VOAL- Nisma të shumta në Francë dhe Spanjë dje për t’i bërë homazhe piktorit, skulptorit dhe litografit të madh spanjoll të natyralizuar francez Pablo Picasso me rastin e 50-vjetorit të vdekjes së tij. Vendlindja e artistit, në Malaga, ku Picasso lindi më 1881, ofron një fundjavë me dyer të hapura me turne udhërrëfyese të personalizuara. Picasso ishte i apasionuar pas ndeshjes me dema dhe një ndeshje me dema “Picassian” është ndër propozimet e qytetit andaluzian.

Në Musée de laHomme në Paris ekspozita “Picasso et la prehistoire” është planifikuar deri më 12 qershor, ndërsa Musée Picasso, po në Paris, organizon një ekspozitë speciale të koleksionit të tij të kuruar nga stilisti britanik Paul Smith.

Por jo të gjithë janë të gatshëm ta festojnë artistin duke lënë mënjanë njeriun dhe personazhet e tij të diskutueshëm. Picasso ishte përshkruar tashmë në vitet gjashtëdhjetë nga ata që e njihnin nga afër – si partnerja e tij Francoise Gilot, e cila tani është 101 vjeçe dhe ishte e vetmja nga partneret e tij që ai e lejoi të ndërmerrte karrierën e saj si piktore në SHBA – si  një qenie tiranike, supersticioze dhe egoiste, i cila i bënte të vuajnë gratë që ishin në jetën e tij.

“Është një trashëgimi e rëndë, por plot dashuri”, tha e fundit nga katër fëmijët e Picasso-s, Paloma Picasso, e lindur nga marrëdhënia e tij me Gilot-in dhe që tani është 73 vjeç edhe një krijuese eimodës. “Marrëdhënia me të në fëmijëri ishte magjike”, tha ajo. rsi-eb