Lugina e Vjosës është përfshirë zyrtarisht në programin “Njeriu dhe Biosfera” të UNESCO-s, duke u bërë pjesë e listës së trashëgimisë botërore.

Përfshirja e Vjosës në këtë program kurorëzon një proces katërvjeçar për mbrojtjen e një prej ekosistemeve më të pasura dhe të paprekura në Evropë. Kjo njohje ndërkombëtare synon të garantojë ruajtjen e biodiversitetit, zhvillimin e qëndrueshëm të zonës dhe promovimin e vlerave natyrore të Shqipërisë në arenën globale.

I njohur si një nga lumenjtë e fundit të egër të kontinentit, Vjosa u shpall “Park Kombëtar” në mars të vitit 2023, pas përpjekjeve shumëvjeçare të organizatave shqiptare dhe ndërkombëtare për ta mbrojtur nga ndërtimi i digave hidroenergjetike.

Me një gjatësi prej 272 kilometrash, lumi buron nga malet e Pindit në Greqi dhe përshkon Shqipërinë deri në derdhjen në detin Adriatik, duke pasur ndër prurjet më të mëdha ujore në vend.

Ky vendim e pozicionon Vjosën si një simbol të mbrojtjes së natyrës shqiptare dhe një pasuri me rëndësi globale.