Poezia- Poezi nga SULEJMAN MATO

December 13, 2025

Janë yjet që më zënë rrugën në jug,

dhe shirat e pasqyruara në burime dhe ujra,

është një milingonë e varur në një fije kashte ,

eshte kopshti me tulipanë dhe polifonia e ullinjve,

është një gomar që këndon në brigje,

dhe vetmia e melodive baritore.

.

Eshtë një bisedë me yjet për ca çështje tokësore,

janë degët e it qershisë që trokasin në xhama,

është një anije që humbet në horizont,

eshte një mbrëmje mbi barin e “Jarden de Leman” ,

janë fluturat që jetojnë vetëm një ditë.

.

Eshtë një ëndërr në “Gunterbryner Plas”,

është pritja e anijeve që kthehen nga Troja,

janë plakat e Vunoit që presin djemtë në muzg,

janë fjalët e mia të pathëna…

Është harresa që çel gjethe drite,

është zëri i nënës në një degë ulliri ,

dhe ulërima e miteve në zgafellat e braktisura,

.

Poezia…

është fjala që përsosi botën…

• twitter

  Follow
• facebook
• linkedin

Fjalë kyçe: SULEJMAN MATO