Ata që ngritën mure na përmendin gardhin- Poezi nga FATBARDH AMURS

February 22, 2025

Mall për gardhin me kallama

Dhe për portën që s`njohu lloz.

Atdheut i hodhën tela e pranga

Ata që për vete shihnin botë?!

.

Në këtë vilë të blinduar,

Me një kamër si sy ciklopi,

Jeton aty një shpronsues zengjinësh

Që shtetëzoi pa marr gjë populli.

.

Nga bahçe fqinjit na kthehej topi,

Provo gjënë tënde ta marrësh prapë,

Ai që dikur konfiskoi të pasurit

Na bëhet sot një oligark!

.

Kafja e mortit në lokal serviret,

Vështrim i ngrohtë u egërsua,

Askush s’e di se si ferrin

Në “parajsë fiskale” e konvertuan?!

.

Kthehesh në atdhe e s`të pret askush,

Ata që ngritën mure flasin për ura,

Ndaj kam mall për gardhin e kallamave,

Me një shteg të hapur për aventura.

.

Fatbardh Amurs

• twitter

  Follow
• facebook
• linkedin

Fjalë kyçe: FATBARDH AMURS