Po thonë “disa” se paskemi shkue mirë me njeni-tjetrin gjatë 45 viteve të komunizmit!

Për këtë postim u ba shkak nji miku im , zotni Arben Gjondreka, i cili para dy ditësh kishte ba nji postim të cilin e kishte qindisë me ironi të hollë , për të cilin edhe unë bana nji koment…mirëpo, nji mik tjetër i imi, nji zotni shkodran, me emnin e bukur Lukë Luka , më sugjeroi që komentin tim t’a ktheja në postim.

A mund t’ia prishi unë mikut tim?!

Qe pra, se po filloj…bani pak durim!

…Mirë e në paqe kanë shkue brezi i prindve tanë të cilët nuk kanë pyet a je katolik, orthodoks apo musliman por kanë respektue zakonet e njeni-tjetrit e, madje, janë lidhë me miqësi e shoqni e nuk të kanë prè në besë sepse e kanë pasë nji “gram” burrni!

….Sistemi komunist polli “Njeriun e Ri”!

Hajnat, dembelat , gojëlëshuemit , të paaftit, hipokritët, immoralët, servilat, spijunat, të pabesët…hynin në atë kategori!

…Prandaj shkojnë punët “mirë” në Shqipni mbas 34 vitesh në “demokraci”sepse ende nuk asht “plakun” Njeriu i Ri!

…Kemi shkue mirë me njeni-tjetrin n’atë kohë po thonë “disa” me nostalgji për atë sistemin e pjerdhun që na e rrudhi për 45-së vjet “stinen”ma të bukur që quhet rinì!

…Po, vërtetë kemi shkue për vizita te ilakatë e te shoqnia e punës, madje pa i njoftue siç bajmë sot por ai fenomen ka ndodhë se na nuk kishim ku me shkue!

Ishim të izoluem në nji burg gjigant dhe nuk mund të shkonim as ndër vendet (shtetet) që kishim përqark se ma…Europen e shifnim me dylbi e në TV!

…Biçikletat i kishte me bollek çdo shtëpi por makinat i shikonim nepër filma, plak e i ri!

…Sepse…me pas dashtë me shkue ndonji herë në të rrallë te hotel “Kûji”( Hotel Turizmi ) na duhej “rrypin” me e shtërngue!

…Prandaj silleshim në Piacë si kuajt në lâmë përnatë tuj përshëndetë njeni-tjetrin tanë lezet sepse nuk na dilnin paret me e ngranë në Turizëm nji darkë me familjen, të pakten nja 3-4 herë në vjetë!

MoZot ma keq !

P.S. Përgëzime për shkrimin mik i dashtun Arben.