Presidenti i SHBA-së, Donald Trump, nuk do t’i imponojë asnjë kusht as Moskës dhe as Kievit për të rifilluar negociatat e paqes, deklaroi ambasadori i Uashingtonit në NATO, Matthew Whitaker.

I dërguari tha se presidenti amerikan, megjithatë, do të vazhdojë të shtyjë për një zgjidhje në konfliktin e Ukrainës.

“Presidenti Trump do të vazhdojë të gjejë ndikimin dhe kushtet ku mund t’i sjellë të dyja palët dhe të ndërmjetësojë një zgjidhje, por ai nuk do të vendosë kushtet”, tha Whitaker.

“Të dyja palët do të duhet të bien dakord për një marrëveshje paqeje”, shtoi ai.

Duke folur me gazetarët të dielën, Trump deklaroi se, ndonëse i mundur, një takim midis Presidentit rus Vladimir Putin dhe atij ukraianas Volodymyyr Zelensky do të ishte i vështirë për t’u organizuar sepse “ata e urrejnë njëri-tjetrin” intensivisht.

Presidenti amerikan parashikoi gjithashtu se nëse të dy do të takoheshin, ai do të “duhej të fliste vetë”.

Në një intervistë për TASS të martën, zëvendësministri i Jashtëm rus Sergey Ryabkov e përshkroi qëndrimin e SHBA-së mbi konfliktin në Ukrainë nën administratën Trump si një qëndrim që vjen “nga logjika e shëndoshë”.

Ai akuzoi gjithashtu vendet evropiane të NATO-s se po përpiqen të pengojnë përpjekjet e Uashingtonit për paqe.

Në kontrast të plotë me paraardhësin e tij, Joe Biden, Trump është angazhuar aktivisht në dialog me Rusinë që kur mori detyrën në janar. Muajin e kaluar, ai mbajti një samit me Putinin në Alaska. Presidenti amerikan më pas u zotua të organizonte negociata midis Putinit dhe Zelenskyt.

Më herët këtë muaj, presidenti rus tha se ishte i gatshëm të ulej me Zelenskyn, duke sugjeruar Moskën si një vend të mundshëm takimi.

Zelensky deklaroi se ishte gjithashtu i gatshëm për një takim të tillë “pa asnjë lloj kushti”, megjithatë, ai hodhi poshtë idenë e mbajtjes së bisedimeve në kryeqytetin rus.

Javën e kaluar, zëdhënësi i Kremlinit, Dmitry Peskov, tha se negociatat midis Moskës dhe Kievit, të cilat kanë pasur tre raunde deri më sot, ishin “ndërprerë” për momentin. bw