Më 31 maj të vitit 2005, 31 vite pas dorëheqjes së Presidentit Richard Nixon, personi kryesor, që në mënyrë anonime i kishte dhënë informacione shtypit mbi skandalin “Watergate”, i njohur me nofkën “Zëri i Thellë”, “Deep Throat” zbuloi identitetin e tij në një artikull të botuar në revistën Vanity Fair (Vanity Fair magazine.)

Veprimi i zotit Mark Felt shtangu gazetarët Bob Woodward dhe Carl Bernstein, të cilët përmes raportimeve të tyre në gazetën “The Washington Post” çuan në rrëzimin e Presidentit Richard Nixon. Dy gazetarët bënë përpjekje maksimale për të ruajtur identitetin e zotit Felt dhe kishin premtuar ta ruanin sekretin deri në vdekjen e tij.

Washington Post reporters Carl Bernstein and Bob Woodward at work in 1973.

Megjithëse, emri i tij u përfol në vitet pas dorëheqjes së Presidentit Nixon, Felt vazhdimisht i mohoi njoftimet se ai ishte burimi me nofkën “Deep Throat”.

“Unë kurrë nuk u kam dhënë informacione gazetarëve Woodward dhe Bernstein ose të tjerëve,” shkroi ai në shënimet e tij biografike të vitit 1979.

Në vitin 1999, gjashtë vjet para se të pranonte rolin e tij në rrjedhjen e informacionit rreth skandalit Watergate, Felt është cituar të ketë thënë se, “Rrjedhja e informacioneve do të ishte në kundërshtim me përgjegjësitë e mija si një punonjës besnik i FBI-së.” Mark Felt ishte Zëvendës-Drejtor i FBI-së në kohën kur shpërtheu skandali Watergate.

Former Associate FBI Director W. Mark Felt, and his wife Audrey, appear on NBC’s “TODAY” television show in Washington, D.C. Tuesday, April 11, 1978. Felt, who was indicted on a charge of conspiring to violate the rights of citizens through unlawful break-ins, called the indictments a “tragic mistake.” (AP Photo/Bob Daugherty)

Former Associate FBI Director W. Mark Felt, and his wife Audrey, appear on NBC’s “TODAY” television show in Washington, D.C. on April 11, 1978.

Në disa takime në mesnate në një vendparkim në qytetin e Arlingtonit në Virxhinia, Felt u ka konfimuar gazetarëve njoftimet që lidhnin ekipin elektoral për rizgjedhjen e presidentit Nixon me vjedhjet në Watergate (selia e atëhershme e partisë demokrate) dhe hetimet e paligjshme ndaj partisë demokrate.

Ai gjithashtu njoftoi gazetarin Woodward mbi natyrën e thellë të skandalit, duke aluduar se gjurmët e skandalit mund të çonin në nivele të larta të qeverisë, duke përfshirë edhe vetë presidentin Nixon.

Sen. George McGovern (D-SD) reads the newspaper headline of President Nixon’s resignation, Aug. 7, 1974.

Nixon dha dorëheqjen, duke u bërë presidenti i parë amerikan që bëri një veprim të tillë ndërkohë që ndaj tij ishin ngritur akuza për pengim të drejtësisë nga kongresi. Këshilltarët e tij kryesor, H.R. Haldeman, John Erlichman dhe konsulli i Shtëpisë së Bardhë, John Dean u dënuan me burg për rolin e tyre në skandalin Watergate.

Në mesin e zyrtarëve të tjerë të burgosur për rolin e tyre në këtë skandal ishin edhe Prokurori i Përgjithshëm, John Mitchell, anëtarët e personelit të Shtëpisë së Bardhë Howard Hunt dhe G. Gordon Liddy dhe këshilltari special i presidentit, Charles Colson.

President Nixon’s White House Chief of Staff H.R. Haldeman, left, and presidential adviser John D. Ehrlichman, right, deplane Air Force One at Andrews Air Force Base in Md. in this April 1973 file photo.

Edhe pesë personat që u kapën në selinë e partisë demokrate në hotelin Watergate, duke vjedhur dokumente, u burgosën nga autoritetet.

Në vitin 1973, gazeta The Washington Post fitoi çmimin Pulitzer për mbulimin e ngjarjeve rreth skandalit Watergate. Hollivudi, në vitin 1976 realizoi një film të quajtur “All the President’s Men,” (Njerëzit e Presidentit) në të cilin rolet e personazheve kryesore u luajtën nga aktorët e njohur Robert Redford dhe Dustin Hoffman.

Mark Felt vdiq më 18 dhjetor të vitit 2008, në moshën 95 vjeçare.