Pirro Mosi e ka ëndërruar skenën e Teatrit Kombëtar, si Moisiu tokën e premtuar. Ka mundur vetëm ta shohë nga larg (si Moisiu tokën e premtuar). I qe mohuar 64 vite më parë dhe sot kur më në fund ka mbërritur në atdhe, përlotet kur gjendet para godinës.
Ka shumë mënyra për të prezantuar këtë burrë, nipi i Hilë Mosit, fotografi i zbulimeve arkeologjike të Dhimosten Budinës, nxënësi i Gjergj Fishtës, dhuruesi i arkivit të tij personal fotografik Muzeut Kombëtar ‘Marubi’, ish-aktor e ish-regjisor, dashnor i teatrit, njeri i lirë. Ai është të gjitha këto dhe është një burrë që vjen nga Amerika për të mbrojtur Teatrin Kombëtar, tokën e tij të premtuar e të mohuar, prej vitit 1955. Ai është një njeri i lirë, që ecën drejt në këmbë me shikimin drejtuar nga e ardhmja e gjërave në të cilat beson. (Shpesh nuk ka rëndësi nëse ne do jemi ende, kur pema që mbjellim jep frytet e veta). Ndonëse nuk mund të ishte aktori që pat menduar, ndonëse nuk mundi të recitonte autorët që deshte, ai nuk do kurrsesi që teatri të shembet, sepse e di se ëndrrat mund të jetojnë më gjatë se ne. Ai e di se gjërat e mëdha bëhen nga dashuria.
Është 92 vjeç. Ka veshur një bluzë të bardhë e mbi të një këmishë me kuadrate. Flokët i ka të bardhë e sytë e ujët. Ka mirësinë e një gjyshi, fjalën e urtë të një ati, ka kujtesën e një shekulli dhe mendjen e kthjellët të një burri të pjekur.
Nuk flet me mllef, por ndjen dhembje e mall na frazat e zgjedhura për të treguar kush është ai dhe cila ka qenë jeta e tij. I vjen turp kur i përmendin punët e mira, por e thotë atë që beson me zë të plotë.
“E kam ndier për detyrë të vij, po s’kisha mundësi se isha në Amerikë. Edhe historia e familjes, edhe tradita më nxisnin që të vija në mbrojtje të këtij tempulli të kulturës shqiptare. Familja ime ka dhënë në këtë teatër një kontribut modest”, thotë ai. Përmend përkthime të Shilerit, Gëted dhe Goldoniy. I lindur në Shkodër, si nipi i Hilë Mosit, jeta e tij pati disa ndalesa nëpër Shqipëri. “Kur erdhi babai nga shkollimi jashtë, u emërua për montimin e centraleve post-telegrafike. E çuan në Elbasan. Atje u bë anëtar i grupit teatral ‘Skampa’”, kujton Pirro Mosi.
Hesht një hop dhe sheh dy teatrot. Jemi ulur në oborrin mes Kombëtarit e Eksperimentalit. Sheshi përfshihet në një korridor ajror që e bën të freskët edhe në zheg. “Ky vend është vënë në shënjestër nga njerëz të pangopur. Të mbrosh këtë teatër është të mbrosh historinë e kombit. Edhe aktorët që punonin dikur këtu, si unë e ime shoqe kishin halle. Hallet, siç thoshte Stanislavski, i varnin me xhaketat në garderobë dhe interpretonin në skenë si u kishte hije. Shumë nga aktorët që e ‘themeluan’ teatrin nuk qenë zengjinë, as vinin nga akademitë e mëdha, por kishin vullnet”, pëshpërit Mosi.
Kujton rininë e tij në këtë teatër. Vitet e ëndrrave e shpresave. Vitet kur besoje se çdo gjë që e mundur, thjesht që koha të vërtetonte të kundërtën.
“Kam pasur fat që kam ardhur dy herë në këtë skenë. Një herë me një dramatazim të romanit ‘Si u kalit çeliku’ dhe herën tjetër me një pjesë të martirit Xhemal Broja, që erdh nga Italia për të marrë pjesë në luftë e përfundoi në kanalet e Lushnjës. Në këtë teatër njoha gëzimet e dhimbjet e mia. Kur përgatisnim për të vënë në skenë një pjesë vinim për të punuar vonë, pas në orës 22:00 të mbrëmjes. Ishte shumë ftohtë. Ime shoqe u ftoh dhe kaloi 4 vite në sanatorium”, kujton ai nga vitet 1950. Kujton që në skenën e Teatrit Kombëtar ka jetuar edhe çaste të gëzuara. Ka parë pjesë si “Toka Jonë”, “Prefekti”, “Halili dhe Hajria”, ka parë edhe të birin që luante në komedinë “Njeriu që pa vdekjen me sy”.
Pse vjen në mbrojtje të teatrit një 92-vjeçar nga përtej oqeanit? Një 92-vjeçar pa ndonjë interes personal, politik, projektesh, miqësish, synimesh, përfitimesh; pse vjen pra ky burrë që nuk i intereson asgjë materiale e kësaj bote, ky burrë që nuk përdoret lehtë, e as nuk manipulohet lehtë? Ky burrë që as nuk blihet, as nuk shitet, që nuk njeh as parti, as vullnete partiake; pse vjen ky burrë që di vetëm të dojë?
“Organikisht jam i lidhur më këtë skenë. Nuk dua të mbroj diçka të padrejtë, por ky është mision i shenjtë i yni dhe i atyre që s’mund të vijnë. Të mbrosh teatrin sot është të mbrosh kulturën nga antikultura, të mbrosh dinjitetin e këtyre artistëve”, – thotë Pirro Mosi, një shembull si ishte një rilindas – nga ata që dhurojnë pasuritë personale për kombin dhe jo inversi i ditëve tona.
Qesh dhe thotë se kur u ndërrua sistemi, shitësit e dyqaneve privatizuan vendet e tyre të punës. “Po sikur, shton pyetjen Mosi, – të ndodhte që vendin e punës këtu ta privatizonin edhe artistët? E të ndërtonin kioska? Çdo bëhej me teatrin? Ndaj edhe sot duhet këmbëngulur që kjo është vepra e të gjithëve, e artistëve dhe spektatorëve”.
NGA SKENA NË ÇAK
Pirro Mosi njihet si fotograf. Kur vendosi t’i dhuronte “Marubit” arkivin e tij personal të fotografive, për të respektuar dhurimin, në ‘Marub’ për të u bë një ceremoni. Kujton se aparati fotografik është trashëgimi nga babai. “E solli kur erdhi nga jashtë. Në fillim nuk e doja, se doja teatrin. Por kur më hoqën nga teatri, bëra çmos të mbetesha disi tek arti dhe mora aparatin. Kam rendur dhe jam futur në baltë kur projektohej bonifikimi. Kam marrë kazmën e parë në hidrocentralin e Bistricës. Me Javer Malon jam futur në tunelin e Bistricës, ku uji sa shtohej dhe na u duk se po mbyteshin”.
E pyes pse e hoqën nga skena, ç’mund ta ndante një aktor e regjisori nga teatri? Qe partia, mësoj pas pak. Vetëm partia i ndan artistët nga skena. Dikur, partia mësoi se Pirro kishte një vëlla të pushkatuar dhe këtu, partia s’të falte. Sepse partia kishte mbi të gjitha ‘imazhin’ (e rremë) dhe njollat e bënin pis.
“Kur ishim të rinj, ne të tre vëllezërit iu bashkuam lëvizjes antifashiste për të luftuar fashizmin. Iu bashkuam partizanëve dhe Partisë Komuniste. Jo se ishim komunistë, por se ata thirrën të parët për rezistencë dhe ne vamë. Vamë në luftë. Dy nga tre vëllezërit e lamë luftën, i treti vazhdoi dhe shkoi deri kryetar i këshillit të të rinjve”.
Sytë i mbushen me lot kur kujton. Kanë kaluar më se 75 vjet nga lufta. Kanë kaluar më se 75 vjet nga hera e fundit që pa të vëllanë.
“Një ditë, nuk e di se si e nuk di se kujt, vëllai im kishte thënë që Partia Komuniste drejtohej nga Dushan Mugosha dhe Miladin Popoviçi. E vranë”. Partia nuk ia kish falur të vërtetën, as kur vite më vonë u dënuan grupe armiqësore pikërisht për raportet me jugosllavët, Mosi i vrarë maleve nuk u fal.
E pyes nëse ia kanë gjetur eshtrat. Mohon me kokë dhe sytë i bëhen të ujtë. I them se tashmë kanë nisur kërkimet për të pagjeturit falë një marrëveshjeje mes Autoriteti të Dosjeve dhe Komisionin Ndërkombëtar të të Zhdukurve dhe se para se të kthehet në SHBA duhet të lërë një kampion ADN për ta kërkuar.
Pirro Mosi psherëtin. Kanë kaluar mëse 75 vjet nga koha kur e humbi të vëllanë dhe pothuaj ndjehem keq që po i kujtoj kohë të trishta. “Ç’të kërkoj moj çupë? Ata e pushkatuan. E zhveshën dhe e lanë me të linjta në mes të malit pa e varrosur. Kushedi ç’është bërë me trupin e tij”.
Nuk e pyes dot nga i di këto të dhëna. Pas ndoca çastesh heshtjeje më thotë se vendi ynë ka qenë gjithnjë i pushtuar nga barbarë dhe arkeologjia zbulon gjithnjë e më shumë prej historisë se ç’na bënë ne barbarët. “Por komunistët ishin më barbarët nga të gjithë. Ata ishin më barbarët”.
Fjalët e tij të fundit janë një farë testamenti. Janë si 10 urdhëresat e Moisiut. Në gjithë bisedën e tij në një stol në të vjetër në sheshin e teatrin, 92-vjeçari na ka mësuar të nderojmë prindin (emrin e familjes dhe trashëgiminë), të mos vjedhim(as pronë, as truall, as nder), të mos bëjmë dëshmi të rreme(me mbrojt të pamborjtshmen), mos me lakmo gjënë e tjetrit(as truall as pasuri); ka vetëm një Perëndi në atë shesh – e ai është teatri./GSH.al
Kreu i PD-së, Sali Berisha në një dalje për mediat përsëriti thirrjen e tij për Adriatik Lapajn dhe partitë e tjera opozitare që t’i bashkohen protestës së opozitës, kundër kësaj qeverie.
“Nuk matet gjëja me numra. Mësimi i historisë së Shqipërisë ka vlerë botërore. Pakicat që kanë fituar kundër stërshumicave nuk gjen kund tjetër. Ne dalim aty me guximin e shqiptarit, me idealet më fisnike të njeriut, për të larguar këtë njeri që mori licencën nga Gjykata Kushtetuese. Licencën mund t’ia japë gjykata, por jo jetëgjatësinë populli.”, pohoi ai.
Ai tha se Rama, pavarësisht se mori licencë për vjedhjet nga Kushtetuesja, populli nuk do ta falë.
“Lapaj ka pasur dhe do të ketë mbështetjen time për sa kohë gjendet në protestë. Kushdo që proteston kundër qeveri, ka mbështetjen time. Ftesa ime për Lapaj dhe partitë opozitare është që të bashkohemi kundër kësaj të keqe të madhe. Kryetari i një partie ka planet e veta.”, tha ai. bw
Altin Dumani i dorëzoi sot zyrtarisht detyrën kreut të ri të Prokurorisë së Posaçme Antikorrupsion (SPAK), Klodian Braho.
Në një fjalim shkurt, Dumani tha se sot mbyll një nga kapitujt më sfidues në karrierën e tij profesionale. Ai u shpreh se gjatë detyrës së tij është ndeshur edhe me presione, por theksoi se ka punuar me profesionalizëm dhe përgjegjshmëri.
“Sot mbyllet një kapitull që ka qenë ndër më sfiduesit në karrierën time 26 vjeçare si prokuror. Drejtimi i SPAK ka qenë privilegj, por edhe përgjegjësi e jashtëzakonshme. Në rrugën tonë jemi ndeshur me vendime të vështira, sfida institucionale dhe presion të mëdha.
Në çdo hap kemi punuar me integritet, profesionalizëm dhe vendosmëri. Sot SPAK është më i konsoliduar dhe më i besueshëm se më parë.
Këto arritje janë rezultat i punës së palodhur të të gjithëve. Çdo punonjësi që ka kontribuar me ndershmëri dhe kurajo”, deklaroi Altin Dumani.
Një falënderim kishte edhe për partnerët ndërkombëtarë: “Kanë qenë krah nesh në cdo etapë me mbështetje dhe ekspertizë të pakushtëzuar. Kontributi i tyre ka qenë i çmuar, për forcimin e kapaciteteve institucionale dhe për të ndërtimin e standardeve që kemi sot.
Besimi i publikut -tha Dumani- ka qenë forca jonë më e madhe.
Dumani i uroi Brahos suksese në punën e tij, duke shprehur bindjen “se do të mbështetet në trashëgimin 6 vjeçare duke e çuar përpara misionin e SPAK me integritet dhe vendosmëri”.
Presidentja e Kosovës, Vjosa Osmani me zëvendëssekretarin amerikan të Shtetit, Christopher Landau gjatë takimit të tyre në korrik të vitit 2025.
Radio Evropa e Lirë
Presidentja e Kosovës, Vjosa Osmani takon të hënën në Uashington zëvendëssekretarin amerikan të Shtetit, Christopher Landau, ka bërë të ditur Departamenti amerikan i Shtetit përmes një njoftimi zyrtar.
Aty nuk janë dhënë më shumë hollësi se cilat do të jenë temat e diskutimit në takimin që zhvillohet pasdite, me orën lokale të Kosovës.
Presidentja Osmani është takuar me zëvendëssekretarin Landau edhe në korrik të këtij viti, kur dy palët i kanë diskutuar fushat potenciale për bashkëpunimin ekonomik mes dy vendeve në të ardhmen.
Ajo pati përmendur se dy vendet mund të përfitojnë nga bashkëpunimi në sektorin e energjisë, teknologjisë informative dhe atë të mbrojtjes.
Marrëdhëniet mes Kosovës dhe SHBA-së e kanë përjetuar një goditje më herët gjatë vitit për shkak të vendimit të Uashingtonit për të pezulluar për kohë të pacaktuar dialogun e planifikuar strategjik me Kosovën, për shkak të shqetësimeve lidhur me veprimet e Qeverisë në detyrë të Kosovës.
Dialogu ishte planifikuar për t’i forcuar lidhjet ekonomike dhe diplomatike, por veprimet e ekzekutivit janë parë si sfida për përparim.
Gjatë viteve të fundit, kryeministri në detyrë i Kosovës, Albin Kurti ka qenë disa herë në shënjestër të kritikave nga aleatët ndërkombëtarë, për shkak të disa vendimeve në veri të Kosovës – zonë e banuar me shumicë serbe – që lidheshin me zëvendësimin e targave serbe me ato të Kosovës, heqjen e dinarit serb nga përdorimi, apo mbylljen e institucioneve serbe.
Kurti i ka justifikuar këto veprime si hapa drejt shtrirjes së sundimit të ligjit në veri dhe ka thënë se ato janë në përputhje me Kushtetutën dhe ligjet e Kosovës.
Por, bashkësia ndërkombëtare, në disa raste, i ka cilësuar si të njëanshme dhe të pakoordinuara me aleatët.
Vetë Kurti ka thënë ditë më parë se marrëdhëniet e vendit me Shtetet e Bashkuara janë shumë të mira dhe që mospajtimet kryesore kanë pasur të bëjnë gjithmonë lidhur me Serbinë dhe strukturat e saj, dhe asnjëherë për çështje bilaterale.
E pyetur lidhur me këto deklarata, Ambasada e SHBA-së në Kosovë I ka thënë Radios Evropa e Lirë më 17 dhjetor se synon të punojë ngushtë me Qeverinë e re të zgjedhur pas zgjedhjeve parlamentare të 28 dhjetorit në Kosovë, “për t’i avancuar prioritetet e përbashkëta”.
Shtetet e Bashkuara i kanë ndarë mbi 2 miliardë dollarë për Kosovën prej vitit 1998.
Udhëheqës shtetërorë kosovarë e kanë përsëritur ndër vite që Amerika është partnerja më e rëndësishme e Kosovës dhe se mbështetja e saj është jetike.
Opozita shqiptare organizon sot një protestë kombëtare në Bulevardin e ‘Dëshmorët e Kombit’, kundër qeverisë dhe asaj që e cilëson si “keqqeverisje, korrupsion dhe abuzim me fondet publike”.
Protesta, e cila nis në orën 18:00 ka në qendër akuzat ndaj qeverisë për afera të mëdha infrastrukturore, me fokus të veçantë zëvendëskryeministren dhe ministren e Infrastrukturës dhe Energjisë, Belinda Balluku.
Balluku është e përfshirë në shkelje të rënda ligjore lidhur me projektin e Tunelit të Llogarasë dhe ndërtimin e Unazës së Madhe, për të cilat SPAK e ka marrë të pandehur zyrtarisht.
Kreu i PD-së, Sali Berisha akuzon Belinda Ballukun se ka vjedhur 50 milionë euro, ka 300 apartamente, 2 jahte dhe 13 supermarkete.
Opozita kërkon që Balluku do të japë dorëheqjen dhe të shkojë para drejtësisë. Ndërkohë SPAK ka kërkuar nga Kuvendi heqjen e mandatit të Belinda Ballukut, me qëllim arrestimin e saj.
Ndërkohë kryeministri Edi Rama një ditë më parë paralajmëroi se do të bllokojë kërkesën e SPAK për heqjen e imunitetit.
Nesër ora 18:00 Protesta kombëtare përballë pabarazisë dhe korrupsionit
Sali Berisha: Duhet të organizojmë protestat, duhet t’i fillojmë sa më parë.
I kemi filluar ato që janë te kryeministria.
Por me datën 22, duhet të thërrasim protestë kombëtare.
Ata shqiptarë që vijnë, ata janë të bekuar.
Ata që nuk do vijnë, do vijnë më vonë.
Por ne kurrë nuk do bëhemi pengesë, përkundrazi nxitës të protestave gjer ditën e fundit që të krijohet qeveria teknike në këtë vend për zgjedhjet e lira.
Agjendë tjetër nuk ka dhe nuk mund të ketë PD.
Ditë e hënë, 22 dhjetor ora 18:00, është fillimi i protestës tonë.
Të jemi të qartë se ne kemi vetëm një rrugë protesta,
protesta gjer në largimin e Ramës.
Pa protesta të qëndrueshme, narkodiktaturat nuk largohen.
Ne do të jemi më tepër, por në radhë të parë nuk kam më të rëndësishme sesa vendimi i secilit prej nesh çfarë do të bëjë më shumë.”, tha Berisha.
Gazetaria sportive shqiptare humbi një nga figurat e saj më madhore. Afër mesnatës së 20 dhjetorit u shua në moshën 91 vjeçare Ismet Bellova, legjenda e mikrofonit, gazetari, komentatori dhe publicisti i rrallë, zëri i të cilit u bë pjesë e pandashme e historisë së sportit dhe medias shqiptare.
Kushdo që e ka dëgjuar ndonjëherë, vështirë të mos jetë drithëruar, vështirë të mos jetë emocionuar deri në përlotje dhe vështirë të mos i jetë rritur adrenalina e krenarisë dhe atdhedashurisë.
Zëri i tij kumbues dhe timbri i veçantë tashmë do të dëgjohen vetëm në fonotekën e Radio Tiranës dhe në arkivat sportive të RTSH, por jehona e tij do të jetojë përgjithmonë në kujtesën e miliona shqiptarëve.
Me largimin e Ismet Bellovës, gazetaria sportive shqiptare humbi jo vetëm një profesionist të jashtëzakonshëm, por një pasuri kombëtare, një vlerë të rrallë radiofonike dhe një shkollë të vërtetë të gazetarisë sportive, nga e cila u formuan e u frymëzuan breza të tërë. bw
Sërish tensione mes aktivistëve të Lëvizjes ‘Shqipëria Bëhet’ dhe policisë. Përfaqësues të Lëvizjes, që po protestojnë para Kryeministrisë prej disa ditësh, denoncojnë se policia i ka marrë gjeneratorin, ndërsa thuhet se janë ndaluar dhe 4 aktivistë.
Në videon e shpërndarë nga lëvizja Shqipëria bëhet, dëgjohet një nga përfaqësueset e lëvizjes që debaton me punonjës të policisë.
“A kemi të bëjmë me policinë, apo me bandat! Këtë dua të di dhe unë. Policia a respekton shkresat? Se kemi shkresa. Dhe ne na e hoqën gjysmë ore para. Ju po silleni si banditë, dhe ne si njerëz.”, tha ajo. Ndërkohë, Adriatik Lapaj tha se ky është shteti dhe policia e Edi Ramës. “Ne kërkojmë që të na jepet gjeneratori dhe më pas ju mbroni Ramën.”, dëgjohet teksa thotë ai. BW
Sic ishte lajmëruar, aktivistët e lëvizjes “Shqipëria Bëhet” kanë nisur protestën para kryeministrisë, përmes të cilës kërkojnë dorëheqjen e qeverisë.
Pak minuta pas nisjes së protestës, aktivistët janë përleshur me policinë.
Me thirrjet “Edi Rama o hajdut”, protestuesit kanë denoncuar situatën e rëndë në të cilën ndodhet vendi, aferat korruptive të qeverisë, duke kërkuar dorëheqjen e menjëhershme të tij.
Prej disa ditësh, kreu i “Shqipëria Bëhet”, Adriatik Lapaj dhe aktivistë të kësaj lëvizje janë zhvendosur para selisë së qeverisë duke theksuar se nuk do të lëvizin nga sheshi deri në largimin e tij.
Ish-bashkëshorti i Belinda Ballukut, gazetari Sokol Balla, i njohur si megafon i Edi Ramës ka kërcënuar mbrëmjen e djeshme (18 dhjetor) në një editorial në hyrje të emisionit të tij drejtpërdrejt Edi Ramën se, nëse lëshon Belindën, do të të vijmë tek Linda.
Pavarësisht se ish-bashkëshorti i Belinda Ballukut mundohet të mbulojë mesazhin e tij me SPAK apo me opozitën e Sali Berishës, përfshirja e Linda Ramës, madje edhe me foto, me ish-gruan e tij dhe Milinda Kërçanajn e AKSHI-t, tregon qartësisht se Koli ka kërcënuar drejtpërdrejt Edi Ramën.
Mesazhi i Kol Ballës është i qartë dhe i drejtpërdrejtë për Ramën: Nëse e lëshon Belindën, ajo do ta orientojë SPAK-un për tek Linda dhe ti. Madje ai le të kuptohet se jo vetëm Belinda, por edhe Koli vetë do të flasë më shumë.
Dhe si për t’ia bërë më të qartë këtë Edi Ramës i ka përmendur botuesin e shqiptarja.com dhe Report Tv, Carlo Bollino, i cili del edhe në përgjimet e dosjes Balluku ku përmes personave të tretë kërkon paratë që i ka dhënë Belinda me udhër të Ramës. Koli në editorial shpreh mërzinë që edhe Carlo që ka marrë para nga Belinda me urdhër të Ramës, tani i kërkon dorëheqjen asaj.
Editoriali i fundit i Kol Ballës të enjten në mbrëmje tregon qartë se lufta mes ortakëve që kanë ndarë paratë e shqiptarëve po bëhet tepër agresive dhe tashmë ka dalë në sipërfaqe. Askush nuk po fshihet më në kampin e rilindjes.
Pjesë nga kërcënimi publik i Kol Ballës ndaj Ramës:
“Prokuroria i shpalli të martën një luftë frontale grave. Ndoshta nga frustrimi se me burrat nuk i ecën, prokurorët special u morën një ditë më parë me dy zonja, të dyja me emër të përafërt. Bile po t’i besosh Sali Berishës, SPAK po niset të kapet edhe me Lindën e tretë.
Por përtej batutave, SPAK të martën ndërmori një aksion të pastër politik. Për ta shpjeguar këtë argument, e dha po vetë, duke nisur nga rasti i Balluku. Për zëvendëskryeministren kërkoi një masë më të rëndë sigurie, një muaj pasi thjesht e pezulloi përkohësisht nga detyra. Nga 1 nëntori e deri dje, Balluku rrinte në shtëpi. U kthye në punë të hënën pas vendimit të Kushtetueses.
Pra, përse SPAK kërkoi një masë më të rëndë kur nuk ishte ndryshuar diçka? Pra, vendimi erdhi si reagim ndaj Gjykatës Kushtetuese, ku padinë nuk e bëri Balluku, por Edi Rama. Edhe Berisha po thotë se pas goditjes së Lindës së AKSHI-t, është Linda Rama. Pra SPAK e ka me Edi Ramën.
Dhe nëse e ka me kryeministrin, sigurisht që sfida e këtyre prokurorëve është me shtetin, me Gjykatën Kushtetuese, me qeverinë dhe tashmë edhe me parlamentin. Kjo është një përballje serioze e cila premton luftë, sigurisht një luftë që nuk e dëshiron askush.”- thotë megafoni, deri dje, më i zellshmi pro Edi Ramës e pro SPAK.
Tani mbetet për t’u parë nëse në editorialin e radhës Kol Balla do të jetë qetësuar, pasi dihet që Edi Rama ka mekanizma të shumtë “qetësues” për zarat e tij, apo Koli do vijojë me kërcënime edhe më të forta./Syri.net
Kryeministri në detyrë i Kosovës, Albin Kurti, ka uruar vendimin e Bahamas, që u bë shteti i katërt sivjet dhe i 121-ti që e njeh Kosovën si shtet të pavarur dhe sovran, raporton Sinjali.
Kurti në një potim në ‘Facebook’, tha se viti 2025 është viti i njohjeve të reja.
“Urime të gjithë qytetarëve dhe një mirënjohje e veçantë për presidenten tonë, Vjosa Osmani, zyrtarët shtetërorë dhe partnerët tanë për një tjetër arritje në forcimin e subjektivitetit tonë ndërkombëtar.“, shkroi ai mes të tjerash.
Postimi i plotë i Kurtit
Viti 2024 ishte viti i pasaportës sonë. Viti 2025 është viti i njohjeve të reja, pas një kohe të gjatë. Bahamas bëhet shteti i katërt sivjet dhe i 121-ti që e njeh Republikën tonë si shtet të pavarur dhe sovran.
Urime të gjithë qytetarëve dhe një mirënjohje e veçantë për presidenten tonë, Vjosa Osmani, zyrtarët shtetërorë dhe partnerët tanë për një tjetër arritje në forcimin e subjektivitetit tonë ndërkombëtar.
Kosovës po i shtohen miqësitë e reja dhe, bashkë me to, edhe mundësitë e bashkëpunimit. Mezi presim që njohjen e ndërsjellë ta kthejmë në partneritet të sinqertë me shtetin dhe popullin e Bahamas.
Presidenti Bajram Begaj ka reaguar në lidhje me lajmin që Bahamas është shteti më i ri që ka njohur pavarësinë e Kosovës.
Në një postim në “X”, Begaj shkruan se ky vendim është një kontribut domethënës për paqen e stabilitetin në rajon.
“Shpreh mirënjohjen time të sinqertë për Bahamas për njohjen e Kosovës, një kontribut domethënës për paqen, stabilitetin dhe forcimin e rendit ndërkombëtar në rajonin tonë” shkruan kreu i shtetit.
Komentet