Me shkas, Shoqata humanitare “Zukë Leci”, në vitin 2005 ka ngritur këtë objekt për shërbimin e qytetarëve tek varrezat e Kamenicës, cili ka kushtuar 37 mijë Franga Zvicerane, duke lidhur rrymën elektrike, ujësjellësin, kanalizimin WC-në, Arkivolin e mjete tjera, pa llogaritur punën vullnetare. Ka vite që manipulohet, me apo pa dije, se kinse: Varrezat në Kamenicë janë emëruar me emrin e luftëtarit, kaçakut, të burgosurit shumëvjeçar dhe pleqënarit të njohur në Malësinë e Kamenicës, Ana Moravës e më gjerë, Zukë Lecit ! (1900-1987) Mua personalisht, duke e ditur se kam marrë iniciativën për themelimin e kësaj Shoqate, në vitin 1998 në Zürich të Zvicrës, më kanë qortuar, për pos fjalëve të shumta që kam dëgjuar nga të tjerët, edhe personalisht më kanë thënë disa njerëz të mi: Pse varrezat të emërohen me emrin Zukë Leci ?! Këtu keni mundësinë ta shihni mbishkrimin, se bëhet fjalë për ngritjen e objektit nga Shoqata Humanitare “Zukë Leci”, e jo për kurfarë emërimi të varrezave!

Përshëndetje vëllazërore.