Presidenti i Republikës, Bajram Begaj, ka uruar Shtetet e Bashkuara të Amerikës me rastin e 4 Korrikut, Ditës së Pavarësisë, që këtë vit shënon 249-vjetorin e shpalljes së saj.

Përmes një postimi në platformën X, kreu i shtetit shqiptar ka vlerësuar lidhjet e forta ndërmjet dy vendeve dhe ka shprehur falënderime për mbështetjen e vazhdueshme që SHBA i ka ofruar Shqipërisë.

“Gëzuar 4 Korrikun! Në këtë ditë feste për miqtë dhe aleatët tanë amerikanë, Shqipëria shpreh mirënjohjen më të thellë për miqësinë e qëndrueshme dhe partneritetin strategjik me Shtetet e Bashkuara të Amerikës.
Qëndrojmë të bashkuar në përkushtimin tonë të përbashkët ndaj vlerave demokratike, paqes dhe sigurisë globale, duke shpresuar në forcimin e mëtejshëm të lidhjeve mes dy kombeve tona të mrekullueshme”, shkruan Presidenti Begaj.

Ky mesazh vjen në një ditë me rëndësi të veçantë për kombin amerikan, por edhe për Shqipërinë, e cila prej dekadash e ka konsideruar SHBA-në si një aleat të pazëvendësueshëm në rrugën e saj drejt demokracisë, integrimit dhe sigurisë rajonale e globale.gsh