Midis dymbëdhjetë edicioneve, që nga viti 1797, është ai që regjistroi pjesëmarrjen më të madhe: 375 000 spektatorë dhe më shumë se një milion vizitorë

VOAL – Ndër dymbëdhjetë edicionet e Fête des Vignerons zhvilluar në Vevey (VD) që nga viti 1797, ky që përfundoi sot pati një pjesëmarrje rekord: 20 shfaqjet e drejtuara nga regjisori tiçinas Daniele Finzi Pasca tërhoqën 375 000 spektatorë.

Qyteti Vevey në buzë të Liqenit të Gjenevës, në total, mirëpriti më shumë se një milion vizitorë gjatë festivalit. Shfaqja e Finzi Pasca e inskenuar në arenën speciale prej 20 000 vendesh ishte një sukses fantastik. Rezultati artistik, afati kohor i tij, mesazhi poetik dhe shoqëror i përqendruar në lidhjen midis njeriut dhe natyrës, fabulës fëminore dhe lojërave, forcës së tij emocionale dhe aftësisë teknologjike janë vlerësuar si nga mediat zvicerane, ashtu edhe nga gazetarët nga e gjithë bota, nënvizon një shënim nga organizatorët.

Nga njëzet shfaqjet e planifikuara për 25 ditët e festimit, tetëmbëdhjetë u zhvilluan në ditën dhe kohën e caktuar. Vetëm dy janë shtyrë dhe dy janë ndërprerë për shkak të kushteve të motit. Nga 420 000 biletat e mundshme, 355 000 u shitën, plus 20 000 ftesa gjatë dy testeve të përgjithshme. Për më tepër, rreth 400 000 shikues në Zvicër e panë ngjarjen gjatë transmetimit në ekranet e SRG.

Madlaina, prodhuese verës nga Graubünden në Fête des Vignerons

La Fête des Vignerons filloi më 18 korrik me ceremoninë e hapjes dhe kurorëzimin e gjashtë punonjësve më të mirë të vreshtave. Për herë të parë midis tyre ishte edhe një grua: 56-vjeçarja Corinne Buttet nga Chardonne (VD). Titulli i “mbretit” i shkoi Jean-Daniel Berthet, gjithashtu 56 vjeç, i Epesë (VD). Përveç gjashtë çmimeve të arta, u dhanë 19 medalje argjendi dhe 49 bronzi. ATS