Tërheqja e shortit do të bëhet nga ora 11:00, thuhet në njoftimin për media nga KQZ-ja

Fushata zgjedhore nis më 13 shtator 2025 dhe zgjat deri më 12 tetor 2025, në orën 06:59

Regjistrimi i votuesve jashtë Kosovës për votim me postë, i hapur më 23 korrik, ka përfunduar më 29 gusht 2025. Periudha për votim me postë nis më 17 shtator dhe përfundon më 11 tetor 2025.

Ndryshe në mbledhjen e 54-të të mbajtur të mërkurën KQZ vendosi për decertifikimin e 9 kandidatëve nga subjekte të ndryshme politike: një nga “Prishtina në dorën tënde”, një nga Partia Demokratike e Kosovës, një nga Lëvizja për Bashkimin e Shqiptarëve, dy nga Partia Liberale Egjiptiane dhe katër nga Alternativa. Këta kandidatë ishin certifikuar më herët për pjesëmarrje në zgjedhje.

KQZ miratoi edhe rekomandimin e Komisionit për Kundërshtim Administrativ, që kishte shqyrtuar 275 ankesa të aplikuesve të refuzuar për regjistrim si votues jashtë Kosovës.

Nga këto: 174 ankesa janë refuzuar për shkak të mosrespektimit të procedurës, 77 ankesa janë aprovuar pas kompletimit të dokumenteve, 24 shtetas janë rikthyer në Listën Votuese brenda Kosovës, me kërkesën e tyre për anulimin e regjistrimit për votim jashtë vendit. /Telegrafi/