Ish-ambasadori i Shqipërisë në NATO, Visho Ajazi Lika, gjatë një bisede në Edicionin ‘Ora 19’ në SYRI TV, foli për samitin e fundit të NATO-s të zhvilluar në Hagë.

Gjatë bisedës me moderatoren Armela Ferko, Lika u shpreh se, në presidenti i SHBA-së, Donald Trump është shumë i fortë në vendimet e tij, ndërsa theksoi se, beson se ai do ta sqarojë dhe situatën e Kosovës.

Samiti i NATO-s në Hagë, ishte një nga ngjarjet që pritej nga e gjithë bota.

‘Është thënë shumë herë, që NATO është aleanca ushtarake më e madhe dhe më e suksesshme në histori. Rikonfirmimi i rolit të saj si një aleancë mbrojtëse për rreth 1 miliardë njerëz është një lajm shumë i mirë për sigurinë globale.

Gjithashtu u rikonfirmuan edhe partneritet strategjike të NATO-s me Azinë Juglindore, siç është me Australinë, Japoninë, që ishte mjaft e rëndësishme.

Gjithashtu u dha mesazhe të qarta dhe kundërshtarëve të NATO-s të cilëve u tha se, jemi këtu për të qëndruar.

SHBA ka qenë gjithmonë shumë mbështetëse ndaj Kosovës. Me ardhjen e presidentit Trump ishin disa pikëpyetje duke pasur parasysh sa i paparashikueshëm dhe sa i fortë në vendime është.

Konferenca e fundit që dha presidenti Trump them se i sqaroi gjërat. Presidenti Trump është arsyeja në vetvete se pse këtë radhë, deklarata e NATO-s ka qenë më e shkurtra e mundshme, por shumë e saktë në pikat e saj.

Nuk u përmend dialogu Kosovë-Serbi në rajon, por në fund presidenti Trump e bëri të qartë se ai është aktiv në këtë pikë. Kuptoi se ai këshillohet vërtetë mirë për sa i përket Kosovës dhe me sa e kuptova, ai përsëri e quan të rëndësishëm Ballkanin’, theksoi në SYRI TV, ish-ambasadori i Shqipërisë në NATO, Visho Ajazi Lika.