Polonia e ka paralajmëruar presidentin rus Vladimir Putinin se nuk mund të fluturojë, nëpër hapësirën ajrore polake për të takuar presidentin Donald Trump në Budapest. Nëse Putin nuk e rrespekton këtë vendim autoritetet polake do të ekzekutojnë urdhrin e arrestit të lëshuar kundër tij, nga Gjykata Ndërkombëtare Penale.

Mediat e huaja  shkruajnë se Gjykata Ndërkombëtare Penale me seli në Hagë, ka lëshuar ​​një urdhër arresti kundër presidentit rus në vitin 2023. Ky urdhër është lëshuar nga gjykata, pasi Putin akuzohet për rrëmbimin e qindra fëmijëve nga Ukraina dhe transferimin e tyre në Rusi. Por, Moska nuk e njeh Gjykatën Ndërkombëtare Penale dhe juridiksionin e saj, ndaj ajo i ka mohuar të gjitha akuzat.

“Nuk mund të garantoj që një gjykatë e pavarur polake nuk do ta urdhërojë qeverinë të detyrojë aeroplanin të ulet me qëllim që të dorëzojë të dyshuarin në gjykatën e Hagës”, tha Ministri i Jashtëm polak Radoslaë Sikorski.

Urdhër-arresti ndërkombëtar i Gjykatës Ndërkombëtare Penale, i detyron gjykatat e shteteve anëtare të arrestojnë Putinit nëse ai shkel në territorin e tyre.

“Unë besoj se pala ruse është në dijeni të kësaj. Dhe, si pasojë, nëse ky samit do të zhvillohet, shpresoj me pjesëmarrjen e viktimës së sulmit, aeroplani do të përdorë një rrugë tjetër”,shpjegoi ministri polak Sikorski .

Hungaria, kryeministri i së cilës mban marrëdhënie të mirë me presidentin rus Vladimir me Putinin, ka thënë se do të sigurojë që presidenti rus të mund të hyjë dhe të dalë nga vendi. Megjithatë, nëse dëshiron të shmangë hapësirën ajrore ukrainase, delegacioni rus do të detyrohet të kalojë nëpër hapësirën ajrore të të paktën një vendi të Bashkimit Evropian. Të gjitha vendet e Bashkimit Evropian janë anëtare të Gjykatës Ndërkombëtare Penale. Por, Hungaria është në proces tërheqjeje.