Kandidatja demokrate që garon në zgjedhjet parlamentare të 11 majit, nën siglën e PD, përmes  Aleancës për Shqipërinë Madhështore, Erisa Bajaziti në takimin e PD në Breshia të Italisë, u bëri thirrje bashkë-atdhetarëve të saj të ndalin plagën e emigrimit masiv të shqiptarëve nga Shqipëria.

Në fjalën e saj, ku prezent është edhe lideri demokrat, Sali Berisha nën shoqërimin e strategut amerikan, Chris LaCivita, Bajaziti tha se Shqipëria është në rrezik të madh nga braktisja dhe shpopullimi për shkak të një ‘spastrimi të heshtur’ që ka kryer e po kryen qeveria Rama ndër vite.

Ajo u bëri thirrje t’i bashkohen me votë PD dhe programit të saj, e cila ka në fokus mbështetjen serioze për çdo qytetar e bashkë-atdhetar.

Jam njëra prej jush, e rritur mes dy botëve, asaj të botës së lirë dhe dhimbjes që më la malli për vendin tim. Për rrugicat e fëmijërisë, për Shqipërinë që po boshatiset, po nxin nga mungesa. Është në rrezik të madh nga braktisja dhe shpopullimi, nga  një qeveri që i përçmon dhe largon, që e ka kthyer vendin në tokë të heshtur, pa të rinj, pa shpresë, pa jetë. Ky s’është largim, është shpopullim i heshtur, spastrim që s’po bëhet me forcë por me zhgënjim. Rama ka braktisur prindërit tanë, gjyshërit tanë që ulen në tavolina të heshtura duke pritur lajme nga ne.

Pse duhet ta pranojmë këtë për prindërit dhe të afërmit tanë në atdhe. Flas sot si një bijë, motër, nënë, si shqiptare që e do vendin dhe njerëzit e saj. Besoj se ne mund ta ndryshojmë këtë, ne kemi forcën e shpirtit, forcën e votës. Besoj te ju e madhështia që fshihet te ju. PD është me ju, jo me fjalë por me vepra, duke nisur nga qëndresa e pashembullt e liderit historik, Sali Berisha. Deri te krijimi i një program serioz për të mbështetur çdo shqiptar, pavarësisht flamurit partiak. Do të bëjmë gjithçka për rikthimin tuaj në vendin që po shuhet, Takes 0 për çdo rikthyer.   sn