Ish-deputeti socialist Petro Koçi ishte i ftuar pasditen e sotme në News 24 ku foli edhe për arstimin e Veliajt, edhe nëse ka në PS ndonjë përçarje të mundshme.

Koçi thekson për Ola Brukon se arrestimi i Veliajt përbën një eliminim politik ndaj tij. Më tej shton se nuk ka pasur përçarje më herët brenda PS-së mes Ramës dhe Veliajt.

Koçi thotë se të gjithë i duhen PS-së, por njeriu i vetëm i domosdoshëm është Edi Rama.

Petro Koçi: Ajo që ka ndodhur me Veliajn, është një eliminim politik. Se sa përgjegjësi reale ka ai, e dinë ata që merren me këtë punë. Ajo që e rëndon më shumë Veliajn në pikëpamjen morale, është historia e 5D se sa këto historitë e tjera me bashkëshorten. Nga një konsideratë nga përvoja, gjykoj që kjo e ngarkon më shumë moralisht Veliaj, sidomos përballë socialistët. Pastaj diksutimi tjetër për paraburgimi, apo akuza se fsheh prova. Këtu ka pikëpyetje. Gjithsesi nuk ekziston kjo lloj ndarje në PS. Kur u caktua si kandidat është propozuar nga Edi Rama. Nuk ka patur përplasje politike.

Të gjithë në PS janë të nevojshëm. Por njeriu i vetëm i domosdoshëm është Edi Rama. E them me bindje, jo për servilizëm. Mund të ketë shumë kandidatura që nuk janë në lista dhe ka keqardhje. Fakti që nuk kisha zonë elektorale, ishte shtysë e madhe për të marrë një vendim të tillë. Nuk mund të startoja garën me shtab elektoral privat. Nuk kam patur klan rrotull meje. Kam patur bindjet e mia dhe hapur i kam shfaqur. Nuk jam shqua për miqësi me X apo Y. Kjo krijon një lloj konflikti interesi.