Analisti Shkëlzen Gashi, i ftuar në rubrikën “Opinion” në News24 me gazetaren Nisida Tufa, komentoi zhvillimet e fundit politike në Kosovë. Gashi pohoi se Moskonstituimi i Kuvendit të Kosovës ka sjellë zhgënjim te qytetarët, pasi për 3 muaj e gjysmë nuk u arrit asnjë gjë.

Sipas Gashit, faji kryesor bie mbi partitë politike opozitare, pasi në vitin 2014, me vendim të Gjykatës Kushtetuese, ishte obligim zgjedhja e kryetarit të Kuvendit dhe kryesisë së saj.

Shkëlzen Gashi: “Moskonstituimi i Kuvendit ka sjellë zhgënjim te qytetarët e Kosovës. Për mendimin tim, faji kryesor bie mbi partitë politike opozitare, pasi në vitin 2014, me vendim të Gjykatës Kushtetuese, ishte obligim zgjedhja e kryetarit të Kuvendit dhe kryesisë së saj. Dhe normalisht nuk ka pasur ngërç, ndërsa tani këto parti që deri dje kanë qenë në pushtet po bojkotojnë dhe arritëm në këtë situatë që jemi sot. Vetëvendosja mund të ketë plot mëkate, por jo në këtë rast.

Kryetari e Kuvendit i takon VV dhe normalisht duhej të ishte zgjedhur, pastaj nëse Albin Kurti brenda dy javësh nuk formonte dot Qeverinë, atëherë presidentja ia kalon stafetën partisë së dytë e kështu me radhë. Në rast se nuk formohet qeveria, atëherë vendi shkon në zgjedhje të parakoshme.”