Jorida Tabaku, kandidate për deputete e Partisë Demokratike, është shprehur në emisionin e mëngjesit ‘Kafe Shqeto’ në SYRI TV, se debatet e brendshme në PD tashmë i përkasin të kaluarës dhe se partia është e bashkuar në masën dërrmuese.

Ajo nënvizoi se heqja e ‘non grata’-s për Sali Berishën është një sinjal i qartë që PD nuk ka probleme me SHBA apo BE dhe se ky zhvillim përforcon pozitat e partisë në skenën ndërkombëtare.

Jorida Tabaku: Debatet të PD, kanë përfunduar me kohë edhe unë as që dua t’i rikthehem sepse sot Partia Demokratike në 98% është e bashkuar. Ndonjë gjë e vogël që ka ikur, ka firuar, është totalisht e kompensuar me votën popullore. Normalisht do të kompensohet me votën popullore, nuk ka asnjë diskutim për këtë.

Heqja e non-grata ndaj zotit Berisha, ishte një mesazh së pari për kundërshtarin, për tabu, për tabu të thyera. Së pari, zoti Berisha e së dyti PD, nuk ka absolutisht asnjë problem me SHBA-të. Nuk ka asnjë problem me BE, zoti Berisha ishte në Kongresin e PP, pjesëmarrja në skenë, takimi me gjithë liderët botëror. Ishte një mesazh shumë i fortë, që dyert i ka të hapura PD këtu dhe ju e dini që në gjithë Bashkimin Evropian sot qeveris e djathta.

Edhe në Gjermani, sapo filloi qeverisja e re. Ne si PD, kemi të paktën katër ministra, një grup i madh njerëzish që kemi komunikime personale, që janë atje dhe do të jenë atje për Partinë Demokratike. Vadefuli që ka qenë kundërshtari më i gur. Ka kundërshtuar në 2020 ndryshimet që bënë këtë kod, ndryshuan këtë kod dhe prodhuan aleancat. Pas 5 qershorit ai ka qenë kundërshtari më i egër dhe unë e disa kolegë të tjerë në PD kemi komunikim të drejtpërdrejtë me të. Dhe një mbështetje e drejtpërdrejtë nga ai, sigurisht që është një derë e hapur për Partinë Demokratike.

Por duke shkuar tek Amerika, sepse Amerika është Amerika. Shumë nga ne, shumë koleg të PD në senat, në kongres dhe tashmë me deklaratën e DASH që ka reaguar zyrtarisht për çështjen e non-grata-s. Shumë njerëz e kishin kuptuar që kishte rënë, shumë njerëz e kishin kuptuar që kishte rënë që në momentin që ekipi amerikan erdhi për të punuar me Partinë Demokratike, përndryshe do të ekzistonte edhe një ngërç, edhe një komunikim në marrëdhënie.

Dje u bë publike për të gjithë qytetarët shqiptarë, për të gjithë ata që se kishin kuptuar. Ishte një mesazh i mirë për shqiptarët. Ishte një mesazh i mirë për demokratët, por ishte një mesazh i mirë për të kuptuar që qëndrueshmëria në politikë në këtë rast, ka rënë.

Mbizotëroi në këtë rast e drejta, por mbizotëroi që ishte një luftë e padrejtë. Ishte një betejë e padrejtë.