DailyMail e ka komentuar ngjarjen si ngjarje shumë zbavitëse, të cilën një televizion në Kosovë e ka publikuar.

Ata duket se ia kanë huqur keq me shkrimin e lajmit e sidomos me partinë e Zekës. Ata kanë shkruar se Milaim Zeka është anëtar i partisë kryesore në Kosovë, Partisë Demokratike, e që në fakt ai është pjesë e Nismës për Kosovën, por që si parti kanë garuar së bashku në zgjedhjet parlamentare në Kosovë (PDK-AAK-NISMA). Nuk kanë munguar as komentet e lexuesve të këtij portali. Këto janë komentet e përzgjedhura. Njëri prej lexuesve është tallur duke e quajtur këmishën e Frashër Krasniqit si ‘krim në vete’.

Ben nga Holanda ka shkruar: Një popull i tërë ka votuar për këta fëmijë të rritur?

Realfacts, nga Tailanda ka shkruar: Nëse Trump mund ta kishte goditur kështu Hillarin. Kjo do të ishte epike.

Klb, nga Mbretëria e Bashkuar ka shkruar: Çift patetik i idiotëve. Duhet ta kenë bërë vendin e tyre shumë krenar që i kanë këta.

Dallas100, nga Mbretëria e Bashkuar ka shkruar: Persekutojeni këtë politikanin me këmishë ngjyrë rozë. Ai e nisi i pari gjithë këtë. Po ashtu, shqyrtojeni mundësinë për ta çuar në burg sepse ky është një shembull jashtëzakonisht i keq për elektoratin e Kosovës dhe vetë këta si politikanë. Si mundet një politikan të kontribuojë në vendosjen e ligjeve brenda një vendi kur ai vetë nuk u përmbahet. Prandaj, ai meriton dënim më të ashpër sesa një njeri i zakonshëm.

JamesN55, Mbretëria e Bashkuar: Ai me këmishën ngjyrë rozë duhet të futet në burg për sulm. Ai e filloi atë. E David Snderson ia kthen me replikë: Kjo këmisha e tij është krim në vete.

Bill_m, nga Shtetet e Bashkuara ka shkruar: Kam menduar se kjo është e zakonshme vetëm në Japoni, Kore dhe Tajvan!

Passajuba, nga Jemeni ka shkruar: Kjo është gjëja më e mirë që ata kanë mundur të bëjnë për të treguar paaftësinë e tyre. /gazetablic/