Nga Guri i Zi i Shkodrës, ku prezantoi kandidatin për kryetar bashkie, Bardh Spahia, lideri historik i PD, Sali Berisha, deklaroi se Lulzim Basha është politikan i dobët dhe frikacak.
Përpara demokratëve, Berisha tregoi rastin kur në zgjedhjet e kaluara Lulzim Basha u tremb nga djali i Rrahman Rrajës i cili i kishte thënë të mos shkonte në Fushë Krujë për fushatë elektorale.
I frikësuar, Basha nuk shkoi, tha Berisha, pavarësisht insistimit të kryetarit të degës së PD dhe demokratëve atje.
Berisha kujtoi ngjarjen e vitit 1997 kur Jozefina Topalli u kërcënua me armë në Vlorë, por sërish shkoi dhe takoi demokratët.
“Ju ftonte në miting, vinit masivisht, fliste 1 orë dhe nuk guxonte të përmendte njëherë emrin e Edi Ramës. I thoja, këta vijnë se janë kundërshtarë të Edi Ramës se ua ka sjellë në majë të hundës qeveria. Unë kështu e kam, tha. Por opozita nuk është kështu. Një tip i dobët dhe frikacak. I thotë në Fushë Krujë i biri i një krimineli në Parlament, Rrahman Rrajës, “Lul mos guxo të dukesh në Fushë Krujë”.
Në mënyrë absolute nuk shkoi të bëjë fushatë në Fushë Krujë. Më vjen kryetari i partisë dhe më thotë, kjam shkuar tre herë dhe i kam thënë duhet të vish që të mos na ulësh kokën ne, se thonë që e ka kërcënuar i biri i Rrahmanit e ka kërcënuar dhe nuk vjen dot. Nuk shkoi.
E gjuajtën me kallashnikov Jozefina Topallin në fshatrat e Vlorës dhe shkoi 10 herë të tjera. Kështu është politika, nuk është për t’u trembur“, u shpreh Berisha.
Berisha: Basha frikacak. Revolucioni ynë nuk ndalet pa sjellë PD-në në pushtet
Ish-kryeministri Sali Berisha në fjalën e mbajtur në Gurin e Zi në Shkodër, ku u prezantua kandidati për kryetar në Bashkinë e Shkodrës, Bardh Spahia, foli për Bashën.
Berisha theksoi se Basha ishte një frikacak, që nuk përmenddte dot emrin e Ramës e nuk shkonte nëpër zona të caktuara kur kërcënohej. Ai shtoi se revolucioni i demokratëve nuk ndalet pa sjellë PD-në në pushtet.
“Revolucioni ynë nuk do ndalet pa sjellë PD-në në pushtet. Unë iu garantoj se sikur Lulzim Basha të kishte çerekun e guximit të Jozefina Topallit apo të Voltana Ademit, do të kishte sjellë PD-në në pushtet patjetër. Kur fliste, nuk thoshte një fjalë kundër Ramës, ishte frikacak.
I biri i një krimineli në Fushë Krujë i ka thënë mos të bëjë fushatë e nuk ka shkuar. E gjuajtën Jozefina Topallin me kallash në Vlorë e ka shkuar 10 herë, politika është për të qëndruar në çdo rast. Ne nuk ka forcë që na ndalon, pa përmbusur këtë narko-shtet”, deklaroi Berisha.
Berisha: Basha dekonspiroi operacionin e 4 shteteve, belgët do t’i shkojnë deri në fund
Lideri historik i PD, Sali Berisha zhvilloi këtë pasdite një takim me banorët e Njësisë Administrative Guri i Zi në Shkodër, ku prezantoi kandidatin për kryetar bashkie, Bardh Spahia.
Berisha akuzoi kryeministrin Edi Rama se ka diskriminuar veriun duke inverstuar në të gjitha qarqet më pak se 2/3 e asaj që është investuar me rras guri në sheshin ‘Skënderbej’.
“Diskriminim racist i Shkodrës dhe veriut nga Edi Rama. Nëse marrim investimet e dhëna për të gjithë zonën e Veriut ato përbëjnë më pak se 2/3 e ivestimeve për rrasa guri në sheshin ‘Skënderbej’. E kam denoncuar me dhjetëra herë. Voltana i ka qëndruar parimit të shpërndarjes së barabartë të të ardhurave si në Ana e Malit dhe Guri i Zi”, vlerësoi Berisha.
Lideri historik i PD tha se revolucioni i demokratëve është në sprovë të madhe, pasi qeveria ka angazhuar gjithçka për ta ndalur, në bashkëpunim me ish-kryetarin e PD.
Berisha akuzoi edhe Bashën se dekonspiroi operacionin e 4 shteteve për çështjen e ‘Toyota Yaris’, por shtoi se belgët do t’i shkojnë deri në fund hetimit.
“Revolucioni ynë është në provë të madhe sepse kundër tij për të ndaluar dallgën e tij, narko shteti ka mobilizuar të gjitha potencialet e tij, por si asnjëherë në 30 vite, ne na doli ish-kreu i partisë kallp, na doli siç i thotë populli arrë me vrimë, e prishur. Edi Rama e mori peng me dosje ku ishte kryekëput i inkriminuar. Secili prej jush nëse del në Tv dhe dekonpsiron një operacion policor kryen një vepër penale dhe dënohet. Operacioni policor që denoncoi Lul Brava ishte operacioni i 4 shteteve. Sa mori sa nuk mori nuk e di, por di atë që akuzën që i bëri prokuroria për dekonspirim të operacionit ia mbylli Edi Rama.
Por akuzën e Belgjikës nuk ia mbyll dot e Edi Rama dhe ata do t’i shkojnë deri në fund këtij problemi”, tha Berisha.
Ish-kryeministri ftoi demokratët që të bashkohen me koalicionin opozitar ‘Shtëpia e Lirisë’.
“Ftoj edhe ata pak banorë që të bashkohen me ne, të mos e identifikojnë veten me një njeri të të pabesë, të marrë peng, nuk iu lidh asgjë me atë, ata janë të lidhur me ju. Duhet ë jemi të të gjithë së bashku, nga ky proces do të dalim më të bashkuar se asnjëherë. Kemi betejë të madhe përpara. Ata kanë konfiskuar logon, e kanë rrëmbyer dhe ai nuk del vetë në shesh betejë se e di mirë se iu ia merrni fytyrën, por i le kandidatët me logon dhe përpiqet të mashtrojë që njerëzit të votojnë një logo e cila është e tëra në dispozicion të Edi Ramës dhe Lul Bravës. Ndaj ju ftoj që të qartësojmë çdo votues të Gurit të Zi, të Shkodrës, nga Shala e deri në Velipojë se logoja e opozitës së vërtetë, logoja e Bardh Spahisë është Shtëpia e Lirisë, vota e numrit dy për kandidatin tuaj”, theksoi Berisha. syri.net
Edi Rama ka komentuar vendimin e Prokurorisë së Posaçme për të nisur hetimet ndaj vëllait të kryeministrit Edi Rama, Olsi Rama për dosjen Xibraka. Me anë të një postimi në X, Rama thekson se me veprimin që bëri Bardhi, prokuroria duhet që të ndajë të vërtetën nga shpifja.
Ndërkohë që vetë disa hërë ka thënë se nuk ndërhyn dhe komenton në çështjet e drejtësisë dhe aq më pak të SPAK-ut, Rama i ka treguar sot se çfarë duhet që të bëjë prokuroria.
Sipas Ramës kjo ka vetëm 2 rrugë, ose Bardhi ka zbuluar një trafikant në rrethin e tij familjar dhe se i vëllai duhet të futet në burg, ose ndryshe Bardhit duhet që t’i vendosen në gojë proteza e ligjit.
Reagimi i plotë i Edi Ramës:
Llafet i merr era, ndërsa drejtësia vepron vetëm me ligje e me prova, prandaj tani pas llafeve të mëdha edhe një detaj i vogël mungon dhe pastaj jemi krejt në rregull!
Pra mungon konfirmimi në dëshminë ligjore para SPAK-ut nga vetë B-ja i vogël me gojën e madhe, se kur ka shkruar ‘Informacion’ në fakt kallzuesi i rremë nuk ka dashur t’ia hedhë me procedurë rrezikut që vjen nga marrja si i pandehur për kallzim të rremë, po thjesht ka pasur një moment lajthitje profesionale.
Në rast se plotësohet kjo mungesë domethënëse për fatin e të vërtetës, atëherë SPAK-u ka të gjithë mundësinë ta ndajë të vërtetën nga shpifja dhe viktimën nga fajtori. Pra o B-ja e vogël ka zbuluar një trafikant droge në rrethin tim të ngushtë familjar dhe trafikantit duhet t’i hiqet menjëherë liria, o gojës së madhe i duhet vënë proteza e ligjit! Ka vetëm një të vërtetë në këtë mes dhe s’ka asnjë rrugë të mesme.
Prokuroria e Vlorës kërkoi të mërkurën shpalljen fajtor dhe dënimin me 15 vite burg për ish komisarin e policisë Arjan Tase, i cili përplasi për vdekje me një mjet lundrimi me dy motorrë 7-vjeçaren Jonada Avdia, në gusht të vitit 2022, në bregdetin e Himarës.
E mitura, e ardhur nga Anglia, po lahej në det me babain e saj në plazhin e Potamit në Himarë kur u godit për vdekje nga gomonia që drejtonte komisari Arjan Tase, i cili në atë kohë mbante detyrën e shefit të rendit në Policinë e Elbasanit.
Prokuroria e Vlorës thotë përmes një njoftimi për shtyp se “nga analiza e akteve të administruara gjatë hetimit, analiza e vendit të ngjarjes dhe e pamjeve filmike, i pandehuri Arjan Tase provohet të ketë konsumuar elementët e veprës penale të ‘Vrasje me dashje’ në formën e dashjes indirekte”.
Prokuroria e Vlorës thotë në përfundimet e saj se “provohet se ditën e ngjarjes, i pandehuri Arjan Tase, ka qenë në drejtimin e një mjeti lundrues me dy motorrë”.
Sipas Prokurorisë “pasi Arjan Tase ka lënë disa persona në breg të detit, në momentin që është nisur për të dalë nga zona ku notonte shtetasi B.A. me vajzën e tij Jonada Avdia, mjeti ka marrë shumë shpejtësi duke shkuar në drejtim të tyre dhe në marrjen e kthesës motorrat e tij kanë kapur vajzën e mitur duke e prerë në të gjithë trupin”.
“E mitura Jonada Avdia ndërroi jetë në moment”, thotë Prokuroria.
Avokatët mbrojtës të Arjan Tases, kanë kërkuar kualifikimin e veprës penale si “Vrasje nga pakujdesia”.
Në dhjetor të vitit të shkuar Gjykata e Vlorës ndau gjykimin ndaj komisarit të policisë nga gjykimi i 8 punonjësve të tjerë të policisë së Himarës, të cilët akuzohen për shpërdorim detyre lidhur me këtë ngjarje.
Vrasja e 7-vjeçares shkaktoi dy vite më parë reagime të forta për sigurinë në plazhet shqiptare dhe një protestë qytetare, të cilat i detyruan autoritetet të rishikonin kuadrin ligjor dhe masat për rregullat e lundrimit në det dhe sigurinë e pushuesve në Shqipëri.
Ish-kryeministri Sali Berisha nëpërmjet një postimi në rrjetet sociale, akuzon zv/kryeministren dhe ministren e Infrastrukturës, Belinda Balluku se ka fshehur një aksident rrugor me pasojë vdekjen e një shtetasi. Nëpërmjet një mesazhi nga një qytet, thuhet se aksidenti ka ndodhur në aksin Fier-Vlorë dhe automjeti i ministres drejtohej nga një 18-vjeçar, djali i këshilltarit të Ballukut.
Postimi i plotë:
Dënoj me ashpersinë më të madhe këtë ndërhyrje kriminale të Ballukut për të fshehur një aksident rrugor me pasojë vdekjen e një personi.
Miq, ju ftoj të lexoni mesazhin e plotë të qytetarit digjital
Makina e ministrise se infrastruktures tipit tuareg, ne drejtimin e djalit 18 vjecar te keshilltarit te Ballukut, Florion Serjanit, ne shkelje te plote ka drejtuar mjetin dhe ka aksidentuar nje person ne aksin Fier Vlore duke shkaktuar vdekjen.
Ngjarja eshte mbajtur e fshehte dhe me nderhyrjen e ministres Balluku kjo ngjarje eshte mbyllur dhe fajtori eshte liruar.
Une kam disa pyetje ketu per Ballukun:
Cdonte makina e ministrise qe drejtohej nga djali i keshilltarit tuaj?
Me cfare te drejte keni fshehur ngjarjen ?
Cilat jane masat e marra nga ana juaj lidhur me ngjarjen?
A keni nderhyre drejtperdrejt apo terthorazi per te mbuluar skandalin e ministrise tuaj?
A keni nderhyre tek autoritetet per mbylljen e ngjarjes me pasoje vdekjen e nje personi ?
A keni konsumuar vepren penale te ushtrimit te ndikimit te paligjshem ?bw
Kryetari i Grupit Parlamentar të PD-së, Gazment Bardhi i është përgjigjur pyetjes së gazetarit të SYRI-t, Ermal Rizai në lidhje me kërkesat e opozitës për qeverinë për përshpejtimin e anëtarësimit të Shqipërisë, ku një prej tyre është edhe qeveria teknike.
Gjatë bashkëbisedimit me gazetarët, Bardhi ka theksuar se ‘qeveria teknike përpara zgjedhjeve ka qënë një kërkesë e vazhdueshme e PD-së sepse jo më opozita por raportet e OSBE/ODIHR flasin për keqpërdorim të burimeve shtetërore që kryehet nga qeveria, flasin për intimidim dhe presion të punonjësve të administratës publike dhe këtë e bën qeveria dhe flasin për përdorimin e fondeve publike për efekt të fushatës zgjedhore dhe favorizimin e partisë në pushtet’.
Rizai:Ju deklaroni se pengesë për përshpejtimin e anëtarësimit të Shqipërisë në rrugën europiane është keqqeverisja e zotit Rama. Duke parë këtë situatë dhe referuar deklaratave të zotit Rama dhe çfarë propozon ai, keni një propozim dhe a kërkoni një qeveri teknike edhe për të shkuar te këto reforma që çojnë Shqipërinë në BE?
Bardhi:Patjetër! Qeveria teknike përpara zgjedhjeve ka qënë një kërkesë e vazhdueshme e PD-së sepse jo më opozita por raportet e OSBE/ODIHR flasin për keqpërdorim të burimeve shtetërore që kryehet nga qeveria, flasin për intimidim dhe presion të punonjësve të administratës publike dhe këtë e bën qeveria dhe flasin për përdorimin e fondeve publike për efekt të fushatës zgjedhore dhe favorizimin e partisë në pushtet. E gjithë kjo situatë krijon mungesë barazie mes palëve në zgjedhje dhe e vetmja formë për ti krijuar barazi palëve në një proce zgjedhor do të ishte një qeveri teknike jashtë kontrollit të palëve të përfshira në proces zgjedhor.
Elia Zaharia zyrtarisht e divorcuar nga Princ Leka. Mësohet se Gjykata e Tiranës, më 25 prill ka vendosur të zgjidhë martesën mes Leka Zogut dhe aktores së njohur. Në vendimin e zbardhur të gjykatës, të siguruar nga BalkanWeb thuhet se çifti ka bazuar kërkesën për divorc tek tri arsye.
Konfliktet e vazhdueshme, mungesa e komunikimit dhe ndërprerja e bashkëjetesës duket se kanë qenë tri arsyet e forta të divorcit të çiftit. Arsye të cilat janë pranuar si nga aktorja Zaharia ashtu edhe nga Leka, duke hedhur përfundimisht poshtë aludimet se tradhtia ishte shkak. Gjithashtu në këtë vendim është përcaktuar se Elia nuk do e mbajë më mbiemrin Zogu, por do të rikthejë atë të vajzërisë, Zaharia. Kujtojmë se në mars të këtij viti, Princ Leka dhe Elia Zaharia u përfshin nga një ngjarje e pazakontë. Ata paditën njëri-tjetrin për dhunë. Situata mori përmasat e një ngjarje serioze kur u publikuan pamjet e dhunës brenda Pallatit Mbretëror. Princ Leka, Elia Zaharia dhe babai i kësaj të fundit Gjergj Zaharia shkuan deri në përplasje fizike.
Dy ditë pas ngjarjes, më 12 mars, Gjykata e Tiranës firmosi dy urdhërmbrojtje për Princ Lekën dhe Elia Zaharian, atëherë në proces divorci. Sipas urdhrit të mbrojtjes, çifti duhet të mbante distancë 5m nga njëri-tjetri. Gjykata nuk pajisi me urdhër mbrojtje babain e Elia Zaharisë, Gjergj Zaharinë, i cili u denoncua nga Princ Leka për dhunë. Gjithashtu, në urdhrin e Gjykatës së Tiranës saktësohej se Princi nuk duhet të qëndrojë në Pallatin e trashëguar, ndërkohë Elia nuk duhet të jetë në banesë në momentin që Leka do të takohet me vajzën e tij, trashëgimtaren e drejtpërdrejtë të Pallatit mbretëror, princeshë Geraldina. Ndërkohë, Princ Leka ka nisur një lidhje të re dashurie dhe bashkëjetesë me një fotografen Blerta Celibashi.
Konflikti i armatosur mes dy grupimeve simpatizantësh partiakë në Elbasanin e para zgjedhjeve të vitit 2021, ku mbeti i vrarë Pjerin Xhuvani, ka nisur nga pozicioni ku ishte viktima. Ndërsa Arbër Paplekaj, ish-efektivi i RENEA-s, i dënuar me 22 vjet burg nga Gjykata e Elbasanit për vrasjen, ka shquar persona të armatosur përballë para se të hapte zjarr. Këto ishin dy nga konkluzionet e grupit të ekspertëve, që rindërtuan skenën e krimit për llogari të gjykimit në Apel të Paplekajt.
Përfundimet e ekspertëve u prezantuan në seancën e së martës, pas gati 1 muaji kohë të dhënë nga gjykata për plotësimin e aktit të ekspertimit edhe me kqyrjen e pamjeve filmike të ngjarjes. Sipas ekspertëve, viktima Pjerin Xhuvani ka mbërritur në vendngjarje i shoqëruar nga disa persona.
“Nga analizimi i pamjeve filmike, thanë ekspertët, rezulton se dy grupimet janë shtyrë me njëri-tjetrin, ndërsa në vendngjarje kishte edhe efektivë të policisë”, thuhet sipas ekspertëve.
Për ekspertët konflikti i armatosur ka nisur në vendin ku ndodhej Xhuvani.
“Duke parë reagimin e të pandehurit, që tërhiqet pas në mënyrë instiktive, besojmë se ka identifikuar disa qitësa përballë”, thuhej në akt-ekspertim.
Ekspertë thanë se nga gëzhojat në vendngjarje dhe praninë e mbetjeve të barutit në veshjet e viktimës, por jo në duart e tij, tregon se Xhuvani nuk ka qenë i armatosur, por ka pasur në krah një qitës, jo më larg se një metër. Të pyetur nga i pandehuri Paplekaj, nëse viktima ka qenë statik apo në lëvizje në momentin kur është qëlluar, ekspertët thanë se në atë moment Xhuvani ka qenë në lëvizje në drejtim përpara.
Pasi administroi akt-ekspertimin Gjykata e Apeli mbylli shqyrtimin gjyqësor dhe ftoi palët në konkluzione përfundimtare për në seancën e 24 majit.sn
Përfaqësuesja e Aleancës për Mbrojtjen e Teatrit, Adriana Kalaja i ka bërë thirrje Policisë së Shtetit që të mos i shërbejnë përfaqësuesit të mafias Taulant Ballës.
‘Po i shërbeni përfaqësuesit të mafias Taulant Ballës, nuk i shërbeni ligjit nuk i shërbeni Kushtetutës. Tentativa juaj për ti qëndruar përballë qytetarëve të Tiranës, tentativa juaj për të mos respektuar ligjet e këtij vendi ju bën bashkëfajtor’, u shpreh Kalaja në protestën e zhvilluar para Bashkisë Tiranë, ku qytetarët kërkojnë largimin e kryebashkiakut Erion Veliaj.
Gjithashtu Kalaja ka njoftuar se protesta e radhës do të mbahet të martën e ardhshme në orën 11:00 para Bashkisë Tiranë, ku qytetarët do kërkojnë sërish largimin e kryebashkiakut Erion Veliaj.
Kalaja:Ju vini këtu sepse shumica prej jush janë patronazhist. Vini këtu sepse shumica prej jush keni hall se në fund të muajit a e merrni apo jo rrogën, a do ju heqin apo jo, sepse nuk e keni fituar me meritë vendin e punës po i shërbeni përfaqësuesit të mafias Taulant Ballës, nuk i shërbeni ligjit nuk i shërbeni Kushtetutës. Tentativa juaj për ti qëndruar përballë qytetarëve të Tiranës, tentativa juaj për të mos respektuar ligjet e këtij vendi ju bën bashkëfajtor ju bën të turpëroheni përpara vetës familjes dhe fëmijëve tuaj dhe mbi të gjitha përpara asaj uniforme.
Agjencia Kombëtare e Mbrojtjes Civile ka reaguar pas gjetjes të katër trupave të mbytur në lumin Buna, të Alma Arrazit dhe tre fëmijëve të saj.
Në një postim në rrjetet sociale, Agjencia Kombëtare e Mbrojtjes Civile, ka dhënë detaje në lidhje me operacionin, ndërkohë që i ka shprehur ngushëllimet familjarëve për tragjedinë.
Postimi i plotë:
Sot pas tre ditësh ka përfunduar operacioni i kërkimit të qytetarëve të mbytur në lumin Buna.
Nën drejtimin e Agjencisë Kombëtare të Mbrojtjes Civile, u angazhuan 96 forca operacionale dhe 13 automjete nga strukturat vendore dhe qendrore, përfshirë Forcat e Armatosura, Forcat Renea, Njësia e Sigurisë Publike, DVP Shkodër dhe DRKM, si dhe banorë të Administratës Dajç. njësi.
Drejtori i Qendrës Rajonale të Mbrojtjes për Veriun, z. Besnik Hysaj, ndoqi me kujdes operacionin në terren duke koordinuar strukturat referuar ligjit 45/2019 “Për Mbrojtjen Civile”.
Në këtë moment të dhimbshëm, i shprehim ngushëllimet tona më të thella familjes dhe të afërmve.bw
Në protestën para Bashkisë së Tiranës ka folur edhe shefi i organizimit në PD, Klevis Balliu.
Kjo është protesta e radhës e qytetarëve kundër korrupsionit që e ka përfshirë fund e krye këtë institucion dhe ka çuar në arrestimin e pesë drejtorëve, bashkëpunëtorë të ngushtë të kryebashkiakut socialist Erion Veliaj.
Klevis Balliu: Policia sot më shumë se kurrë duhej të ishte në krah të qytetarëve. Hajdutin e keni prapa jush. Këta këtu janë si ju. Ata të cilët po bëjnë foto, nuk ka nevojë të bëjnë foto, ne vijmë këtu deri sa të fitojë kjo kauzë.
Se nuk fshihet kush do që të vijë ketu, por fshihen ata që rrinë pas asaj dere, sepse u vjen turp, u vjen zor sepse kanë bërë krim dhe nuk dalin dot në shesh përballë qytetarëve dhe ju sjellin ju këtu që ju bën 500 euro kapelja dhe keni 450 euro rroga.
Ndërkohë ju kërkojnë që të përplaseni me qytetarët që këtë ta ruajnë milionat e eurove të veta.
Po sikur gjithë ky zell që tregon ky shtet ndaj qytetarëve, të tregohej ndaj krimit. Po sikur gjithë ky zell që tregohet kundër qytetarëve të tregohej ndaj hajdutëve.
Apo të ishim ne kriminelë në parlament, trafikantë në parlament, ne bashki, trafikantë në qeveri. Jo. Por ju detyrojnë të merreni gjithë ditën me qytetarët që të bëjnë qejf kriminelët, të bëjnë qejf banditët…. sn
Nga fjala e z. Dorjan Teliti në protestën e gjashtë qytetare para bashkisë së Tiranës.
“Një falënderim të gjithëve ju për këtë rezistencës, këtë protestë të gjashtë, para godinës që ka përdhosur interesat publike, që ka vjedhur paratë e taksapaguesve shqiptarëve.
Ashtu siç Erion Veliaj, kryefiku, lepuri në krye të bashkisë së Tiranës, ka prishur Teatrin dhe dhjetëra e dhjetëra pallate të tjera duke i shkërrmoqur ato, ashtu dhe sot, falë rezistencës tuaj, të shkërrmoqim kryeshtetin e kryebashkiakut në krye të bashkisë më të korruptuar, në krye të bashkisë 100% të vjedhur dhe ne sot po ia dalim.
Jemi afër arritjes së objektivit tonë madhor, dorëheqjen përfundimtare të Erion Velisë dhe më pas, dorëheqjen edhe të kryeministrit të Shqipërisë. Është rezistenca juaj që sot bëri të mundur që Edi Rama të bëjë disa hapa pas. Ai që para disa javëve i jepte mbështetjen e pakushtëzuar Erion Velisë, sot u distancua nga ai. Foli për hajdutë – Edi Rama, foli për abuzues ligji, foli për grupe të struktura, foli për drejtorë dhe kryebashkiakë. Kjo u arrit vetëm në sajë të qëndresës suaj dhe të forcës suaj protestuese.” sn
Presidenti i Republikës së Shqipërisë, Bajram Begaj u prit sot në një audiencë të veçantë në Selinë e Shenjtë në Vatikan nga Shenjtëria e tij, Papa Françesku.
Kjo është hera e dytë që Presidenti Begaj pritet nga Ati i Shenjtë, pas vizitës së parë që zhvilloi në Vatikan në dhjetor të vitit 2022.
Kreu i shtetit falënderoi përzemërisht Papa Françeskun për këtë pritje duke i shprehur atij urime të sinqerta për angazhimin e fuqishëm në përhapjen e paqes përmes mesazheve të drejtpërdrejta për t’i dhënë fund luftërave sidomos në zonat e e nxehta të konfliktit; Ukrainë e në Lindjen e Mesme.
Presidenti i Republikës konfirmoi qëndrimin e Shqipërisë në krah të aleatëve perëndimorë për zgjidhjen përmes dialogut, si i vetmja garanci për stabilitet dhe zhvillim të qëndrueshëm në rajonin e Ballkanit dhe me gjerë.
Presidenti Begaj i dhuroi Atit të Shenjtë një pikturë të Kishës së Kuvendit të Rubikut, një ikonë e krishtërimit shqiptar dhe një ndër kishat më të vjetra në Ballkan.bw
Komentet