Ko poezi e rrallë e Naim Frashërit, ASNJËHERË nuk ka qarkulluar ASKUND në librat shkollore ose në botimet SHKOLLORE, në Shkollat SHQIPE. Lëre atëhere, koha ka ikur!
Kjo POEZI është botuar më 1902 në Sofje të Bullgarisë krahas “Bagëti e Bujqësi”, “Histori e Skënderbeut”, “Fjalët e Qiririt”, “Luletë e Verësë”, “Korça” etj!
Kjo POEZI është një histori e tërë e kombit Shqiptar, kryevepër e Naim Frashërit që ka për qëllim të zgjojë medoemos tek shqiptarët ndërgjegjen e fjetur kombëtare.
*************************************
Bota që kur është zënë,
Shqipëria gjall ka qënë.
Pellazg’u thonin më pare,
Më së fundi Shqipëtarë!
.
Gjuh’që flisnin Perënditë
Atë e flisnin Pellazgitë.
Atë kanë Shqipëtarët,
Siç e kishin dhe të parët!
.
Greqishten ajo e polli,
Llatinishtja q’atje dolli.
Bijtë tanë jan’ Elinët,
Sikundër edhe Llatinët!
.
Edhe gjithë Evropanët,
Që duallë nga Romanët.
Neve jemi më të parë,
Në Evropë nga çdo farë!
.
Gjithë bota vin që moti,
Në Tomorr ku ishte Zoti.
Që t’i falen Perëndisë,
Zotit math të Shqipërisë!
.
Zëri, flaka s’ishte kot,
Që nxjerr Tomorri dhe sot.
Ahere kish s’di se çinë,
Tani ka Abas Alinë!
.
Shqipëtari trim me fletë,
Ka rrojtur në këtë jetë.
Kemi pasur mbretërira,
Edhe fort shumë të mira!
.
Kemi bërë punë shumë,
Po gjithë vanë në lumë.
Aleksandri qe Shqiptar,
Q’u tha i madh kordhëtar!
.
Selefkët dhe Ptolemenjtë,
Edhe gjithë të mëdhenjtë.
S’qenë grekër, s’qenë bullgarë,
Po ishinë të gjithë Shqipëtarë!
.
Pirua ish nga Shqipëria.
Trim q’e lëvdon istoria.
Skander Begu Kastrioti,
Q’u dëftye aq’i zoti!
.
Ishte burr i Shqipërisë,
Q’i dha dërmënë Turqisë.
Ç’burra nxorri Shqipëria,
Që i shkruan istoria!
.
Bajraktar’ e Qyprylinë,
Shkodran e Mehmet-Alinë.
Xhavella e Marko Sule,
Babulin’ e Mihaule!
.
Q’i dhanë dërmënë Turqisë,
I vunë nder trimërisë.
Si këta e si të tjerë,
Që qenë shumë të ndjerë!
.
Po nga gjithë trimëria,
S’fitoj gjë dot Shqipëria.
Për këdo që ne luftuam,
Gjithë ç’u bëm’ i harruan!
.
Të gjithë na u harruan,
Dhe sot të ligën na e duan.
Me kaqë burra të vyer
Qysh duallmë të gënjyer?
.
E ç’e dua trimërinë,
Kur s’mu ndoth për Shqipërinë.
Me nder tënë rron Turqia.
Po aq vuan Shqipëria!
.
Ka vuar edhe vuan,
Turqtë neve a na duan?
Neve e bëmë dhe Greqinë,
Po Grekërtë a na e dinë?
.
S’duan fare të na shohin,
Shqipërinë sot s’e njohin.
Shqipëria ron si ropi,
A Mejtohet për të Evropi?
.
Mos durofsh o i madhi Zot,
Të jet’në zgjedhë sot!
Burr i math që ka luftuar,
Edhe botënë ke liruar!
.
Ç’të na bënjë trimëria,
Sa me qënë gjallë padija?
Shqipëri! Pse s’qe e zonja,
Të bënje tri katrë shkronja?
.
Se ti punëtë i mbarove,
E të tjerët i nderove.
Sikur të paskëshe shkruar,
Gjësendi s’të ish harruar!
.
Do të kishimë Pllatonë,
Aristotel’ e Strabonë.
Omir, Pindar e Esqille,
Dant’ e Senek e Virgjillë!
.
Do të ish sot Shqipëria,
Që t’a merr botën zilia.
Po të shkuarat i lerë,
E mso mënt për tjatër herë!
.
O vëllezër Shqipëtarë,
Lëreni kohën e pare.
Ejani tani të msojmë,
Paskëtaj të trashëgojmë!
.
Se në ndënçim t’pamësuar,
Kështu kemi për të vuar.
Është turp për farën tënë,
Të mos nxjerim fare zënë!
.
Po të rronjë e pandjerë,
E shkret’ e varfër’ e mjerë.
Pse të jesë Shqipëria,
Ta mbulonjë babëzia?
.
Duke patur burra trima
Të umbasë si vetëtima?
Ah! mos! Zoti mos e dhëntë!
EJANI, TË MBLEDHIM MENTË!
TRI ZËRA STUDENTORË NGA GJENEVA: ANGAZHIM, IDENTITET DHE KUJTESË HISTORIKE Nga Nexhmije Mehmetaj
I nderuar Z.Viktor Zhusti, fotoja me protestuesin Adriatik Lapaj do t’ju ndreqte biografinë si Qytetar Nga Elida Buçpapaj
Arratisen Ergys Agasi dhe Ermal Beqiraj – Arben Ahmetaj për Agasin “një lloj ndërmjetësi i kryeministrit Edi Rama me bandat kriminale”
“Petrit Dume na mbajti për kafe, pasi ai ishte në dijeni të skenarit për Teme Sejkon dhe na tha…” Dëshmia e rrallë e gjeneral-lejitnant Rrahman Parllakut, për ish-Kundëradmiralin e Flotës Detare
Hetimet për skandalin “Qatargate”, Parlamenti Evropian i heq imunitetin eurodeputetes italiane Alessandra Moretti
Dokument Historik i Presidentit Trump, Kongresit dhe Senatit të SHBA – Nga Elida Buçpapaj
Rasti Epstein, mijëra dokumente të reja të publikuara
“Korrupsioni ndez revoltë në Shqipëri”- Gazeta e madhe Europiane, POLITICO: Opozita proteston kundër Ramës
The Washington Times: Shqipëria po kthehet në narko-shtetin e parë në Europë
Katër të arrestuar për protestën e opozitës, Berisha: Dy prej tyre kishin ardhur si turistë nga Kosova, njëri ishte djali i një ish-luftëtari të UÇK
“Farsa e madhe e majmur e zgjedhjeve në Shqipëri”- Berisha: Publikojmë librin me 1500 faqe, dokumenton dhunimin e votës
“Agasi njeriu hije, kontrollonte gjithë shtetin!”- Shehaj publikon videon e Ramës: E mbrojti para gazetarit italian, tani ka kyçur gojën! Të gjithë jepnin llogari te ai!
