Pas betimit që posa e mbaroi Donald Trump është Presidenti i 45 i SHBA.

Ai u betua mbi dy bilbla, të Abraham Linkolnit, sikur Obama dhe tjetra e dhuruar nga nëna e tij, kur Trump ishte 9 vjeç.

“Unë Donald J. Trump, solemnisht betohem se do të kryej detyrën e Presidentit të Shteteve të Bashkuara me besnikëri dhe do të jap më të mirën time që të mbroj dhe të ruaj Kushtetutën e Shteteve të Bashkuara, Zot më ndihmo!”.

“I Donald J Trump do solemnly swear that I will faithfully execute the office of President of the United States and will to the best of my ability preserve, protect and defend the constitution of the United States, so help me God.”

Këto  janë fjalët e formulës së Betimit të Donald Trump si president i 45 i Shteteve të Bashkuara të Amerikës, sot në ora 06. 00 (sipas orës tonë).

Inaugurimi i Presidentit të Shteteve të Bashkuara, është emërimi zyrtar i tij për mandatin e ri në zyrën presidenciale. Betimi është i vetmi detyrim pjesë e inaugurimit, që administrohet nga kreu i Gjykatës Supreme në shkallët e ndërtesës së Capitol në Uashington.

Përgjatë viteve, traditat e inaugurimeve presidenciale kanë ndryshuar dhe prej kohësh, në ceremoninë inauguruese Presidenti mban një fjalim dhe më pas organizohet një drekë në Shtëpinë e Bardhë.

Që prej vitit 1937, çdo inaugurim është mbajtur më 20 janar në mesditë. Nëse data 20 janar rastis të jetë e diel, Presidenti betohet privatisht e më pas edhe në një ceremoni publike në ditën e ardhshme.

Presidenti Trump, sot më 20 Janar, do të ngrejë dorën e tij të djathtë, dhe të majtën do ta vendosë mbi Bibël e para kreut të Gjykatës Supreme, dhe do të thotë betimin.