Të njoh mirë kush je Poezi nga Elida Buçpapaj

November 5, 2026

ti shtiresh se

asgjë nuk bën

pa marrë leje

në strofull

zhapinjsh

e nepërkash

vorbull

.

me teser klinike

.

ti gjunjëzohesh

dhe asnjë hap

s’e hedh

pa i thurur

partisë tënde korte

si besnike

e përdëllyer

me besë eskorte

.

besnikërinë

ta ka mëkuar

që në djep partia

me lot krokodili

e ovacione histerie

sa për sy e faqe

në tru thellë

të ka ngulitur

tradhëtinë

që të bësh

me djallin paqe

.

ti je produkt i skaduar

në tezgat e shitjes

me shumicë

të tregut partiak

të shëmtimit

që të dha emrin e vet

plehu i tranzicionit

si i vetmi shansi yt

i identifikimit

Fjalë kyçe: Elida Buçpapaj, poezi, Të njoh mirë kush je