Njoftimi i Trumpit vjen në kohën kur po debatohet për kontroll të armëve pas ngjarjes së përgjakshme në klubin e natës në Orlando

UASHINGTON – Kandidati më serioz republikan në garën presidenciale në Shtetet e Bashkuara të Amerikës (SHBA) Donald Trump, deklaroi të mërkurën se do të ishte takuar më përfaqësuesit e Asociacionit Kombëtar për Armë për të diskutuar mbi ndalesën e shitjes së armëve për persona të cilët janë në listën e të mbikëqyrurve për terrorizëm.

Njoftimi i Trumpit vjen në kohën kur po debatohet për kontroll të armëve pas ngjarjes së përgjakshme në klubin e natës në Orlando fundjavën e kaluar ku mbetën të vrarë 49 persona, dhe 53 të tjerë u plagosën.

“Do të takohem më NRA-në e cila ka përkrahur idenë time që të mos lejojmë blerjen e armëve nga persona të cilët janë në listën e të mbykëqyrurve për terrorizëm ose që janë në listën e atyre të cilëve u janë ndaluar fluturimet me avion”, tha Trump në një postim në Twitter.

Por, një ditë para postimit të tij NRA hodhi poshtë një veprim të tillë.

“Kufizimet siç është ndalesa për blerje të armëve nga ana e njerëzve në ‘listat e mbykëqyrjes’ nuk janë efektive, janë antikushtetuese ose të dyja”, tha NRA nëpërmjet Twitterit.