Ish-deputeti Dashamir Tahiri, ka deklaruar se “Shoqata Çamëria” po kalon një proces ringritjeje të strukturave.

Ai akuzoi kreun e PDIU-së, Shpëtim Idrizi, si personin përgjegjës për dobësimin e strukturave të shoqatës, duke theksuar se komuniteti çam, sipas tij, “e ka larguar nga puna”.

“Ata që e shkatërruan, ju e dini, Shpëtim Idrizi, çamët e kanë pushuar nga puna, nuk mori as 2 mijë vota në zgjedhjet që kaluan”, tha ai për News 24.

Më tej ai u shpreh se “çamët nuk i mori dot peng Enver Hoxha, jo më Shpëtimi”.

Dashamir Tahiri: Sot është Shoqata Çamëria në ringritje, se siç e dini, janë shkatërruar të gjitha dhe po ringrihen. Janë mbledhur nga komuniteti çam, shqiptarët e Çamërisë. Ka qenë jo ekzistente, ka filluar rithemelimi, ringritja, gjithçka nga e para.

Ata që e shkatërruan, ju e dini, Shpëtim Idrizi, çamët e kanë pushuar nga puna, nuk mori as 2 mijë vota në zgjedhjet që kaluan.

Ai është faktori kryesor që i ka marrë peng të gjitha, por çamët nuk i mori dot peng Enver Hoxha, jo më Shpëtimi. Çamët do ringrihen në të gjitha rrethet kudo që janë dhe do bëhen edhe më të fortë seç ishin.