TIRANË- Një atentat mafioz, i cili ndodhi në mesditë pranë aeroportit të Rinasit tronditi vendin sot. Nga breshëria e plumbave u ekzekutua Gilmando Dani, krahu i djathtë i Emiljano Shullazit dhe i plagosur mbeti Muçi Shaljani (Sheqeri). Ky i fundit nuk ishte emër i panjohur, pasi në vitin 2011 së bashku me të vëllanë është konfliktuar fizikisht me deputetin e Partisë Socialiste në atë kohë, Sajmir Tahiri.

42-vjeçari, sot agjent i Agjencisë së Mbikëqyrjes Policore (AMP), u përplas me Tahirin 20 metra larg Ministrisë së Brendshme, në një protestë paqësore të Forumit Rinor të opozitës.

Në atë kohë, 28 vjeçari Mustafa Sheqeri ka pohuar se është telefonuar nga i vëllai i tij Shemsiu, i cili i ka thënë që të shkonte urgjentisht se po shkatërrohej dyqani. Po atë ditë, Tahiri i është prezantuar të riut se ai ishte deputet, por Sheqeri nuk e ka marrë parasysh këtë dhe është përgjigjur duke i thënë: “e kujt i ha.. se ti je deputet”.

Si ndodhi ngjarja?

Atentati mafioz ndodhi mesditën e sotme pranë pranë aeroportit të Rinasit, ku nga breshëria e plumbave u ekzekutua Gilmando Dani, krahu i djathtë i Emiljano Shullazit dhe i plagosur mbeti Muçi Shaljani (Sheqeri). Dani dhe Shaljani po lëviznin me një Benz të bardhë luksoz, kur autorët me një tjetër makinë i zunë pritë dhe i qëlluan me breshëri plumbash.

Në makinën në pronësi të Elvis Kosovës shofer ishte Muçi Shaljani (punonjës i AMP) dhe Dani ishte pasagjer.  Gilmando Dani sot kishte ardhur në Shqipëri nga Barcelona, por u ekzekutua vetëm disa minuta pasi kishte hipur në makinë. Pas atentati, autorët dyshohet se janë larguar në drejtim të Fushë Krujës dhe kanë qenë me një mjet Toyota Yaris me targa greke.

Vetëm pak minuta pas ngjarjes, makina e përdorur për vrasjen u gjet e djegur në fshatin Halil.  Ndërkohë, Policia në njoftimin zyrtar bëri me dije se kanë rrethuar zonën dhe kanë ngritur pika kontrolli dhe vijojnë punën për kapjen e autorit/ëve.

TIRANË– Pamje të rënda janë publikuar nga brenda makinës, ku u ekzekutua Gilmando Dani, krahu i djathë i Emiljano Shullazit dhe u plagos, agjenti i AMP, Muçi Shaljani (Sheqeri). Në pamjet e siguruara nga Dosja.al shihet shoferi, Shaljani i cili nuk lëviz dhe viktima Dani. Ky i fundit dallohet me trupin e anuar në brendësi të makinës, nga ana e shoferit dhe me kokën poshtë.

Viktima, sapo ishte kthyer nga Barcelona dhe në aeroport po e priste Shaljani, duke e shoqëruar me një mjet në pronësi të Elvis Kosovës, kur autorët me një tjetër makinë i zunë pritë dhe i qëlluan me breshëri plumbash. Më pas efektivët e policisë arritën me vështirësi të thyenin xhamin e makinës nga ana e shoferit, duke përdorur sende të forta, për të hapur më pas derën.

Pas atentati, autorët dyshohet se janë larguar në drejtim të Fushë Krujës dhe kanë qenë me një mjet Toyota Yaris me targa greke. Ndërkohë, vetëm pak minuta më vonë, makina e përdorur për vrasjen u gjet e djegur në fshatin Halil. Gjithashtu Policia në njoftimin zyrtar bëri me dije se kanë rrethuar zonën dhe kanë ngritur pika kontrolli dhe vijojnë punën për kapjen e autorit/ëve.

TIRANA– Detaje të reja kanë dalë në dritë nga atentati mafioz që ndodhi pak orë më parë pranë rrethrrotullimit të Rinasit. Sipas burimeve, autorët kanë pritur 47-vjeçarin Gilmando Dani para aeroportit dhe kanë lëvizur me automjetet paralel me njëra-tjetrën, ku nga makina e autorëve është hapur zjarr me breshëri plumbash.

Automjeti i bardhë tip Benz, me të cilin udhëtonte Dani, ka vazhduar për disa metra para se të ndalej nga të shtënat. Në atë moment, një nga autorët, i maskuar dhe me kapele, ka dalë nga makina dhe ka qëlluar disa herë me pistoletë, duke u siguruar se shënjestra kishte ndërruar jetë.

Pas ekzekutimit, autori është kthyer në automjet dhe të dy makinat kanë larguar drejt Fushë-Krujës, duke lënë pas vendin e ngjarjes.

TIRANA– Gilmando Dani u ekzekutua në atentatin që ndodhi pasditen e sotme në rrethrrotullimin pranë Aeroportit të Rinasit. 47-vjeçari sapo kishte mbërritur në Shqipëri nga Barcelona, Spanjë. Sipas burimeve për mediat, avioni me të cilin udhëtonte Dani zbriti në tokën shqiptare në orën 13:55, rreth 35 minuta para orarit të planifikuar.

Dani ishte pritur në aeroport nga miku i tij, 40 vjeçari Muçi Shaljani, i njohur si “Sheqeri”, i cili mbeti i plagosur rëndë gjatë sulmit me armë zjarri dhe aktualisht ndodhet në spitalin e Traumës në gjendje kritikem për jetën. Sakaq mësohet se atenatorët, të cilët janë ende të arrati, duket se i dinin çdo lëvizje viktimës, gjë që çoi në pasoja fatale për mikun e Emiljano Shullazit.

FUSHË-KRUJË- Policia e Fushë-Krujës ka dalë me një njoftim zyrtar lidhur me atentatin mafioz që ndodhi këtë të martë në zonën e Rinasit, ku viktimë mbeti miku i Emiljano Shullazit, Gilmando Dani, ndërsa një tjetër mbeti i plagosur. Blutë bëjnë me dije se në automjetin që u shkrumbua në Krujë policia ka gjetur katër armë zjarri, të cilat dyshohet se janë përdorur nga autorët. Ndërkohë, armët do të dërgohen në Institutin e Policisë Shkencore.

Njoftimi i Policisë: 

Shërbimet e Policisë, gjatë kontrollit të zonës, në fshatin Halil, kanë konstatuar duke u djegur një automjet tip “Toyota”, që dyshohet se është përdorur nga autorët e ngjarjes së ndodhur në Rinas. Në automjet janë konstatuar 4 armë zjarri që dyshohet se janë përdorur në këtë ngjarje.

Armët do të dërgohen në Institutin e Policisë Shkencore. Në drejtimin e Prokurorisë vijon puna për dokumentimin e rrethanave të ngjarjes, identifikimin dhe kapjen e autorëve.

KRUJË– Automjeti tip “Toyota Yaris” që dyshohet se u përdor nga autorët e atentatit me një të vrarë dhe një të plagosur në Rinas, është gjetur i djegur në fshatin Halil të Krujës. Sipas burimeve, autorët e kanë lënë makinën pranë një përroi, në një zonë të pyllëzuar, duke tentuar të fshihnin gjurmët e ngjarjes.

Sakaq mësohet se në vendngjarje ndodhen forca të shumta policie, të cilët kanë krijuar një perimetër sigurie për të mbrojtur zonën dhe për të nisur hetimet. Dyshohet se brenda automjetit mund të ketë armë, por efektivët nuk janë afruar ende, pasi flakët rrezikojnë shpërthimin e municionit.

Grupi hetimor po vijon me verifikimet dhe mbledhjen e provave për të identifikuar autorët dhe lidhjen e makinës me atentatin e ndodhur pak orë më parë.

Gilmando Dani u vra sot në një atentat të qëllimshëm pak minuta pasi mbërriti në Shqipëri nga Barcelona. Burime për mediat bëjnë me dije se Dani ishte pritur në aeroportin e Rinasit nga Muçi Shaljani, i njohur si “Sheqeri”, me drejtonte automjetin tip “Mercedes Benz S”, i cili kishte për detyrë ta shoqëronte me automjet.

Pak metra pas largimit nga aeroporti, dyshohet se autorët i kanë zënë në pritë dhe kanë hapur zjarr me breshëri plumbash ndaj automjetit, duke shkaktuar vdekjen e Danit dhe plagosjen kritike të Shaljanit. Mësohet se autorët kanë patur informacion për lëvizjet e objektivit dhe e kanë pritur pranë shënjestrën tek rrethrrotullimi.

LEZHË- Policia e Shtetit ka zbarkuar në Lezhë, pas atentati ndaj krahut të djathtë të Emiljano Shullazit. Bëhet me dije se janë ngritur postoblloqe në hyrje të qytetit dhe po bëhen kontrolle të imtësishme të automjeteve. Krimi ndodhi në aeroportin e Rinas, ku u qëllua me breshëri plumbash ndaj Gilmando Dani dhe Muçi Shaljani, ndërsa lëviznin me automjet.

Viktimë e atentatit mbeti Gilmando Dani dhe u plagos Muçi Shaljani, punonjës i AMP. Viktima Dani sapo ishte kthyer nga Barcelona dhe në aeroport po e priste Shaljani, duke e shoqëruar me një mjet anti-blind në pronësi të Elvis Kosovës./Dosja.al