federale bën kontrast përkundër përqeshjeve dhe teorive të konspiracionit për sulmin në shtëpinë e çiftit Pelosi, të qarkulluara nga personazhe të së djathtës së largët dhe madje edhe nga disa zyrtarë kryesorë republikanë, vetëm një javë përpara zgjedhjeve të mesmandatit.
Në një aktivitet elektoral të hënën në Arizona, Kari Lake, kandidatja republikane për guvernatore, mori të qeshura të përzemërta ndërsa bënte shaka për sigurinë në shtëpinë e çiftit Pelosi.
Për më tepër, zoti DePape akuzohet për ndikim, pengim ose ndëshkim të një zyrtari federal, duke kërcënuar ose plagosur një anëtar të familjes. Ai gjithashtu përballet me një akuzë për tentativë rrëmbimi të një zyrtari të Shteteve të Bashkuara për shkak të kryerjes së detyrave zyrtare.
Asnjë avokat nuk është regjistruar për të marrë përsipër mbrojtjen për zotin DePape. Ai do të dalë në gjyq të martën dhe prokurorët do të kërkojnë që ai të mbahet në burg pa të drejtën për lirim me kusht.
Kur Paul Pelosi i befasuar i tha sulmuesit se zonja Pelosi nuk ishte aty, DePape tha se do të priste – edhe pasi iu tha se nuk do të ishte në shtëpi për disa ditë. Sulmuesi më pas filloi të nxirrte kravata, për ta lidhur, thuhet në padi.
“Duke i thyer gjunjët Nancy-t, asaj më pas do t’i duhej të futej në Kongres me karrocë, gjë që do t’u tregonte anëtarëve të tjerë të Kongresit se kishte pasoja për veprimet”, citon padia fjalët e zotit DePape thënë hetuesve.
I dyshuari DePape i foli policisë për planet e tij për ta mbajtur peng Kryetaren Pelosi për të “biseduar me të” dhe se e konsideronte atë si “udhëheqëse e paketës së gënjeshtrave të treguar nga Partia Demokrate”, thuhet në padinë me tetë faqe.
Çifti Pelosi gjatë një aktiviteti në vitin 2019
“Nëse ajo do t’i tregonte DePape-s ‘të vërtetën’, ai do ta linte të ikte dhe nëse ajo ‘gënjente’, ai do t’i thyente ‘kupat e gjurit’,” thuhet në ankesë.
DePape është një shtetas kanadez i cili hyri legalisht në Shtetet e Bashkuara në vitin 2000, por që ka qëndruar shumë kohë pasi i ka skaduar viza, tha një zyrtar amerikan i cili nuk ishte i autorizuar ta diskutonte çështjen publikisht dhe foli në kushte anonimiteti.
Familja e përshkroi zotin DePape si të distancuar prej tyre dhe se ai njihej nga disa në San Françisko si aktivist pro nudizmit që dukej se përqafonte një sërë teorish konspirative. DePape ka jetuar për dy vitet e fundit në një garazh në një banesë në Richmond, Kaliforni, thuhet në padi.
Sulmi ishte një jehonë shqetësuese e sulmit të 6 janarit 2021 në Kapitol, kur pjesëmarrësit që përpiqeshin të përmbysnin humbjen në zgjedhje të Donald Trump-it përballë Joe Bidenit, hynë në godinën e Kongresit me thirrjen e frikshme “Ku është Nancy?”. Disa prej tyre mbanin me vete pranga plastike.
Policia u dërgua në shtëpinë në lagjen e pasur Pacific Heights rreth orës 2:20 të mëngjesit të së premtes pasi Paul Pelosi bëri një telefonatë tek numri i urgjencës 911. DePape theu xhamin në derën e pasme të shtëpisë dhe u ngjit në katin e sipërm për t’u përballur me Paul Pelosin, tha policia. Policët mbërritën dy minuta më vonë dhe i panë të dy burrat duke u përleshur me një çekiç dhe më pas panë DePapen ta godasë zotin Pelosi të paktën një herë përpara se të kapej nga oficerët e policisë.
Prokurorja Jenkins tha se DePape “e tërhoqi çekiçin nga zoti Pelosi dhe e goditi me forcë në majë të kokës”. Ajo tha se ai kishte një çekiç të dytë në çantën e tij.
DePape u arrestua të premten me dyshimin për tentativë vrasjeje, abuzim me të moshuarit dhe vjedhje me thyerje në një sulm të frikshëm që ka përforcuar klimën toksike politike përpara zgjedhjeve të mesmandatit që mbahen më 8 nëntor.
Paul Pelosi vazhdon të jetë i shtruar në spital në San Françisko pasi iu nënshtrua kirurgjisë për një frakturë në kokë dhe lëndime të tjera. Kryetarja Pelosi, e cili ishte në Uashington në kohën e sulmit, u kthye me shpejtësi në Kaliforni. Ndryshe nga presidentët, udhëheqësit e kongresit kanë mbrojtje sigurie për veten e tyre, por jo për familjet e tyre.
Tek garazhi i shtëpisë në Richmond ku banonte i dyshuari (31 tetor 2022)
Në ambulancën për në spital, Paul Pelosi i tha policisë se nuk e kishte parë kurrë më parë DePape-n, thuhet në padi.
DePape i tha policisë se ishte vështirësuar të çante derën e xhamit me çekiçin e tij dhe se u ngjit lart dhe i tha Paul Pelosit që po flinte që të zgjohej. Pelosi u shfaq i befasuar, tha DePape.
Pasi Paul Pelosi i tha sulmuesit se gruaja e tij nuk ishte në shtëpi, ai më pas e pyeti DePape se si mund ta zgjidhnin situatën, thuhej në ankesë. DePape shpjegoi se ishte i lodhur dhe se donte ta lidhte Pelosin dhe të prisnin. Në një moment, Paul Pelosi u përpoq të arrinte tek ashensori, ku gjendet një telefon, por DePape e bllokoi. Pelosi më vonë kërkoi të përdorte banjën dhe i telefonoi urgjencës.
DePape u tha hetuesve se ai nuk u largua edhe pse e dinte që Paul Pelosi i kishte telefonuar urgjencës sepse “ashtu si baballarët themelues amerikanë me britanikët, ai po luftonte kundër tiranisë pa opsionin e dorëzimit”, thuhet në padi.
Padia federale thotë gjithashtu se DePape tha se donte “të përdorte Nancy-n për të joshur” një person tjetër. Por padia nuk jep detaje të tjera të këtij plani.
“Nuk kemi asgjë për të sugjeruar që këta dy persona e njihnin njëri-tjetrin përpara këtij incidenti”, tha Prokurorja Jenkins në një konferencë të dielën.
Deklaratat e prokurores erdhën ndërkohë që komente të ashpra mbi sulmin qarkullonin në mediat sociale.
Elon Musk gjatë fundjavës postoi në Twitter për miliona ndjekësit e tij, dhe më pas fshiu, teoritë e konspiracionit të një faqeje interneti, ndërkohë që blerja e Twitter-it prej tij ka ngritur shqetësime se platforma e mediave sociale nuk do të përpiqet më të kufizojë dezinformimin dhe gjuhën e urrejtjes.
Djali i ish-Presidentit Trump, Donald Trump Jr., ishte ndër ata që përqeshën sulmin ndaj Paul Pelosit, duke postuar në Twitter shaka të vrazhda për të.
Në klimën e nxehtë politike, një javë para zgjedhjeve të mesmandatit, tensionet janë të larta, me kërcënime rekord sigurie ndaj ligjvënësve dhe zyrtarëve të tjerë.
Incidenti shkaktoi shqetësime të reja sigurie përpara zgjedhjeve të mesmandatit për ligjvënësit dhe zyrtarët e tjerë.
Me afro 10 mijë kërcënime kundër anëtarëve të Kongresit gjatë vitit të kaluar, Policia e Kapitolit të Shteteve të Bashkuara i ka këshilluar ligjvënësit që të marrin masa paraprake. Shefi i policisë së Kapitolit, Tom Manger, ka thënë se kërcënimi nga sulmuesit vetmitarë ka ardhur në rritje dhe kërcënimi më i rëndësishëm me të cilin po përballet policia është numri historikisht i lartë i kërcënimeve kundër ligjvënësve, mijëra më shumë se vetëm disa vite më parë.
Goditja e bashkëshortit të kryetares së Dhomës së Përfaqësuesve pason sulme dhe kërcënime të tjera. Këtë verë, një person që mbante armë, thikë dhe pranga plastike u arrestua pranë shtëpisë së anëtarit të Gjykatës së Lartë, Brett Kavanaugh në Maryland pasi kërcënoi se do ta vriste gjykatësin. Në vitin 2017, deputeti republikan Steve Scalise u plagos rëndë kur një mbështetës i Bernie Sanders-it hapi zjarr ndaj republikanëve në një stërvitje bejsbolli në Kongres.
I burgosuri më i vjetër i burgut ushtarak amerikan, Guantanamo, është liruar për në shtëpinë e tij në Pakistan, pas gati dy dekadave.
Saifullah Paracha, 75-vjeçar, është arrestuar dy vjet pas sulmeve të 11 shtatorit të vitit 2001 në Shtetet e Bashkuara, dhe është akuzuar se ka qenë simpatizant i Al-Kaidës.
Paracha është dyshuar se ka financuar grupin xhihadist, mirëpo është deklaruar gjithmonë i pafajshëm dhe nuk është akuzuar kurrë për këtë gjë.
Burgu ushtarak amerikan në Kubë, dikur ka pasur qindra të dyshuar për këto sulme.
“Saif Ullah Paracha, shtetas pakistanez, i cili është ndaluar në burgun Guantanamo, ka arritur në Pakistan më 29 tetor”, ka thënë Ministria e Jashtme e Pakistanit.
“Ne jemi të lumtur që një shtetas pakistanez, që është ndaluar jashtë shtetit, më në fund është bashkuar me familjen e tij”, është thënë në deklaratë.
Paracha është zënë në korrik të vitit 2003 në Tajlandë, në kuadër të një operacioni të Byrosë Federale të Hetimeve (FBI).
Paracha, i cili ka studiuar në Shtetet e Bashkuara, është akuzuar nga autoritetet amerikane se ka pasur kontakte me disa prej figurave më të rëndësishme të Al-Kaidës, duke përfshirë liderin e atëhershëm, Osama bin Laden.
Pas 14 muajsh në një burg amerikan në Afganistan, ai është transferuar në Guantanamo.
Në këtë burg ushtarak amerikan mbahen ata që SHBA-ja i përshkruan si luftëtarë të paligjshëm që i ka zënë gjatë “luftës së saj ndaj terrorit”.
Presidenti amerikan, Joe Biden, është nën presion për të liruar të burgosurit që nuk kanë akuza dhe të nisë proceset gjyqësore ndaj personave të akuzuar për lidhje direke me Al-Kaidën.
Zyrtarët amerikanë thonë se Pentagoni do t’i japë Ukrainës një pako të re armësh dhe ndihma të tjera prej 275 milionë dollarësh që synon të forcojë përpjekjet e Ukrainës për të dëbuar forcat ruse nga zonat kyçe në jug ndërsa vendi po i afrohet stinës së dimrit.
Zyrtarët thanë se ndihma do të njoftohet të premten dhe ajo nuk do të përfshijë shumë lloje të reja armësh krahasuar me pakot e tjera që Shtetet e Bashkuara tashmë i kanë dërguar në Ukrainë.
Ndihma e re amerikane ka për qëllim kryesisht rifurnizimin me municione të sistemeve të armëve që tashmë ndodhen atje, duke përfshirë sistemet raketore HIMARS, të cilat Ukraina i ka përdorur me sukses në kundërofensivën e saj në zonat e kontrolluara nga forcat ruse. Zyrtarët folën në kushte anonimiteti sepse nuk mund të disktonin për hollësitë e pakos së re para se ajo të bëhet publike.
