Në kryeqytetin e Kosovës janë takuar sonte në një kafe 16 vajza me emrin Saranda. Vajzave të quajtura sipas qytetit bregdetar më jugor të Shqipërisë në ditët në vijim do t’u shtohen edhe 24 të tjera, për t’u bërë 40, raportonte rrjeti vendas Express.

Në mesin e tyre është edhe deputetja Saranda Bogujevci.

Sarandat po planifikojnë të zgjerojnë iniciativën duke takuar të tjera vajza me një nga emrat më të përdorur në Kosovë, dhe shpejt pritet të arrin në 40 të tilla.

“Krejt vajzat ne foto e kane emrin Sarande 🙂 Cheers per Sarandat :P”, ka shkruar në Facebook, gazetarja Saranda Ramaj, e cila ka publikuar edhe foton.