Presidenti amerikan Donald Trump e inkurajoi privatisht Ukrainën të shtonte sulmet e thella në territorin rus dhe e pyeti Volodymyr Zelenskyn nëse ai mund ta godiste Moskën nëse SHBA-të do të siguronin armë me rreze të gjatë veprimi, raporton Financial Times.

Gazeta, duke cituar dy persona të njohur me bisedën midis Trump dhe Zelenskyy, tha se presidenti amerikan sinjalizoi mbështetjen e tij për idenë e rritjes së sulmeve të Ukrainës ndaj Rusisë.

“Volodymir, a mund ta godasësh Moskën? A mund ta godasësh edhe Shën Petersburgun?”, pyeti Trump gjatë telefonatës, sipas burimeve.

Zelenskyy u përgjigj: “Absolutisht. Mundemi nëse na jepni armët.”

Biseda u zhvillua më 4 korrik dhe erdhi një ditë pas telefonatës së Trump me Putinin një ditë më parë, të cilën presidenti amerikan e përshkroi si “të keqe”.

Trump ka njoftuar armë të reja për Ukrainën dhe ka kërcënuar me sanksione ndaj blerësve të eksporteve ruse, nëse Rusia nuk bie dakord për një marrëveshje paqeje. bw