Një vajzë 11-vjeçare ndodhet në gjendje kritike pasi u plagos rëndë gjatë një sulmi me raketa të ndërmarrë nga Irani ndaj Izraelit. Sipas burimeve mjekësore, fëmija është ende e vetëdijshme, por ka pësuar lëndime serioze nga shrapnelat, duke bërë të nevojshëm transferimin urgjent në një qendër të specializuar mjekësore.

Fillimisht ajo u dërgua në Qendrën Mjekësore Sheba, ku mjekët po luftojnë për t’i shpëtuar jetën. Ndërkohë, babai i saj, i cili gjithashtu mbeti i plagosur në të njëjtin sulm, ndodhet jashtë rrezikut për jetën dhe në gjendje më të stabilizuar.

Shërbimi i emergjencës në Izrael konfirmoi se të paktën 14 persona u plagosën nga sulmet e mëngjesit, mes tyre një grua 36-vjeçare dhe një djalë 13-vjeçar. Mediat izraelite raportojnë gjithashtu se gjashtë fëmijë të tjerë po i nënshtrohen ekzaminimeve mjekësore për të vlerësuar gjendjen e tyre shëndetësore pas sulmit. Autoritetet vijojnë të monitorojnë situatën, ndërsa tensionet në rajon mbeten të larta.bw