Zonjës Evis Sala!

Znj. Ministre, në pavionin e Anatomi Patologjisë në Qsut (vendi ku bëhen biopsitë për personat që dyshohen me kancer) pacientët kalojnë stres, ankth e nuk marrin në kohë përgjigjet. Përgjigjet dalin, por nuk hidhen në sistem, dhe pacientët përballen me faktin dhe dëmin e mosnisjes së trajtimeve të tyre.

Konkretisht një zonjë, ka rreth 2 javë që pret përgjigjen. Përgjigjia ka dalë, por nuk hidhet në sistem. Zonja nuk nis dot mjekimin, për pasojë, dhe po humbet ditë të rëndësishme. Tani njerëzit në pikë të hallit tentojnë t’i gjejnë “mik” dhe të bëjnë gati edhe kafe.

Të tjerë nuk kanë as mik e as kafe, këtyre u shkojnë vonesat edhe një muaj.

Dhe përgjegjëse për këtë është Shefja e Anatomi-Patologjisë, Majlinda Ikonomi. Njeri me krahë të ngrohta, e me pushtet shumë. Njeriu që nuk pyet për asnjë, që shkel çdo kënd, sepse miqësia e saj me ish-ministra, jep garanci se çdo gjë të bën, është pa pasoja.

Znj. Ikonomi çon pacientë nga Spitali Onkologjik, drejt klinikës LDM. (klinikë private).

Znj. Ikonomi çon pacientë edhe nëpër klinika të tjera private.

Znj. Ikonomi bashkëpunon me mjekë të sistemit publik në rrethe. E ata biopsitë në vend t’i nision në Laboratorin e Anatomi-Patologjisë, i nisin drejt laboratorit LDM, duke marrë para nën dorë.

Znj. Ministre, nëse jeni në nivelin që pretendoni, ngrini grup auditimi të pavarur, dhe shihni çfarë është bërë ndaj pacientëve me kancer, të cilët kanë humbur kohë të vyer, me vonesat e pajustifikuara të përgjigjeve të biopsive.

Bëjeni auditimin. Ndërsa unë këto që them, i kam me dokumenta. Çdo kush u bën keq pacientëve, më ka mua përballë.

Dhe ju znj. Ministre, do të jeni përgjegjëse, nëse nuk ndërhyni. (Të paktën mësoni të vërtetën)

A janë të vërteta çfarë them unë, apo gënjeshtra!