Drejtuesi i ‘Shqipëria Bëhet’, Adriatik Lapaj ka përfunduar në spital pas një incidenti të ndodhur gjatë natës para Kryeministrisë, ku ai dhe mbështetës të tjerë po protestojnë prej disa ditësh.

Nga spitali i Traumës ku po merr mjekim, Lapaj ka rrëfyer dinamikën e ngjarjes për SYRI-n në një lidhje për Kafe Shqeto me Flavio Qarrin, duke pretenduar se gjithçka nisi pas një ndërhyrjeje të befasishme të policisë.

Sipas rrëfimit të tij, rreth orës 12:30 të mesnatës, rreth 50-60 punonjës policie janë afruar në vendin ku po qëndronin protestuesit dhe kanë tërhequr mbulesën plastike që ata përdornin për t’u mbrojtur nga i ftohti. Ky veprim, sipas Lapajt, ka shkaktuar një efekt zinxhir, duke rrëzuar disa nga ngrohëset me gaz që ndodheshin aty. Njëra prej tyre e ka goditur aktivistin në kokë, duke i shkaktuar lëndime që kërkuan transportimin e tij në spital.

“Thjesht isha duke filmuar çfarë po ndodhte për të dokumentuar. Ranë dy ngrohëset e para, ndërsa e treta më goditi mua,” shpjegoi Lapaj.

Folësi 1: i shtruar, fillimisht për të kuptuar gjendjen e tij shëndetësore. Adriatik, mirëmëngjes. Ta kalojmë këtë procedurën e urimit për vitin e mbarë. Nuk e di nëse ke filluar mbarë apo me shëndet siç parashikon urimi.

Intervista në studio:

Lapaj: Mirëmëngjes.

Qarri: Si je?

Lapaj: Unë mirë jam, mirë.

Qarri: Tani, do të doja sigurisht detaje. Ka pasur spekulime për atë që ka ndodhur gjatë natës.

Lapaj: Po ne, pas asaj që ndodhi gjatë ditës, rindërtuam atë vendin për të ndenjur aty si çdo natë. Dhe nga ora 12:00, 12 e gjysëm, kush e pa domethënë, në mënyrë të befasishme u paraqitën rreth 50-60 punonjës policie, të cilët tërhoqën atë plasmasin që kishim mbuluar ne për t’u ruajtur nga i ftohti dhe ato pastaj shkaktuan një rënie zinxhir të këtyre ngrohëseve. Janë ca ngrohëse si kërpudha të gjata. Dhe thjesht isha duke filmuar çfarë po ndodhte për të dokumentuar atë që po ndodhte, se çfarë do bëja unë me 50-60 policë.

Qarri: Sigurisht.

Lapaj: Dhe në atë moment një nga ngrohëset, ngrohësja e tretë, ranë dy të parat, e treta më goditi mua pastaj dhe pastaj procedura e mjekëve e gjërave.

Qarri: Po ku je goditur, Adriatik?

Lapaj: Po, më zuri këtu në kokë edhe në pjesën e sipërme, se ra ajo pjesa e kërpudhës, pjesa e sipërme, ajo e shtyu.

Qarri: E kuptoj. Po ndërkohë që po flasim në këto momente, te Kryeministria ndodhen mbështetësit e tu? Vazhdon…

Lapaj: Ata pasi ambulanca ka marrë mua, shoqëruan prapë në polici dy prej atyre që ishin aty, dy qytetarë të mirë. Ata që u shoqëruan ishin njerëz me shtetësi gjermane, një me shtetësi italiane, se janë emigrantë dy nga ata. Okej. Ndërkohë për pjesën tjetër ata i vodhën prapë, ato të gjitha, i morën dhe i kanë marrë, nuk ka njeri atje sa kohë të dal unë këtej. Domethënë, këtu po bëjnë procedurat, më bën skanerin, më bën këto, domethënë spitali janë sjellë krejt korrekt. Po edhe atë do kishim mangut që të mos kishte korrektësi…

Jo, doktorët janë sjellë krejt korrekt edhe te Trauma. Sa të dal, të mbyllen procedurat këtu. Bëjnë ato procedurat e veta, kontrollet. Se të thuash unë të hyj në detaje se duket sikur po qajmë, nuk ka lidhje. Unë i kam hyrë kësaj rruge se…

Qarri: Jo, jo. Tani, Adriatik, ti je person publik në një protestë publike ku ka ndodhur një incident i cili ka sjellë pasojë shtrimin tënd te Ushtaraku. Sigurisht që na duhen detaje të asaj natyre pa dhunuar patjetër privatësinë tënde të…

Lapaj: Ka pasur një goditje e cila më shkaktoi një gjendje jo të mirë, po është vënë gjë nën kontroll tashmë edhe mjekët janë sjellë mirë, kjo është ideja. Do të dal, do kthehem atje ku isha prapë.

Qarri: E kuptoj, pra do të vazhdojë protesta, qëndresa jote aty?

Lapaj: Po, po. Do kthehem atje ku isha unë. Ata i kanë marrë të gjitha, do marr një karrige, prapë atje do vete.

Qarri: E kuptoj. Të rikthehemi pak tek 12 orë më përpara, mesnatës, kur u zhvillua protesta e thirrur nga ana juaj, zoti Lapaj. Një koment dhe përshkrim për atë protestë ku gjithashtu pati përplasje jo pak të lehta me policinë.

Lapaj: Ne nuk kemi shkelur asnjë ligj të Republikës. Çdo gjë ka qenë me leje, me njoftim. Për shkak të kohës së keqe që ka qenë këto ditë dhe që parashikohet prapë të jetë, por dhe për shkak të estetikës, sepse unë e kam shumë bezdi atë plasmasin me thënë të drejtën, sepse në fund të ditës dua të jetë në raport dhe me qytetin estetikisht korrekt ajo që bëjmë. Vendosëm dy çadra për të bërë protestën tonë të ligjshme, të drejtë. Në një bulevard që ju e dini që është bllokuar nga ai që është sot në pushtet me javë të tëra, me…