EKSTRAKT

Në një intervistë të zhvilluar me Unionin e Gazetarëve Shqiptarë Profesionistë të Diasporës, Kryetari i Partisë Demokratike, Prof. Dr. Sali Berisha, deklaroi se “narko-diktaturat nuk përmbysen me votë” dhe I cilësoi zgjedhjet të 11 majit si një farsë elektorale. Berisha theksoi se, ndonëse opozita përfaqëson një kauzë të drejtë, ajo është e pafuqishme përballë një regjimi që e quan “narko-shtet”, i cili kontrollon drejtësinë, zgjedhjet dhe mediat.

Berisha foli për mungesën e mbështetjes ndërkombëtare dhe vështirësinë për të shpjeguar në Europë natyrën e një regjimi që nuk ka precedentë në continent, një narko-diktaturë. Në përgjigje të pyetjes për sensibilizimin e Perëndimit, Berisha ritheksoi pesë rezolutat e miratuara nga organizata dhe parti ndërkombëtare të qendrës së djathtë (CDI, IDU dhe PPE), të cilat denoncojnë zgjedhjet e fundit dhe qeverisjen e Edi Ramës.

Lideri Opozitar, Sali Berisha, foli mbi ndikimin e marrëveshjeve ndërkombëtare, si ajo me Italinë për emigrantët, duke akuzuar qeverinë se jep gjithçka për të qëndruar në pushtet dhe për të siguruar mbështetje nga jashtë.

Berisha e cilësoi programin e PD-së si “më të mirin në historinë e Shqipërisë”, por theksoi se “vota vdiq pa hyrë në kuti”, duke lënë të kuptohet se rruga për ndryshim nuk mund të vijë përmes proceseve elektorale aktuale.

INTERVISTA E PLOTË

Alba Kepi: Përshëndetje, doktor! Si jeni?

Sali Berisha: Përshëndetje, Alba! Mirëmëngjes, ju që jeni në kontinentin tjetër, dhe përshëndetje të përzemërt të gjithëve ju në këtë lidhje, në këtë konferencë.

Alba Kepi: Me lejen e kolegëve, unë dua ta nis.

Doktor, ju falënderoj. Urojmë pjesëmarrjen dhe mikëpritjen e Dr. Sali Berishës, i cili pranoi ftesën tonë. Ne, doktor, do të bëjmë një prezantim të shkurtër.

Jemi Unioni i Gazetarëve Shqiptarë Profesioniste të Diasporës. Jemi nga vende të ndryshme të Europës dhe të botës.

Jemi krijuar në vitin 2021. Jemi të regjistruar në Bernë të Zvicrës. Jemi me misionin e nxitjes së një debati publik në Shqipëri për nevojën e lirisë së fjalës dhe misionit të së vërtetës.

Ne, jemi 7 anëtarët e bordit drejtues, dhe këtë bisedë e kemi titulluar “7 pyetje”, bisedë në studio.

E kemi bërë edhe me krerë të tjerë të partive të tjera, si me: kryetarin e Partisë Republikane, z. Fatmir Mediu, me nënkryetaren e Partisë së Lirisë, znj. Erisa Xhixho, dhe jemi të nderuar që edhe ju pranuat ftesën tonë.

Para se të nisim bisedën, e cila do të ndërtohet, secili prej nesh do të përcjellë një pyetje, ju prezantoj: z.Skënder Buçpapaj, i cili është presidenti i Unionit të Gazetarëve Shqiptarë Profesionistë të Diasporës nga Zvicra; z.Artan Kutra, i cili është zv. kryetar i unionit tonë, i cili lidhet nga Parisi, Franca.

Jam unë (Alba Kepi), Sekretare e Përgjithshme e unionit.

Kemi edhe anëtarët e tjerë të bordit që kaën detyra të rëndësishme si, zëdhënësja jonë, e cila është znj. Rafaela Prifti, lidhet nga SHBA-të; z.Ardian Murraj, i cili është përgjegjësi, apo koordinatori, apo ai që drejton kodin etik të unionit tonë; z.Genc Burimi, i cili lidhet nga Parisi, Francë, dhe znj.Elida Buçpapaj, e cila është arkëtarja e unionit tonë, e cila lidhet nga Zvicra.

Ne, e nisim menjëherë me pyetjet tona. I përmbahemi edhe kohës që ju na keni premtuar, për shkak të angazhimeve dhe impenjimeve tuaja të pas këtij takimi.

E nisim menjëherë me pyetjen e bërë nga kryetari i UGSHP të Diasporës, z.Skënder Buçpapaj. Për ju fjala, z.Skënder.

Skënder Buçpapaj: Z.Berisha, mirësevjen në bisedën tonë. Është kënaqësi dhe emocion i veçantë.

Sali Berisha: Faleminderit për pyetjen.

Kjo, pyetje që është thelbësore, për fat të keq, mund të themi se Opozita në kushtet e narko-shtetit është reale në kauzën që mbron, por është fiktive në rolin që lot. Për arsye se, narko-shteti, si pushtet i një personi, i mbështetur nga kartelet e drogës, më të fuqishme se çdo ministri, i mbështetur në farsa elektorale dhe grabitjen e buxhetit dhe pasurive kombëtare.

Për shkak të kontrollit të rreptë mbi Drejtësinë, në fakt Opozita edhe ato pak zëra që kanë mbetur në media, nuk ka asnjë përfillje në kuptimin e ndryshimit të gjërave.

Kështu që, dua të jem realist me ju. Forca e vërtetë e Opozitës është çfarë ajo do të mobilizojë qytetarët në një lëvizje të fuqishme popullore për pëmbysjen e këtij regjimi.

Narko-diktaturat, Skënder, nuk përmbysen me votë, me farsa elektorale.

Jo, absolutisht!

Përkundrazi, sot ka rezultate elektorale, siç është rrethi i Fierit, ku vota e diasporës arrin në 92% për qeverinë. E gjitha me një proces të shtetëzuar, plotësisht.

Mirëpo, vështirësia është jashtëzakonisht e madhe, sepse në periudhën kur ekzistonte diktatura komuniste kishte, sigurisht, vështirësi shumë më të mëdha për opozitarizëm, por kishte nga ana tjetër një qendrim të prerë ndërkombëtar ndaj tyre.

Kurse, këto narko-diktaturat, për fat të keq, janë edhe aimable, janë mjaft, lovely one, po të përdorim terma të tilla.

Për ne, është dy herë më e vështirë, sepse në Europë nuk ka patur kurrë narko-diktaturë. Ka patur çdo formë ditkature tjetër, por jo narko-diktaturë. Dhe kjo, kur i bën shumë nga europianët skeptikë ndaj këtij kualifikimi.

Ky, është pak a shumë realiteti.

Artan Kutra: Përshëndetje z. Sali Berisha. Është kënaqësi të komunikoj me ju.

Përfitoj nga rasti t’ju bëj një pyetje që ka të bëjë me zgjedhjet e ardhshme lokale.

Ndoshta, kolegët e mi do të ndalen shumë tek kodi zgjedhor, por unë do ta fokalizoj pyetjen time tek sensibilizimi që ju, PD, ndoshta ju personalisht me kontaktet që keni në Perëndim.

Si do të veproni për të sensibilizuar kolegët tuaj të Perëndimit për t’ju thënë të vërtetën.

Sepse, ju keni deklaruar që, në të gjitha këto zgjedhje të deritanishme, EdiRama ka manipuluar zgjedhjet. A do të ndikoni juve për të treguar të vërtetën edhe në Perëndim? Sepse, tashmë tek shqiptarët ju e keni bërë të ditur e keni sqaruar qartë, skemat e ndryshme të manipulimit që janë bërë nga, manipuluesit e Partisë Socialiste, po ju keni thënë pikërisht ka qenë koka e Edi Rama ai që ka manipuluar. Por, me çfarë mënyra do të sensibilizoni ndërkombëtarët që edhe ata ta kuptojnë, domethënë se si është arritur në këtë kohë, sidomos për zgjedhjet e ardhshme lokale që pritet të organizohen në vijim? Ndoshta kolegët e mi, Alba do të fokalizohet tek kodi zgjedhor, sepse kështu i kemi ndarë detyrat, por unë do të ndalesha tek sensibilizimi që do të bëni ju tek ndërkombëtarët, që edhe ata ta  kuptojnë manipulimin.

Sali Berisha: Faleminderit për pyetjen, Artan.

Ne kemi kaluar një periudhë, si asnjë forcë tjetër politike, kur ne u izoluam universalisht se mbronim kauza të drejta, kauza të drejta për çdo njeri të lirë. Por, ajo periudhë mori fund. Pas përfundimit të asaj periudhe, nga tetori gjer sot, janë miratuar nga të gjitha partitë e spektrit të qendrës së djathë dhe të djathtë, 5 rezoluta.

Katër prej tyre para zgjedhjeve të 11 majit, të cilat janë një nekrologji në paradhënie e zgjedhjeve të 11 majit. Të 4 rezolutat njëra e CDI-së, e Internacionales Demokrate të Qendrës, që grupon mbi 108 parti. Tjetra e IDU-së, që grupon 87 parti të të gjithë botës, dhe dy rezoluta të Partisë Popullore Europiane, e fundit vetëm një javë para zgjedhjeve në Valencia, për cilindo që i lexon, janë nekrologjia e një farse elektorale, e një procesi elektoral të vdekur.

Pas zgjedhjeve, u miratua dhe një rezolutë tjetër, dhe kjo rezolutë u miratua nga CDI-ja, ku dënohet narkoshteti, dënohet farsa elektorale. Ne jemi përpjekur ndërkohë pas zgjedhjeve, për të paraqitur rastin, ndonëse duhet them që raporti i vëzhguesve të OSBE/ODIHR-it dhe vëzhguesve të tjerë paraprakë, de facto, i rrëzonte zgjedhjet. Në kuptimin që ai, që në tri rreshtat e parë i shpalli ato të pabarabarta. Dhe parimi themelor i zgjedhjeve është: barazia në garë.

Përveç kësaj, rreshton shkeljen, dhunimin e parimeve të tjera themelore të zgjedhjeve.

Por, nga ana tjetër, qeveria ka bërë përpjekje të jashtëzakonshme që ky raport të rrëzohe, që ky raport të mos qëndrojë në variantin përfundimtar. Natyrisht, jo pa efekte.

Duhet të jemi realist këtu se.

Artan Kutra: Po sigurisht, sigurisht…

Sali Berisha: Janë disa faktorë. Janë disa faktorë që mbahet ky qëndrim ndaj narko-diktaturës në Shqipëri.  Së pari, thashë është një faktor njohje, që nuk njihet narkodiktatura në Europë, por ama, pasojat e saj janë shumë evidente.

Së dyti, janë qëndrimet e tij klienteliste, i aftë për të bërë çdo gjë, për të dhënë gjithçka për të qendruar në pushtet. Miklimi dhe joshja që bën ai për lëshimin e territorit, për të pranuar emigrantë, njëlloj si në marrëveshjen me Italinë.

Po, të jemi realistë se, ajo marrëveshje, i ka bërë, sigurisht, një nder shumë të madhe kryeministres italiane që ka të dëshmuar se, ajo në dallim nga të gjithë kolegët e saj evropianë, ishte e aftë dhe e zonja, të bënte një zgjidhje, ose të paraqiste një zgjidhje që tani e dëshirojnë, dhe tani, pavarësisht se çfarë ndodh, por kërkesat nuk janë të pakta për marrëveshje të tilla.

Pavarësisht nga dominimi i idesë së stabilokracisë, në një kohë lufte në Europë, përsëri konstatojmë se, me paraqitjen tonë të fakteve, dokumenteve në Këshillin e Europës, në Parlamentin Europian, dhe tani së fundmi në Asamblenë Parlamentare të Këshillit të Europës, ne kemi arritur, jo vetëm të njohim, por në një shkallë  të madhe të bindim aleatët tanë, partnerët tanë se, Shqipëria nuk zhvilloi zgjedhje, dhe nuk zhvillon zgjedhje, por farsë elektorale.

Lidhur me zgjedhjet lokale, ato do të jenë thjesht një farsë.

Unë e kam thënë në mënyrë, në mënyrë të përsëritur: me Edi Ramën, zgjedhje nuk ka.

Edi Rama shpalos çdo ditë e më shumë, mentalitetin dhe psikologjinë e të atit të tij biologjik dhe të atit të tij shpirtëror. Pa asnjë lloj hezitimi.

Sot, e vërteta është dramatike. Por në rast se merr, analizon pushtetet, të garantoj që, janë shumë më të përqendruara në duart e një njeriu, se sa ishin ato në duart e Enver Hoxhës. Nuk po them të Ramiz Alisë.

Po u jap një shembull. Një nga këto ditë shqyrtoja lejet e ndërtimit të dhëna në fushatë elektorale.

Çfarë gjeja aty?

Gjeja leje ndërtimi për shtëpi njëkatëshe të firmosur nga Edi Rama. Në një kohë kur, në memorien time, në diktaturë, në fshat për të ndërtuar një shtëpi, lejen e merrje tek sekretari i lokalitetit ose komiteti ekzekutiv më së shumti. Pra, ky përqendrim total është një kopje e stër-ekzagjeruar e baballarëve të vet.  Ose deklaratat e tij se, unë shkatërrova LSI-në, shkatërrova me një mburrje të madhe se shkatërrova LSI-në, duke burgosur Ilir Metën etj., dëshmojnë urrejtjen e tij patologjike për pluralizmin.

Artan Kutra: Faleminderit! Faleminderit për përgjigjen.

Alba Kepi: Faleminderit, doktor! Faleminderit, Artan! Fjalën e ka zonja Rafaela Prifti, e cila lidhet nga Shtetet e Bashkuara të Amerikës dhe është dhe zëdhënësja për mediat e unionit tonë.

Rafaela Prifti: Faleminderit Alba! Përshëndetje doktor, si je?

Sali Berisha: Përshëndetje, Rafaela!

Rafaela Prifti: Faleminderit! Më falni për problemet teknike, kërkoj ndjesë. Pyetja ime: ju thatë që me Edi Ramën nuk ka zgjedhje, po pyetja ime është për zgjedhjet, nëse do të ribëheshin, çfarë do të bënit ju ndryshe?

Sali Berisha: Së pari, në rast se do të ribëheshin zgjedhjet, sigurisht që , parë në retrospektivë, mund të kishte ndryshime në kandidatura, pa mëdyshje. Mund të kishte angazhime më të gjera.

Por, në këto zgjedhje, mund të them se programi ka qenë më i mirë se kurrë në historinë e Shqipërisë. Ekspertiza për zgjedhjet, ka qenë ekspertiza e ekipit fitimtar të zgjedhjeve në Shtetet e Bashkuara.

Edhe në 2005, unë kam patur ekspertizën e fituesve të zgjedhjeve presidenciale në Shtetet e Bashkuara.

Pse kjo?

Sepse në doktrinën elektorale besohet se, fitimtarët e zgjedhjeve presidenciale në Shtetet Bashkuara janë ekspertët më të mirë elektoral. Pra, është bërë një punë shumë e madhe, por në kushtet e farsës elektorale, opozita nuk fiton zgjedhjet.

Vota vdes pa hyrë në kuti, pa rënë në kuti.

Alba Kepi: Faleminderit, doktor. Faleminderit, Rafaela!

Sali Berisha: Pra, ideja se mund të fitojnë zgjedhjet në narko-diktaturë apo në kushtet e farsës është një iluzion naiv politik.

Sali Berisha: Mund të marrësh me shumë mandate, mund të marrësh pak më pak. Këto janë të sigurta, po fitore jo. Ai ka marrë, ai merr çdo masë, sepse shkel çdo parim. Unë do t’ju rreshtoj një listë që janë publike.

Pagesat e 48% të votuesve pensionistë, pra që janë pensionistët, 100  euro në fushatë elektorale, e ndaluar kategorikisht me ligj. 500 milionë euro prokurime publike në fushatë të ndaluara me ligj.  4.500 ngjarje të brendshme dhe të jashtme të ndaluara me ligj, për të ndikuar zgjedhësit.

Me mijëra e mijëra, punësimet e përkohshme të ndaluara me ligj për vota, dhjetëra mijëra leje ndërtimi, certifikata pronësie dhe leje legalizimi për të marrë vota. 29 mijë hektarë kanabis për mbjellje, nga 200 hektarë që lejon ligji. Përdorimi i të gjitha dhënave të e-Albania, vënia e patronazhistëve për t’i përdorur për presion dhe për miklim. Pra, të gjitha këto mjaftojnë për të vdekur, për të shkaktuar një proces elektoral në farsë, çfarëdo që të bësh ti, çfarë do që të bësh ti.

Sepse, të del në fushë një shtet me të gjithë potencialet e tij financiare, njerëzore, vendimarrëse, ekzekutive, logjistike, ndaj një force politike apo forcave politike që nuk kanë as 1/10 e këtyre potencialeve, 1/100-qindën e këtyre.

Alba Kepi: Faleminderit, doktor! Tani fjalën e ka zoti Genc Burimi, gazetar që lidhet nga Parisi, Franca.

Genc Burimi: Përshëndetje, doktor! Të gjithëve, po ashtu. Sepse, jemi larg dhe shpesh nuk shihemi. Shiko, doktor, ne kishim një program, secili nga një pyetje kisha bërë një pyetje të gjatë. Por unë nuk e di, jam shpesh, jam shumë spontan me njihni dhe, kur dëgjoja pyetjen  paraardhëse më shkoi mendja ke pyetja e të tjerëve, dhe do më falni të gjtihë, të bëjmë një bashkëbisedim sa më të shpejt, të shkurtër, që mos abuzoj edhe unë me kohën e shokëve. Pra, Rafaela ju bëri një pyetje: çfarë do të bënit ndryshe, nëse do bëheshin prapë zgjedhjet? Unë e kuptova pyetjen, se çka do bënit ndryshe, si program? Po qenkam unë gabim. Por juve e dhatë përgjigjen shumë mirë, dhe në bazë të përgjigjes që i dhatë juve. Dhe të pyetjes që kuptova unë, do t’ju bëj dy pyetje, plus ato që kisha parashikuar para. Do të më falësh Alba, por i kam më shumë të shkurtra.

E para, ju thoni se, çdo gjë që bësh me Edi Ramën nuk ka zgjedhje. Atëherë, kjo a e shfajëson në kohën e mëparshme Lulzim Bashën, sepse dhe atij i janë vendosur zgjedhjet.

Pyetja e dytë. Nëse vini në pushtet, a keni ndonjë regres, pra, një keqardhje nga një bazë legjislative legale që i keni lënë Edi Ramës dhe që ka abuzuar?

Po marr dy shembuj, koncesionet dhe Shqipëria 1 euro. Të dyja ishin në regjistrat tuaja, që më vonë i pamë se si i shndërroi Edi Rama, se si manipuloi dhe se si i shfrytëzoi për veten e tij. Pra, a keni keqardhje për këto dy gjëra?  Dhe ën të ardhmen, a mund të mendonit po ashtu, edhe lidhjet, të cilat më pas mund të abuzoheshin nga pasardhësit tuaj?

Dhe pyetja e tretë, po e them me dy fjalë: Keni shkuar kudo, që kur keni ardhur në fuqi në PD, para që nga fundi i izolimit në vitin e kaluar, i keni dhënë një dinamizëm të pashoq politikes së jashtme, me amerikanët, në Bruksel, keni shkuar në Spanjë, në Portugali, në Strasburg, në Itali, kudo në Gjermani. Vetëm me Francën, është një heshtje absolute. Si shpjegoni këtë? Ndërkohë që, Franca është vendi kryesor politikisht me Evropë dhe ju në Francë jeni i formuar.

Sali Berisha: Faleminderit Genci, dhe e vlerësoj shumë të gjithë kontributin tënd që jep.

Së pari, Lulzim Basha. Në rast se kthehemi bashkë në prill të vitit 2021, dy ditë pas zgjedhjeve, unë kam publikuar një artikull me titull: ‘Vota vdiq pa rënë në kuti’. Ky është qëndrimi im për ato zgjedhje, dhe nuk e bëja kurrë atë nëse nuk kisha bindje të plotë në argumente.

Çfarë bëri Lulzim Basha? Tani ta them të vërtetën ty. Lulzim Basha kishte hyrë në lojëra tjera, Genc, dhe e thirra dhe i thashë tani. Raporti paraprak i zgjedhjeve ishte objektiv. Tani, i thashë unë, detyra më kryesore është të mbrojmë, të denoncojmë këtë farsë që ndodhi. Dhe unë të garantoj që ishte farsë.

Lulzim Basha, meqenëse kishte hyrë në ujëra të tjera, në vend që të merrej me këtë, dhe i tregova të gjithë rrugën që unë e kisha përshkruar në vitin 2001, dhe jo pa sukses, ç’është e vërteta, ai hapi zgjedhjet në parti, dhe i injoroi komplet. Dhe të them unë ty, që dërgoi një raport të vetit, PD-ja, të turpshëm, vetëm 3-4 ditë para se të dalë raporti përfundimtar, pra një raport që nuk e lexoi asnjëri. Nuk shkoi as kurrëkund, nuk ngriti asnjë zë, hapi procesin brenda në parti.

Dhe në atë shkrim unë, dua të jem i sinqertë, u shpreha se fillimisht duhet një denoncim i madh ndërkombëtar, duhet të ndërgjegjësohej bota se çfarë ndodhi në Shqipëri dhe pastaj të bëhet analiza. Padiskutim, nuk isha aspak kundër. Pra, në qoftë se kjo do ishte bërë atë vit, ndofta, ndofta, zhvillimet nuk do të kishin qenë të tilla më vonë.

Genc Burimi: Ju ishit non grata, doktor.

Sali Berisha: Jo, prit, ai u mor vetëm me këtë punë. Ai është marrë bashkë me Edi Ramën me këtë punë.

Genc Burimi: Po thoni ndoshta,  s;do ndodhte kështu ose ndodhte ashtu, sepse ishte e shkruar.

Sali Berisha: Jo, ai është marrë vetë me non gratën, bashkë me Edi Ramën.  Pra, ai nuk zgjodhi rrugën të mbrojë votën e shqiptarëve, po rrugën e një koalicioni me Edi Ramën. Ai po shkonte në koalicion të gjerë me Edi Ramën, gjë të cilën unë e quaja një fatalitet të madh për vendin.

Genc Burimi: Për dy ligjet, për koncesionet edhe për Shqipëria 1 euro.

Sali Berisha: Shqipëria 1 euro dhe koncesionet. Genc, ja ku i ke ti, të gjitha koncesionet e mia dhe 1 euro, që unë kam dhënë. Asnjëra prej tyre nuk është gjetur se ka dëmtuar përkundrazi. Jo, koncesionet janë një praktikë botërore.

Genc Burimi: Edhe lundrimi është praktikë botërore, lundrimi. Por në 2005, ju e patët kurajën të bënit një moratorium që ndalonte lundrimin për 3 vjet.

Sali Berisha: Jo, dakord, po varet se si përdor ligjin. Në qoftë se, ti ligjin e zbaton me rigorozitet, për shembull, po të them një gjë. Ne kemi dhënë koncesione 400 e ca hidrocentrale, po që të gjitha pas 25-30 vitesh kthen në pronë publike shqiptare, sipas afateve.

Përndryshe, ato ujëra kalonin të gjitha pa vlerë në det. Pra, unë nuk jam kundër koncesioneve. Unë jam pro koncesioneve në interesin më të mirë publik, me fee-në ( taksën) koncesionare,  që duhet të kenë fee-në (takësn) koncesionare, të derdhin para çdo vit në buxhetin e shtetit.

Shqipëria 1 euro. Nuk është dhënë asnjë resort turistik për 1 euro. Jo, asnjë, as dhe një i vetëm. Shqipëria 1 euro kishte kuptim, investime të mëdha, të cilat mund të krijonin mijëra vende pune, mund të sillnin teknologji të larta. Pra, është një abuzivitet i plotë i Edi Ramës.

Dhe një gjë. Ne, u përpoqëm ta sjellim Shqipërinë në hartën e investimeve tuaja. E vërteta është që, po të hiqej Banka e Kursimeve që ishte privatizuar, investimet e huaja në Shqipëri ishin gjithësej 70 milionë euro.

Ato arritën, nga viti 2008 në vazhdim, në mbi 1 miliard, sepse duheshin tërhequr. A mund të ndalosh hajdutin? Bëj ç’të duash, Genc. Hajduti e ka sëmundje, sepse ai zbaton ligjet si të vjedh vetë, si të vjedhë.

Genc Burimi: Po s’mund ta ndalosh, po mund të parashikosh një kuadër ligjor, që nesër kur ju mos jeni prapë në pushtet, mund të vijë në Shqipëri, qoftë edhe një Hitler, se mund të kufizohet doktor.

Sali Berisha: A do të jap një shembull tjetër? Kur erdhëm në pushtet në 2005, një ekspert i shquar amerikani i luftës kundër korrupsionit, më thotë: ‘Zoti Berisha, do ta bëj, i them unë. Unë e mora për atë punë, për ekspertizë.

Thotë: ‘Je i gatshëm ti të heqësh ministrat si kryetarë të autoriteteve kontraktuese?’

‘Po’, mo i thashë unë, ‘menjëherë’.

Si kusht për të luftuar korrupsionin? Dhe unë, mora ligjin, e çova në Parlament, hoqa ministrat, ndalova me ligj ministrat që të mos jenë kryetarë të autoriteteve kontraktuese. Kjo, sigurisht nuk është se, kjo e ndaloi korrupsionin. Po kjo nuk krijoi kurrë vepra si djegësat 400 milionë euro që s’ekziston një gjurmë më.

Nuk lejoi kurrë, të ndodhin Alabarët, të vinë Alabarët në Shqipëri. Nuk lejoi krijoi kurrë një seri pseudo-investimesh, apo ndërtime rrugësh brenda 3-5 muajve. Pra, pati një efekt krejtësisht tjetër.

Genc Burimi: Po thua se, Bankers nuk ka paguar taksa, nën hundën tuaj.

Sali Berisha: Tani, po të them pra. Gjatë qeverisjes së mëparshme, nuk përgjigjem për qeverisjen e socialistëve. Bankers ka paguar miliarda taksa dhe ato janë vetëm shpifje. Bankers, ta dish, qeveria që drejtoja i vendosi rentën 10%, dhe për hir të së vërtetës, se nuk ishte kontratë e jona Bankers, ishte e qeverisë së mëparshme, por për hir të së vërtetës, kishte një klauzolë kontrata, e cila nuk lejonte ndryshimet e saj pa ujdinë e të dyja palëve.

Kështu që, ne me insistim arritëm të shtojmë rentën 10 për qind në kontratë me Bankers-in. Çfarë kanë bërë këta mbrapa, unë nuk e di. Po, them, kemi pasur një problem për taksën e karbonit dhe është detyruar ta paguajë 20 milionë euro taksë karboni.

Kemi pasur një dyshim për transferim çmimi. Kemi hetuar dhe nuk e kemi gjetur evident, por Bankers, e cila asokohe ka qenë kompani publike kanadeze e listuar në bursë. Po e vërteta është, ta them këtu tani se ajo shkeli shumë interesa në atë kohë, të mafies që nuk u nuk pranoi të bëhej ortak me të tjerë e tjerë me rradhë.

Çfarë ka ndodhur pas 2013-të nuk kam asnjë ide. Për periudhën, ajo ka pagur të gjitha, të gjitha miliona mos miliarda taksa. Kështu është e vërteta.

Genc Burimi: Në përfundim me Francën. Pse ky hendek kaq i madh me Francën, doktor?

Sali Berisha: Jo, jo, nuk është një hendek, është një hendek vetëm çështje kohe. Se fillimisht, ne jemi marrë me instruksionet që merren direkt me zgjedhjet. Tani, ne do merremi me qeveritë e vendeve partnere për të paraqitur, pasi të kemi raportin përfundimtar në dorë, ne do të paraqesim rastin e të gjitha ministritë e Jashtme dhe parlamentet e vendeve anëtare të Bashkimit Europian. Franca, sigurisht, është një vend kryesor dhe, do të bëjmë çdo gjë për një informacion sa më të plotë për të ndryshuar të vërtetat sa më të plota.

Genc Burimi: Pa harruar mediat? Kaq, mbaroj.

Sali Berisha: Keni shumë të drejtë. Faleminderit!

Alba Kepi: Unë i ftoj kolegët. Mbase mbarojmë një pyetje të gjithë mund të bëjmë edhe nga një pyetje shtesë, nëse kemi ende disa gjëra për të qartësuar. Bëj vetëm një note (shënim) në atë mendimin tim, që më ngacmoi kjo pyetje ajo të Genc. Flasim për dy periudha me një kohë diference dy dekada, pra 2005-2025. Në 2005, Shqipëria kishte jetike një strategji investimesh të huaja, qoftë për zhvillimin ekonomik dhe qoftë përqasje në tregun ndërkombëtar. Në 2025, është e pamundur të bësh një krahasim tillë, duke pasur parasysh abuzimin dhe manipulimin që bëri me këtë ligj Rama, duke e shfrytëzuar për partneritet investitor strategjik, nepotizëm politik, edhe gjithçka tjetër që ne e kemi dokumentuar dhe e analizojmë sa herë dhe me punën tonë.

Genc Burimi: Gjermanët ishin demokraci e madhe, para Hitlerit. Dhe gjermanët s’kishin menduar kurrë që mund të vinte një person që mund të vinte në pikëpyetje rendi kushtues. Dhe kur e ribënë Kushtetutën gjermanët vunë një ligj që: Ndryshimi i këtij rendi nuk mund të bëhet më kurrë.

Kjo është pak. Ti me mendosh mbrapa pasojat e këtij lloji. Berisha bëri dy ligje që ishin të vlefshme, që ishin koncensiont dhe Shqipëria për 1 euro. Dhe sot, me koncesionet, ky po e jep Shqipërinë, po e jep ky, ky sot badiahava. Dhe prandaj unë them që më vonë kur të ardhmen duhet të mendojnë, të mendojnë edhe për pasojat, për ditën kur ligji bëhet sot, mund të keqpërdoret nesër. E kuptoj Berishën, ai kjo e ka në kokë për ta bërë, do e bëjë, por sa më shumë qoftë e mundur të limitohen dëmet në duart, ku i jep një lojë të kaq bukur në dorë, një uzurpatori që mund të bëjë hatanë.

Alba Kepi: Ia jap fjalën zonjës Elida Buçpapaj, e cila është nismëtarja e bashkimit tonë që nga 2021-shi dhe është arkëtare e Unionit të Gazetarëve Shqiptar Profesionistë Diasporës. Elida lidhet nga Zvicra.

Elida Buçpapaj: Përshëndetje, profesor!

Sali Berisha: Përshëndetje, Elida!

Elida Buçpapaj: Jemi takuar në Strasburg, për të fundit herë, kur Shqipëria u pjesëtare e NATO-s, dhe kemi këtë rastin sot, mbas 17 vjetësh, në një kohë shumë të trishtueshme për pluralizmin shqiptar edhe për interesat kombëtare të kombit tonë. Jam shumë dakord me ato që ndani ju rreth situatës që është në Shqipëri, ku vota  e lirë është komplet në dorë të një njeriu, i cili ka instrumentalizuar gjithë shtetin dhe tani rrezikon t’i instrumentalizojë edhe opozitën. Ju jeni një zë shumë i fuqishëm opozitar dhe nuk themi që jeni i vetmi. Keni edhe ndonjë koleg, përmend këtu zotin Fatmir Mediu edhe ju jeni në qendër, në qendër të propagandës së shtetit shqiptar. Anatemoheni, sepse ju paraqisni rrezikshmëri për qeverinë aktuale, për kryeministrin.

Ndërsa opozita, nuk e paraqit këtë rrezik për te. Unë kam shumë pyetje për t’ju bërë, sepse e tillë situatë, por do të mjaftojë me disa që i kam, që i kam menduar edhe si edhe si mënyrë për të dalë në mbrojtje të votës së lirë.

Unë dua të them se, diçka pozitive që patën këto zgjedhjet është se, me gjithë manipulimin që u bë, vjedhja e votës dhe të gjitha përsëri, në qofë se do numërojmë votën e mazhorancës me opozitën dhe partitë e tjera që morën pjesë, del se ishin kuazi të barabarta.

Pra kishte mundësi edhe për një fitore, me gjithë kushtet tmerrësisht të vështira dhe tmerrësisht të pamundura. Pra, gjithsesi duhet themi që meqë shpresa vdes e fundit, mendojmë që ka shpresë. Kështu ne, çfarë duhet të bëjmë? Duhet të gjejmë mënyra sesi ta shpëtojmë votën e lirë. Unë po paraqes këto pyetje të mia që nuk kanë qëllim, që kanë qëllim për, për të dhënë një sinjal ose një ndihmë apo diçka.

Po e nis nga pyetja e parë. Duke iu referuar rekomandimeve kryesore të OSBE/ODIHR-it, pas këtyre zgjedhjeve, një nga të cilat është mbrojtja dhe pavarësia e mediave, që aktualisht është tërësisht e kompromentuar. Unë po kthehem pas në kohë, në vitin 2013, kur Edi Rama i fitoi zgjedhjet dhe deklaroi në mënyrë shumë të bujshme se, ai do ta fuste gjuhën shqipe në Google AdSense.

Atëherë, kishte krijuar edhe Ministrinë e Informacionit dhe Informacionit, kishte atë kushërirën e vet atje. Nejse, edhe kjo gjë u prit me entuziazëm. Kaloi mandati i parë, kaloi mandati i dytë, kaloi mandati i tretë. Kjo ishte një iluzion edhe një, ose një rrenë, shqip. Futja e gjuhës shqipe në Google AdSense është shumë e rëndësishme për fjalën e lirë, për shtypin e lirë, për pavarësinë e gazetarëve nga politika, edhe do të ishte e vërtetë një ndihmë shumë e madhe dhe do të jetë vërtet një ndihmë shumë e madhe edhe në të ardhmen që na pret, sepse gazetaria si pushtet i katërt mund ta edukojë politikën, edhe mund të mund të mund të ngrejë alarmizma, pasi nuk do të jetë e varur për bukën e gojës nga politika.

Në ndihmë të kësaj, presidentja Vjosa Osmani, në takimin që u bë për inteligjencën artificiale në Paris në fillim të këtij viti, takoi CEO-n e Google dhe tha që ju po e penalizoni gjuhën shqipe dhe nuk po e fusni edhe i bëri thirrje që të futet sa më shpejt gjuha shqipe në Google AdSense dhe Google Ad. Të them të drejtën, në këto 12 vjet, nuk e kam dëgjuar asnjëherë opozitën që të ngrejë shqetësimin.  Kur them opizitën, jo vetëm ju, se ju keni plot halle dhe plot probleme dhe ngrini plot, plot probleme aty.

Kështu që të tjerët çfarë bëjnë? Ju e bëni dhe ata rrinë nën hije. Domethënë, nuk e kam dëgjuar asnjëherë një iniciativë të opozitës që ta ngrejë këtë problem që është kaq i rëndësishëm për demokracinë e vendit, për interesat kombëtare dhe për mbrojtjen e votës së lirë. Kjo mund të kthehet në një kauzë, një kauzë që të mund të jetë, që mund të përfshijë të gjitha nivelet, nivele, që nga që nga nxënësit e gjimnazeve deri në nivelet universitare. Është një kauzë shumë, shumë e rëndësishme, sepse ndihmon pavarësinë e individit, dhe mbron gazetarinë.

A ka ndonjë plan Partia Demokratike? A ka ndonjë strategji?

Sali Berisha: Çështja e mediave është një çështje themelore. Ju keni shumë të drejtë, Elida. Ju, nuk mund të imagjinoni, se jeni jashtë, se në ç’shkallë arrim këtu indoktrinimi nëpërmjet kontrollit të mediave. Indoktrinimi që synon falsifikimin e historisë recente, jo vetëm të shkuarës, por edhe të historisë para 10-15 viteve.

Mirëpo, kur 90% e hapësirës informative dominohet vetëm nga mediat e mashtrimit, që mashtrojnë, manipulojnë, dhe që zgjedhin për tema debati çdo darkë në studiot e tyre, ato që u dikton zyra e Kryeministrit  dhe ajo që u intereson atyre. Kjo përbën një problem shumë të rëndë për ne. Dhe sigurisht, ne duhet të bëjmë çdo përpjekje për të çarë këtë lloj censure, e cila, të siguroj, që ngjet shumë, në shumë aspekte me atë të kohës së diktaturës.

Janë vetëm 10% e hapësirës informative që mbulohet nga portalet në ndonjë media të opozitës që është e hapur. Ajo që ju thoni për të kërkuar që shqipja të jetë një gjuhë dhe në Google, është shumë e dobishme për ne dhe për vendin tonë.

Sa do ta realizojmë ne dhe sa kjo organizatë, kjo sipërmarrje është e gatshme të marrë para sysh kërkesat e opozitës, këtë nuk mund ta them. Mbasi qeveria, sigurisht, nuk e do këtë gjë. Qeveria do të mbajë mbi sipër këtë saç të kontrollit të hapësirës informative.

Elida Buçpapaj: A e keni mbaruar, profesor?

Sali Berisha: Po.

Elida Buçpapaj: Pyetja e dytë. Në majin e vitit 2022, kur u rizgjodhët kryetar i Partisë Demokratike dhe ishit kryetar i opozitës dhe kandidat për kryeministër, deklaruat se do të qeverisnit mandatin e tretë me ekipin që kishte qeverisur dy mandatet e para, ekip që ju çoi në humbje në 2013, megjithë sukseset e jashtëzakonshme që ju kishit arritur, sepse ishte bërë liberalizimi i vizave, anëtarësimi në NATO, ndërtimi i Rrugës së Kombit dhe hapja e tunelit të Krrabës. Pra, me këto arritje, PD duhet ta kishte fitoren në xhep. Tani ju humbët zgjedhjet.

Deklaruat se do të vinit me të njëjtin ekip. Po ky është një ekip, që unë më lejoni ta quaj ‘establishment’, sepse në këtë establishmet bënte pjesë edhe Lulzim Basha, që ju e dini se çfarë roli kishte dhe ju e di se çfarë rezultati mori kur krijoi partinë Euroatlantike. Ky establishment, profesor, mban një pozicion përjashtues ndaj simpatizantëve, ndaj personaliteteve. Këtë e them si, një veterane e mediave dhe si një person që është gjithmonë në kontakt dhe nuk kam asnjë interes personale. I kam të zgjidhura problemet e mmia personale, 30 vjet.  Kështu që, ky establishment është apatikë, përjashtues dhe komplet nën hijen tuaj. Domethënë, mjaftohet me opozitarizmin tuaj dhe është i gatshëm që në rastin e parë të shitet.

I kemi parë kur Luli bëri përjashtimet, dhe ata krijuan partitë dhe si dolën ata. Çfarë strategjie keni? Sepse me këta njerëz, nuk mund të ëndërrojë njeriu për fitore. Janë zemërngushtë, nuk dëshirojnë që të fitojë PD, sepse kënaqen me rehatinë e tyre. Ata e dinë që Rama në një moment të caktuar do të ju ofrojë diçka, edhe ata do të kënaqen, dhe do t’ju lënë prap juve në baltë.

Sali Berisha: Nuk bëhet fjalë që të jetë i njëjti ekip. Në asnjë mënyrë. Nuk e di si ma kanë interpretuar deklaratën. Por ideja se mund të kisha të njëjtin ekip pas vitit 2022, është një ide jorealiste dhe e pamundur. Sigurisht që, do të jetë një ekip i ri, i cili do zgjidhej mbi bazën e aftësive, parametrave, përkushtimit, etj. Por që, të jetë i njëjti ekip, është jashtë çdo lloj mundësie.

Elida Buçpapaj: Profesor, d eputetët në listat e mbyllura janë të paktë ata që kanë një mbështetje të gjerë në elektoratin demokrat dhe në zonën gri. Ju them me sinqeritet: shumë prej tyre janë armiqësorë ndaj simpatizantëve dhe talenteve të reja. Ata e lidhin të ardhmen e tyre duke izoluar Partinë Demokratike.  Të them të drejtën opozitarizëm ju keni bërë, dhe ju jeni rreziku i fundit i Edi Ramës.

Sali Berisha: Elida, lista të them një ndarje ose një përcaktim shumë antidemokratik. Listat e mbyllura dhe listat e hapura, të cilat janë absolutisht antidemokratike në vlerësimin tim. Por, po t’i vësh re, po t’i studiosh, ata që kanë qeverisur më parë në këto lista janë shumë të paktë, shumë të paktë. Po, që kanë qenë në administrata është tjetër, por që kanë qeverisur e kam fjalën.

Ka plot, ka të tjerë që s’kanë qenë ose janë të rinj. Listat i ka diktuar kryesisht kodi në të hapura dhe të mbyllura, në të mbyllura dhe të hapura. Listat, tani të jem i hapur me ju, i diktoi në një shkallë të padiskutueshme edhe i tërë procesi që kaloi Partia Demokratike, një proces në të cilin u bë gjithçka që kjo parti ta asgjësohej si forcë e vërtetë opozitare, të mos ishte, të ishte një parti e kontrolluar nga Edi Rama, e të tjerë.

Pra, ju e dini ato çështje gjyqësorem se si u mor logoja, e me rradhë tani, se është histori e tërë. Dhe ai proces kishte, sigurisht, kushtëzimet e veta, sepse kaluam një proces, që s’e ka kaluar ndonjë forcë politike, ndonjëherë.

Por, natyrisht, ripërtëritja e ekipit do të jetë dhe mbetet motoja e Partisë Demokratike dhe jam sigurt që do realizohet.

Elida Buçpapaj: Pyetja e tretë lidhet me votën e diasporës. Është problemi kështu. Ju keni qenë 12 vjet në opozitë dhe keni patur kushte absolute që Partia Demokratike të krijonte lidhje me diasporën. Partia Demokratike nuk ka krijuar lidhje me diasporën. Periudha që Partia Demokratike u angazhua në zgjedhjet edhe ato takimet që bëri ishin euforike, por nuk, nuk dëshmonin se kishin se kishin rezultatin konkret. Pasi, Edi Rama ka të paktën 8 vjet që punon në mënyrë shumë agresive me diasporën dhe kështu që, ishte shumë iluzive ajo që të mendoje që për tre muaj, dy muaj fushatë në diasporë do të merreshin votat e diasporës.

Duke e ditur që diaspora, se diaspora është larguar nga Shqipëria është një kontingjent, edhe është një komunitet që do të votonte për Partinë Demokratike, nëse do të kishte kushtet.

Partia Demokratike, për shembull, në Zvicër, qeveria zvicerane dhe shteti zviceran, tregon një kujdes shumë të veçantë për diasporën. Kështu që, ju duhet të merrnit eksperiencë që të paktën gjatë 12 vjetëve të kishit lidhje të ngushta me diasporën, që nuk i patët dhe patët pastaj edhe  rezultati pastaj ishte i ngelë. Të gjitha ato kartat i pati Edi Rama në dorë.

Edhe ne si medium e kemi vënë alarmin. Kemi vënë alarmin, por, nuk na ka dëgjuar askush nga Tirana.

Sali Berisha: Elida, lidhur me diasporën, është e vërtetë ajo që thua ti, që duhet të ishte punuar shumë më tepër gjatë këtyre viteve, por disa momente të sqarojmë.

Në vitin 2013, ne dërguam ligjin në Parlament për të votuar diaspora, por votimi i diasporës u shtetëzua nga Edi Rama, u shkel kontrata me dokumente të pakundërshtueshme. Kompania shkeli kontratën dhe procesi u mor në duar, në kundërshtim me ligjet, nga qeveria dhe ka sjellë këto rezultate.

Sigurisht, që, zgjedhësit në diasporë, numerikisht, janë më shumë se në Shqipëri. Ndaj edhe, kjo kërkon që të gjenden format, mënyra se si të bëhet fushatë dhe të punohet për ndërgjegjësimin e tyre.

Por, nga ana tjetër, në qoftë se, qeveria vendos ta marrë në dorë procesin, procesin e votës në diasporë e merr shumë më lehtë sesa brenda vendit, siç e mori faktikisht. DHL është një postë me emër, por që shkeli kontratën dhe ua dha nën kontraktorëve të lidhur me Partinë Socialiste, përfshi postin shqiptare.

Elida Buçpapaj: Faleminderit, profesor!

Alba Kepi: Faleminderit doktor! Fjalën e japim z. Ardian Murra, i cili lidhet nga Shtetet e Bashkuara të Amerikës. Është një gazetar, një shtyllë e rëndësishme e unionit tonë dhe kryetar i Komisionit Etikës. Etika, kaq e rëndësishme për profesionin e gazetarit? Për ty fjala Ardian!

Ardian Murra: Faleminderit! Përshëndetje, doktor! Unë kisha lënë dy çështje në përmbajtjen e pyetjes time, të cilat i përcaktova si parlamentarizmi dhe pluralizmi.

Ju kemi ndjekur gjatë fushatës parazgjedhore të 11 majit dhe shpesh nga mediat ju është kërkuar, dhe unë për veten  time kam ndjerë si një formë presioni, çështjen e largimit tuaj, dhe ajo rezulton me atë në rast fitore a do të jeni, apo jo kryeministër?

Dhe ju, jeni përgjigjur drejtpërdrejt që, në rastin e fitores së aleancës që ju kishit, ju ishit i hapur karshi konkurrimit, që dikush tjetër mund ta merrte dhe që atëherë më shkoi në mend ideja. I vetmi vend që ju nuk kishit provuar në drejtimin e politikës shqiptare mund të ishte ai i kryetarit të parlamentit. Dhe aty, në parlament, ne shohim pjesën e luftës kryesore që zhvillohet mes forcave politike, dhe është shumë e vështirë, domethënë tabloja, për t’u paraqitur në aspektin e një mazhorance dominuese me forcën e kartonit.

Kush drejton, kush vendos ligjet? Çfarë ndodh nga krahu juaj dhe pak a shumë këtë e  vërtetoi dhe legjislatura e 10 me mbylljen e saj me dy kryetar Kuvendi. Tani them, në rastin më të afërt, si e shihni ju zhvillimin e betejës parlamentare, mes forcave opozitare?

Sali Berisha: Faleminderit për pyetjen. Samuel Huntington, kur përshkruan diktaturat, thotë se, forma më e keqe e të gjitha llojeve të diktaturave, si nazistja, komunistja, teokratike apo juntë ushtarake është narko-diktatura, apo ajo që e quante ai mobo-kracia.

Pse?

Sepse ajo nuk respekton, thotë Huntington, asnjë rregull. Dhe në qoftë se ju ndiqni, edhe i ndiqni sigurisht zhvillimet, në Shqipëri, shkelet dhe mund të shkelet çdo nen i Kushtetutës, çdo nen i Kodit Zgjedhor, çdo nen i Rregullores së Parlamentit. Ju rikujtoj këtu se, ne qëndruam 54 ditë në mosbindje civile në Parlament, sepse në mënyrë absolute, asnjë nga të drejtat tona themelore nuk respektohej.

Dhe imagjino, domethënë, nuk na lejohen Komisionet Hetimore Parlamentare. Kryeministri nuk pranon interpelanca. Kryeministri nuk pranon pyetje. Ministrat, apo deputetë socialistë përdorin pushtetin për tu pasuruar, çka Kushtetuta e dënon me një nen të veçantë. Dhe asgjë nuk ndodhte. Parlamenti nuk dërgonte vendimet në Gjykatën Kushtetuese.

Pra, unë ju dhashë disa shembuj për t’ju thënë, që sigurisht beteja parlamentare do vazhdojë, por të garantoj që është në të njëjtat kushte përsëri. Në të njëjtat kushte. Ju e thatë edhe Elida, dhe ju. Çështje fundamentale është çështja e pluralizmit në Shqipëri. Edi Rama nuk pranon pluralizmin. Edi Rama bën çdo gjë që të shuajë pluralizmin.

Riktheni pak vetëm sekuencën televizive, kur thotë se e shkatërruam, LSI-në e shkatërruam, dhe mirë bëmë. Po LSI-ja çfarë ishte? Ishte një kundërshtare 18 vjeç e Sali Berishës dhe një aleate e Edi Ramës. Por, në spektrin pluralist, ti nuk mund t’i mohosh se ajo luajti një rol. Kënaqësia e tij që zhduku një element, një faktor të pluralizmit.  Me të vërtetë, ai betejë në thelb e ka me pluralizmin.

Mirëpo, kjo, të dashur miq, e bën betejën tonë një betejë ekzistenciale, betejë për ekzistencë. Kjo është.

Genc Burimi: Të themi gjëra qartë. Është rruga e civilizuar. Ka patur një emision Alizotin, më habiti, jemi civilizuar. Ke dhe rrugën serbe, ke dhe rrugën ukrainase, Mejdanin, Beogradin, rrugën radikale.

Sali Berisha: Tani, ju garantoj se vetëm mosbindja civile është rruga, dhe rrugë tjetër për të rikthyer votën e lirë në Shqipëri nuk ka përveç se, një betejë, ku të përdoren të gjitha mjetet e spektrit dhe fjalë. Përndryshe, siç ndodh në narkodiktatura, Vladimir Putin ka fituar herën e parë me 53, ka kaluar në 63, do kalojë në 73 përqind e me radhë, e me radhë. Vetëm një gjë, në votën e diasporës në Fier, Edi Rama dallon nga Assadi i Sirisë me 2 përqind. Assadi ka marrë 95 përqind, Edi Rama 93 përqind. Këtu, është një betejë ekzistenciale për pluralizmin.

Andi Murraj: Në qoftë se, më lejoni të vazhdoj. Në lidhje me pluralizmin dhe parlamentarizmin. Grupi juaj parlamentar ishte i pranishëm në Europë dhe besoj kam dëgjuar në fjalën tuaj që keni përmendur një term narko-euro? Domethënë, dua të di, si është pritur ky mesazh atje, dhe ta krahasoni atë me raportin tjetër që, kur publiku shqiptar dëgjon që Partia Demokratike i prish imazhin Shqipërisë. Si qëndrojnë këto dy anë, dhe jo më larg është një njoftim, ndoshta nga ATSH-ja, faqja e tyre zyrtare propagandës. Ambasadori shqiptar në Amerikë ka bërë një foto shkrepje me Marko Rubion dhe thotë: “Rubio pranon ftesën e Ramës në Tiranë”.

Sali Berisha: Edhe njëherë, z. Murraj. Vështirësitë tona janë shumë serioze, sepse Europa nuk njeh narko-shtetet. Për herë të parë, Departamenti i Shtetit dërgoi para një muaji e gjysmë një përfaqësues, më fal, Departamenti i Drejtësisë, i cili paralajmëroi qeverinë shqiptare për luftën që duhet të bëjë kundër karteleve të drogës.

Por, kartelet e drogës këtu janë potentatet më të fuqishme. Edhe njëherë. Poja, Troplini i Durrësit, Suel Çela i Elbasanit, ka fuqi të pakrahasueshme me çdo ministër në këtë vend.

Ne kemi arritur në familjen tonë, familja jonë Popullore dhe e spektrit. Kemi avancuar me këtë koncept. Nuk mund të them se kemi të njëjtën rezultat me qeveritë e vendeve partnere. Por, për sa u përket atyre që thonë, nuk më shqetësojnë fare, sepse armiku më i egër i shqiptarëve, më i egër sot është narkoshteti i tyre.

Asnjë armik në histori, asnjë armik, asnjë pushtues në histori, asnjë regjim në histori, nuk i ka shpërngulur ata në 10 vite, 45% të materies së tyre kombëtare jashtë vendit. Vetëm në hapësirën e Schengen-it nga 2014, sipas statistikës së Bashkimit Europian. Nga 2014 deri 2024, janë shpërngulur, janë larguar një 1 milion e 99 mijë shqiptarë. Në fakt, Shqipëria po shkretëtohet në mënyrën më të jashtëzakonshme. Ndaj edhe, unë në këtë betejë, të jem i sinqertë, shoh vetëm përpjekje, detyrimin madhor si të mbrojmë ekzistencën e këtij kombi që po shuhet në sytë e botës. Kjo është e vërteta.

Alba Kepi: Faleminderit doktor, faleminderit Ardi! Pyetja e fundit është e imja. Doktor, në zgjedhjet e 11 maj 2025, ligji zgjedhës, pra ligji  elektoral, shfaqi fort e qartë se sa influencoi në shtrembërmin e votës për shkak të ndarjes së zonave. Kam zona të cilat me rreth 50 mijë vota u zgjodh një deputet dhe zona tjera, ku me të njëjtën numër votash u zgjodhën 9 deputetë.

Ligji zgjedhor, a do të jetë beteja e radhës në Parlamentin e ri? Çfarë do donit dhe si do të donit ta ndryshoni për të mirën e demokracits dhe pluralizmit në Shqipëri?

Dhe pyetja e dytë, më ngacmoi Genci, po e lidh me Italinë.

Ju keni pasur një lidhje, jashtëzakonisht fort me Italinë. Shumë herë keni udhëtuar. Kam qenë dhe prezente në takime, konferenca me ish-liderin e partisë Forza Italia, pra Silvio Berlusconi. Ka qenë një zë i fortë në mbrojtjen e Partisë Demokratike dhe të demokracisë shqiptare në arenën europiane. Shohim se, nuk është kështu. A keni bërë një analizë për të kuptuar se, ndoshta edhe kjo lidhje me partitë të djathta, ka një haraç apo një borxh për mënyrën se si Partia Demokratike ka zgjedhur ndërmjetësit dhe personat për të kryer, apo për të sjellë mesazhin e duhur te forcat e djathta italiane, jo vetëm të Forza Italia, por edhe Fratelli d’Italia, Lega etj.

Janë partitë e djathta që kemi të njëjtën linjë ideologjike. Faleminderit!

Sali Berisha: Lidhur me kodin elektoral, sigurisht që, ky kod në vitin 2020 dhe 2021 u deformua në mënyrën më të shëmtuar dhe ndryshimi i tij do të jetë objekt i kërkesave tona.

Por, Edi Rama nuk pranon ndryshime. Duhet të jemi realistë edhe racionalë. Edi Rama është njeri që ka kryer krime të rënda. I rëndojnë dosje shumë të rënda, dhe ai bën gjithçka për të mbajtur pushtetin.

Për sa u përket marrëdhënieve, natyrisht që, ka ndikuar shumë marrëveshja Rama-Meloni dhe kjo është një realitet, s’mund ta mohoj. Por, ne kemi ruajtur marrëdhëniet tona me Forza Italia si marrëdhënie bilaterale, ashtu edhe në kuadrin e organizatave ku jemi partnerë. Nuk mund të them se, e djathta italiane ka ato qendrimet që ka patur me djathtën shqiptare, se këtu në mes është Gjadri. Vetëkuptohet, Gjadri. Por ky, nuk përbën një motiv që ne të favorizojmë, ose të mos vazhdojmë përpjekjet tona me partnerët tanë që janë qendra e djathtë dhe e djathta në Itali.

Mund të ketë mesazherë, por në radhë, në një farë mënyre, kontaktet i kemi dhe direkt me të ardhurat. Nuk është vetëm, nuk besoj se ka vuajtur shumë mesazheri sa çka, sa ç’është ky faktor madhor që dikton qendrimet të caktuara të tyre.

Alba Kepi: Faleminderit, doktor.

Elida Buçpapaj: Profesor, desha t’ju pyesja për Ervin Salianjin, që është i burgosur, deputet, ish-deputeti i opozitës dhe nuk e kam. Opozita ka ndonjë, ndonjë strategji për të sensibilizuar?

Sali Berisha: Opozita çështjen e Salianjit e ka ngritur në të gjitha forumet ndërkombëtare. Salianji është i burgosur politik, sipas rezolutave, të cilat i janë, janë votuar në partitë e qendrës djathtë, kudo. Në të gjitha ato që përmenda. Por natyrisht, e kemi ngritur edhe në Këshillin Europian, në Parlamentin Evropian. Por, të jem i sinqertë. Problemi i të drejtave të njeriut është larg atyre niveleve që ka qenë dikur.

Duhet ta pranojmë që, ka një rënie të ndjeshmërisë ndaj të drejtave politike dhe të drejtave të njeriut. Thashë, ju dëgjoni që, pothuajse ka një anësim më të madh drejt stabilokracisë, sesa demokracisë në raporte.

Elida Buçpapaj: Mendoni që Perëndimi është në krizë, në kulmin e krizës?

Sali Berisha: Them që, përballet me probleme shumë të mëdha. Kjo është e vërteta.  Në vlerësimin tim, me probleme shumë të mëdha dhe të drejtat e njeriut nuk duhet të shuhen kurrë.

Genc Burimi: Doktor, rrimë te të drejtat e njeriut. Shikoni, për Shqipërinë, për mua më shokuese  ka qenë arresti pa gjykim i juaji, i dhëndrit tuaj, i Metës, i Belerit. Atëherë, një pyetje me pak kunjë, e pranoj. Në këtë rastm a do konsideronit që edhe arresti afatgjatëm pa gjyq ende i  Veliajt, është po ashtu një abuzim me të drejtat e njeriut që bën SPAK-u?

Sali Berisha: Tani, që arresti i Erion Veliajt është diktuar nga Edi Rama, besoj se është bërë shumë e qartë. Vetëm se, çfarë është arresti i Erion Velisë? Arresti i Erion Velisë, në qoftë se, kemi parasysh, në qoftë se kemi parasysh 130 milionë euro të zhdukura në djegësin e Tiranës, dhe Erion Veliaj nuk akuzohet për këtë, nuk ka asnjë akuzë për të, kjo tregon një kontroll të plotë të drejtësisë.

Por, unë nuk mund të them se Erion Veliaj, bashkautor, bashkëfirmatar i djegësit të Tiranës, i aferës ‘5D’, dhe sipas punonjësve të brendshëm, bashkëpronar në hotelin më të madh në Shqipëri që po ndërtohet në Durrës. Nuk mund të ketë krahasim me arrestime të tjera.

Genc Burimi: Jo, s’e ka vetëm të, e kam edhe një herë, se hapët kapitullin se jemi në krizë dhe se sot të drejtat e njeriut po bëhen kurban i stabiliokracisë. Në rregull, ky është debati.

Sali Berisha: Në Shqipëri nuk ekziston problemi i të drejtave të njeriut.

Genc Burimi: Unë jam gazetar dhe intelektual. Sot, dhe njëherë, nuk mund të pretendojmë të kemi të drejtat e njeriut ‘à la carte’ me gjeometri variabël. Prezumimi i pafajësisë, ekziston për ju dhe për kundërshtarët, ose për askënd. Përndryshe nuk arrin dot, doktor.

Sali Berisha: Po, jam dakord në këtë koncept. Në këtë kuptim, jam dakord. Por ama, çështjet për të cilat akuzohet, çështje që rëndojnë mbi Erion Velinë dhe i injorohen, me çështje që akuzojnë Ilir Metën, se ke lidhje me Ismailin në kohë, kur Ismailin e mbajnë 6 vite në burg dhe thotë nuk ka lidhje, atëherë, si mund të them unë që ilir Meta kishte lidhje me DIA-n, se duhet t’i marrim kështu dhe s’ka asnjë firmë. Pra, në qoftë se, kemi të bëjmë me akuza pa fakt penal dhe akuza të bazuara në fakte penale, janë të ndryshme. Unë jam dakord me ty, që para dënimit

çdo person është i pa i pafajshëm. Qëndron kjo, plotësisht. Por, kjo nuk përjashton disa masat të caktuara, kur ka të dhëna, siç janë dosjet konkrete, të tij.

Genc Burimi: Edhe njëherë, vini në pushtet. Unë shokohem sot. Ky zotëri, i akuzuar për vjedhje të taksa të qytetarëve, si quhet ai, Ceno? Dhe sot, e gjen deputet, në Fier.

Sali Berisha: Po pra, sepse drejtësia është në kontroll të plotë politik. Kjo është dëshmi e kontrollit të plotë politik të drejtësisë.

Alba Kepi: Jo, doja ta mbyllja edhe me një mesazh, edhe me faktin se sapo nis edhe procesi gjyqësor  politik ndaj Prof. Dr. Sali Berisha dhe zotit Jamarbër Malltezi.  Ne, jemi 7 gazetarë profesionist shqiptarë në diasporë me qasje tona në mediat e huaja. Doja një mesazhin tuaj, doktor në prag të këtij proces, për vetë faktit se, tashmë është i qartë se është një proces politik. Nëse ju do të ishit përballë 7 përfaqësues të mediave të  huaja, çfarë do të thonit për këtë proces?

Sali Berisha: Është fund e krye një piramidë mashtrimi, e bazuar në trillime, manipulime dhe falsifikime, pa asnjë shkelje ligjore, pa asnjë lloj shkelje ligjore dhe asnjë lloj ndikimi jashtë kritereve ligjore. Gjithçka është e stisur, përfunduan akuzat kundër meje. Pagesa që ka bërë vajza ime të pushimeve familjare. Sponsorizimi që ka bërë Jamarbër Malltezi me të shoqen, të  familjeve me fëmijë autikë, etj. Është piramidë fund e krye mashtrimi është një proces politik.

Faleminderit!

Alba Kepi: Faleminderit, Prof. Dr. Sali Berisha. E kaluam kohën. Ju urojmë dhe gëzuar ditëlindje bashkëshortes suaj, doktoreshës Liri Berisha, e cila ka qenë dhe doktoresha ime kur kam qenë e sapolindur.

Sali Berisha: Shumë faleminderit! Shumë faleminderit edhe unë ju uroj gëzime shumë të mira.

Shumë faleminderit!