Sipas një raporti të publikuar nga Organizata për të Drejtat e Njeriut në Iran (HRANA), numri i viktimave nga sulmet izraelite në territorin iranian ka arritur nivele alarmante që prej së premtes. Të dhënat e grumbulluara nga kjo organizatë jofitimprurëse tregojnë se 452 persona janë vrarë dhe 646 të tjerë janë plagosur.

Nga këta, 224 janë civilë të konfirmuar të vrarë, ndërsa 188 të tjerë janë plagosur. Në mesin e viktimave përfshihen edhe 109 ushtarakë të vrarë dhe 123 të plagosur. Një pjesë e konsiderueshme e viktimave, 119 të vrarë dhe 335 të plagosur, mbeten ende të paidentifikuar.

Mediat shtetërore iraniane kanë ofruar shumë pak informacion në lidhje me këto shifra, duke shmangur raportimin e detajuar mbi humbjet njerëzore. Për shkak të kufizimeve serioze që i janë vendosur punës së gazetarëve në vend, verifikimi i pavarur i numrit të viktimave mbetet i vështirë. Situata vazhdon të jetë e paqartë, ndërsa shqetësimet për përshkallëzimin e mëtejshëm të konfliktit janë në rritje./ BBC – Syri.net