VOAL – Shifrat në lidhje me vdekjet e regjistruara në Zvicër këtë vit për shkak të Covid-19 janë të habitshme edhe për ekspertët që kanë studiuar fenomenet në lidhje me popullsinë e vendit për vite me rradhë.

“Ne po përballemi me të dhëna që na tregojnë vetëm fillimin e valës së dytë. Dhe këto janë shifra mbresëlënëse “, tregon për RSI Philippe Wanner, drejtor i Institutit të Demografisë dhe Socioekonomisë së Universitetit të Gjenevës. “Për sa i përket numrit të vdekjeve, sigurisht që do të jetë një vit i jashtëzakonshëm. Me shifra që nuk i kemi regjistruar për dhjetëra vjet “, nënvizon eksperti sipas të cilit nuk është e vërtetë që në pranverë vdiqën shumë të moshuar të dobët të cilët do të kishin vdekur pak më vonë.

“Ne kemi një mbi-vdekshmëri neto, e cila nuk është për shkak të vdekjes ekskluzivisht të njerëzve të brishtë që do të kishin vdekur gjatë vitit – nënvizon ai -. Në fakt, gjatë verës nuk kishte asnjë nënvdekësi, siç mund të pritej. Prandaj, Covid-19 ka pasur një ndikim neto në vdekjet.” rsi-eb