Voal.ch – Gazetarja malteze Daphne Caruana Galizia u vra 8 vjet më parë më 17 tetor 2017, ndërsa po kthehej në shtëpi.

Ishte në makinën e saj e cila u hodh në erë.

Daphne Caruana Galizia ishte gazetare investigative.

Investigonte korrupsionin, lidhjet e zyrtareve te larte publike me mafien.

Ajo jetonte nën kërcënim.

Kundër Daphne Caruana Galizia, diten qe u vra ishin ngritur 48 padi.

Kjo tregon se sa i forte eshte pushteti i korrupsionit!

Kur u varros familja e saj nuk pranoi që kryeministri i Maltës të ishte i pranishëm sepse kishte dyshime të përfshirjes së tij.

Tetë vjet më vonë, ndërsa gazetari investigativ italian Sigfrido Ranucci kishte 40′ që ishte kthyer në shtëpi dhe kishte parkuar makinën, po ashtu e bija vetëm 20′, një eksplozion i fortë me 1 kg eksploziv u hodhi në erë të dyja makinat, si një kercënim direkt dhe eksplicit për jetën e gazetarit dhe familjarëve të tij.

Korrupsioni i zyrtareve te lartë publike i lidhur me mafien dhe organizatat kriminale eshte globalizuar ?

Per gazetaret profesioniste ushtrimi i profesionit po behet i pamundur?/EB

——–

Gazetari italian Sigfrido Ranucci, ka regaur pas ngjarjes së mbrëmshme, ku iu vendos një bombë nën makinën e parkuar para banesës së tij.

Sipas ANSA, shpërthimi i fuqishëm ka përfshirë automjetin e tij dhe atë të vajzës, të cilat ishin të parkuara para banesës së tyre në Pomezia.

Sipas hetimeve paraprake, mjeti nuk është aktivizuar me komandë në distancë apo me kohëmatës, por është lënë aty me fitil të ndezur, mes dy vazo lulesh jashtë vilës. Hetuesit po verifikojnë praninë e kamerave të sigurisë që mund të kenë filmuar momentin kur mjeti është vendosur.

“Kam dëgjuar një shpërthim të tmerrshëm, ishte ora 22:17. Madje edhe karabinierët e kanë dëgjuar përmes audios së disa personave që ndodheshin në zonë dhe po regjistronin me telefon në atë moment,” deklaroi Ranucci. Ai shtoi se është marrë tashmë masa për përforcimin e mbrojtjes së tij personale: “Tani lëviz me makinë të blinduar”.

“Po kush e bëri? Është e pamundur të thuhet në këtë moment. Bëhet fjalë për një kontekst mjaft të gjerë dhe për këtë janë bërë disa sinjalizime muajt e fundit,” shton ai.

Në një video të publikuar nga emisioni Report në rrjetet sociale, shihet pjesa e përparme e makinës së Ranuccit e shkatërruar plotësisht, ndërsa automjeti ngjitur, ai i vajzës së tij është dëmtuar rëndë.

“Makina ka shpërthyer”, shkruhet në postimin e Report, duke dëmtuar edhe automjetin tjetër të familjes si dhe shtëpinë pranë. Fuqia e shpërthimit ka qenë aq e madhe sa mund të kishte vrarë këdo që kalonte aty në atë moment. Vajza e Ranuccit e kishte parkuar makinën vetëm njëzet minuta përpara shpërthimit.

Gazetari shpjegon se makina e tij ishte parkuar aty që në drekë nga i biri. Ranucci, i cili ndodhet nën mbrojtje policore që prej vitit 2014 për shkak të kërcënimeve me vdekje nga mafia, ka denoncuar prej kohësh “klimën e izolimit dhe delegjitimimit ndaj tij”, duke kujtuar se ka marrë kërcënime të shumta kohët e fundit, që nga gjetja e dy plumbave P38 jashtë shtëpisë, deri tek ndjekjet nga persona të identifikuar nga trupa e tij e sigurisë.

“Kam rindërtuar me karabinierët atë që ndodhi mbrëmë. Ka një listë të pafund kërcënimesh, të natyrave të ndryshme, për të cilat gjithmonë kam informuar autoritetet gjyqësore, dhe për të cilat ekipi im i sigurisë ka bërë raportime të vazhdueshme. Megjithatë, unë ndihem i qetë sepse shteti dhe institucionet më kanë qëndruar gjithmonë pranë,” tha Ranucci pas dorëzimit të padisë në stacionin e Karabinierëve në rrugën Trionfale.

“Ngjarja e mbrëmshme përfaqëson një përshkallëzim serioz, sepse ndodhi pikërisht përpara shtëpisë, aty ku edhe vitin e kaluar ishin gjetur plumba”, tha ai.