VALË MËNGJESORE- Poezi nga RUZHDI GOLE

November 21, 2025

.

Këmisha e erës …

paska këmishë era,?

gishtat e shiut, shiu plot gishta, ?

.

Me sytë valë sytë borë

e bukura ngjethet

nga kërleshja,

gjemba iriqi

përhitja ?

.

Era përtërin gjethet,

era u puth buzët

të gjelbërtave

kur zhvishet,

shiu i afrohet erës

me xixëllimat e endjeve

me gishtat e tij tej zbehjes

.

ngjarjet ku janë ?

vetvriten !!!

.

Ku-ku-ku-u-u-u-u-u-…

Burgu skulptori më i rregjur

gdhend ajrin e pluhurt gjuhë.

.

Nuk ikim nga gjuha askurrë kund,

Dita ushqehet me bukën që vuan

mbi çdo hiperbolë të etur shiu

çdo metaforë ere me ngut.

.

Asnjëherë bora

nuk i braktis alpet

as vala mëngjesore tingujt,

.

…ndritëm dikur, rrojmë të pandritur…

.

Ç’më quan ti mua ende :

bregdet Vlore saposhkulur

shkulm t’arratisur prej bjeshkëve ?

.

Tespijet e brengës i flak qiejsh

shuaj çdo hiperbolë shiu burri

çdo metaforë zonje ere

gjithë vramendje ngut,

.

me kukull luaj

në sy të të gjitha terreve,

.

njeriu vrap vele e kreshte përfund…

• twitter

  Follow
• facebook
• linkedin

Fjalë kyçe: RUZHDI GOLE