Banorët e Thethit, të cilëve sot po u shembet me fadroma mundi i një jete, janë jo vetëm të gënjyer, por edhe të tradhtuar nga kryeministri Edi Rama. Pak kohë para zgjedhjeve, Rama shkoi pikërisht në këtë zonë, duke u premtuar banorëve se do t’u falte gjobat për ndërtimet pa leje, pasi ata kishin ndërtuar në tokën e tyre. Por sapo kaluan zgjedhjet, jo vetëm që nuk ua fali, por u dërgoi policinë dhe IKMT-në për t’ua shembur.

SYRI TV

Sot banorët e Thethit po përballen me forcën e policisë dhe fadromat që po u groposin të gjitha kursimet e jetës së tyre — siç iu kërkoi kryeministri Edi Rama në dy vitet e fundit: të mos iknin në emigracion, por të investonin në zonat e tyre.

Sot këta banorë nuk janë vetëm të gënjyer, por edhe të tradhtuar nga vetë Edi Rama, i cili para fushatës elektorale shkoi në zonën e Thethit, duke u premtuar banorëve parajsën. Gjatë vizitës në Theth, Rama u premtoi banorëve se do t’u falte çdo gjobë për ndërtimet që kishin bërë, pasi kishin ndërtuar në tokën e tyre, madje fajësonte shtetin dhe bashkinë që nuk u kishin krijuar kushtet për të marrë pronësinë.

Por jo vetëm kaq — Rama u kërkoi që të vijonin të investonin edhe më shumë, sepse do t’i favorizonte me faljen e taksave dhe madje duke u krijuar edhe infrastrukturën.

Por sot, pasi mori mandatin e katërt, Edi Rama, ndryshe nga sa u premtoi, u dërgoi fadromat, duke e kthyer në ferr këtë zonë dhe duke u shkatërruar investimet e gjithë jetës. sn