Gjithçka  po ërrsohet qiellit

Si ërrsohet fleta e ahut

Mbi dheun e trandun

Me çarje hidhërimi.

Nuk  shkon uji  ne tubin e vet

As që dëgjon përroskën

Si  I tramkosuri  gjumë velur.

Nga ana e anës  thyhet ana

Pa pritë e pa meremetim

Ku flakë nuk  ka, e del tym

Bie shi ,shi I akullt

Xhami I places veç  thermohet

Sofra thatë nuk begatohet

Po vjen diçka si rrëshira

E po na shtynë   rudinave

Te dalim hop e hop

Pa masë , pa rreth  me konop

Bark’ unët , krejt coftë

As si shenjë e dobët

Na lane  n’lamë, ne sheshi

Buzëngrirë , lëkurëndryshkur teneqe.

As shitorja s’ çel pragun

Velet mugullimi I shpirtit

Ngjyr’ kafe , bajate

Hibride monopatet

Flak’ na del e tym nuk  shihet

Skelet sikleti ,ne hither fshihet

A ne zgërbonjë    ku sqarthi t’I ngul’ thonjtë

Kot shetitesh livadhit

Kur nuk te  shoshit  hiç

As  pordhë  e kalit

Hekurishet s’vidhën

Prej rrathve te bunareve

Veç  një  qukapik

Krekoset me tabel’ prej drrase.

Se dita e ditës ia zë bishtin

E ja shtron  firin e ziqrit

Deri te dridhet ashti nga trupi

Droj do te plaqkitet milioneri

Po edhe  kopuku.

Eh shi ,ky shi

Tokën na lëkun

Nën këmbë

E qillin  na vë mbi krye

Dheu ka magnitude

Njeri a Judë….