Dështim edhe pas përpjekjes së 34-të në Kuvendin e Kosovës! Të zgjedhurit e 9 shkurtit 2025 nga përfaqësues të popullit u shndërruan në pengmbajtës dhe bllokues të institucionit më të lartë ligvënës në vendin tonë!

Gjarpinjtë paralajmërim kobëzi për Kosovën

Numri enorm i gjarpinjve nuk ka qenë asnjëherë më i madh në fushat dhe malet e Kosovës, të përhapur edhe në lagje të ndryshme të qyteteve tona!

Shoqëruesit më të shpeshtë dhe të përditshëm të popullatës së pakët të mbetur në zonat rurale janë gjarpinjtë (bollat), këta zvarranik sa shqetësues po aq edhe të rrezikshëm për jetën e qytetarëve!

Pas seancës së fundit të Kuvendit të Kosovës, sikur m’u kujtua rastësisht romani “Gjarpinjtë e Gjakut” të simbolit të qëndresës popullore kundër pushtuesve serbë, Adem Demaçit!

Për dallim nga ‘Gjarpinjtë e Gjakut’ të Demaçit që simbolizonin pushtuesit serbë që ushqeheshin me gjakun e shqiptarëve, deputetët servil dhe morbid të Kuvendit të Kosovës me bllokadën politike në konstituimin e Kuvendit të Kosovës janë kthyer në ‘gjarpinjë’ që thithin gjakun e popullatës së varfër të këtij vendi, përkatësisht të buxhetit të shtetit duke shkuar në seanca vetëm sa për të siguruar meditjet dhe pagat e majme me 2-3 minuta prezencë pasive në tempullin e demokracisë!

Kjo përveqse papërgjegjësi e deputetëve dhe kryeneqësi e liderëve partiak, paraqet vetëshkatërrim të institucioneve shtetërore!

Kjo situatë e jashtëzakonshme e krijuar në Kuvendin e Kosovës duhet të pasohet me veprime të jashtëzakonshme, për t’iu rikujtuar liderëve partiakë dhe deputetëve, se ky vend ka Zot dhe ka nevojë për deputet atdhetar dhe të përgjegjshëm që mbrojnë buxhetin e shtetit e jo karrigët e tyre në dëm të qytetarëve!

Meqë karrshi kësaj bllokade të palogjikshme dhe abnormale po hesht Presidentja dhe Gjykata Kushtetuese, po hesht edhe shoqëria civile me pengimin e hyrjes së deputetëve në Kuvend!

Andaj, dikush duhet të përkujdeset me sjelljen e 120 Gjarpinjve në Sallën e Kuvendit, për t’ua pamundësuar qëndrimin në Kuvend të deputetëve servil të liderëve partiakë.

Gjarpinjtë për më tepër se dukuri shqetësuese për popullatën, mund të jetë një paralajmërim kobëzi për të ardhmen e Kosovës, e cila ka mbetur jetime pa institucione dhe pa mbështetje ndërkombëtare!