Presidenti njoftoi kufizimin e sulmeve ndaj vendeve të tjera në rajon. Udhëheqja e përkohshme e Iranit ka “vendosur që të mos kryhen sulme të mëtejshme kundër vendeve fqinje dhe të mos qëllohen raketa nëse një sulm ndaj Iranit nuk vjen nga këto vende”, tha Peseshkyan.

Peseshkyan gjithashtu kërkoi falje “nga vendet fqinje që janë sulmuar nga Irani”.

Që nga fillimi i luftës, 13 persona janë vrarë në sulmet iraniane në shtetet e Gjirit, përfshirë një vajzë 11-vjeçare në një zonë banimi në Kuvajt.

Ndërsa ai tha se kundër “armiqëve” do të vazhdojnë luftën! Gjatë natës së kaluar janë zhvilluar në fakt luftimet më të rrepta në këtë vend.

Arabia Saudite paralajmëron Iranin

Ministri i Mbrojtjes i Arabisë Saudite, Princi Khalid bin Salman, paralajmëroi Iranin të “shmangë gabimet në llogaritje”, duke thënë se janë ndalur sulme të përsëritura raketash në një bazën ajrore ku strehohet personeli ushtarak amerikan dhe sulme me dronë në një fushë të madhe nafte. Arabia Saudite, eksportuesi kryesor i naftës në botë, raportoi të paktën dy sulme me dronë më parë këtë javë që kishin në shënjestër rafinerinë Ras Tanura në lindje./ Burimi edhe nga AFP