Shefi i diplomacisë amerikane deklaroi se bisedimet që nisën sot në Florida me delegacionin ukrainas synojnë të “hapin rrugën” drejt një Ukraine plotësisht sovrane.

“Nuk bëhet thjesht fjalë për përfundimin e luftës. Bëhet fjalë për hapjen e një rruge që do t’i mundësojë Ukrainës të mbetet sovrane, e pavarur dhe në mirëqenie,” u shpreh sekretari amerikan i Shtetit në nisje të takimit.

Nga ana tjetër, drejtuesi i delegacionit ukrainas, Rustem Umerov, tha se dëshiron të diskutojë me amerikanët rreth sigurisë së Ukrainës dhe rindërtimit të vendit. Në një mesazh në platformën X, Umerov theksoi se misioni i delegacionit të tij është “të garantojë interesat e Ukrainës.” gsh