Në një moment të tensionuar për Lindjen e Mesme, Papa Leoni XIV ka bërë një thirrje të fuqishme për paqe, gjatë lutjes tradicionale të së dielës, Angelus, nga Sheshi i Shën Pjetrit në Vatikan.

Ati i Shenjtë u ndal veçanërisht tek përshkallëzimi i dhunës në Iran, Izrael dhe territoret palestineze, duke vënë theksin te vuajtja e popullatës civile, në veçanti në Rripin e Gazës.

“Vazhdojnë të vijnë lajme alarmante nga Lindja e Mesme, veçanërisht nga Irani. Në këtë skenar dramatik që përfshin Izraelin dhe Palestinën, rrezikon të bjerë në harresë vuajtja e përditshme e popullsisë,” tha Papa, duke bërë thirrje për ndihmë humanitare të menjëhershme për civilët e prekur nga lufta.

Papa i kërkoi liderëve botërorë që të tregojnë “përgjegjësi dhe arsyetim”, duke theksuar se:

“Njerëzimi sot më shumë se kurrë kërkon paqe. Kjo ‘klithmë’ nuk duhet të mbytet nga zhurma e armëve apo nga retorika që nxit konfliktin.”

Në mesazhin e tij, Papa Leone XIV përsëriti se lufta nuk sjell zgjidhje, por vetëm vuajtje dhe plagë të thella në histori, të cilat kërkojnë breza për t’u shëruar.

“Lufta nuk zgjidh problemet, përkundrazi i përkeqëson ato dhe lë plagë të thella në historinë e popujve,” tha ai.

Ai e përmbylli deklaratën me një apel të fuqishëm për ndalimin e dhunës dhe kthimin në rrugën e bisedimeve:

“Qoftë diplomacia ajo që i hesht armët!”bw