VOAL- Lagjja model ekologjike e Plaines-du-Loup në Lozanë, rezultat i projektit “Metamorphose” i nisur në vitin 2006, ka hapur dyert me vendosjen e dyqind banorëve të parë këto ditë; të shtunën dhe të dielën e ardhshme publiku është i ftuar të vizitojë vendin për t’u njohur me risitë e shumta.

“Është ora e së vërtetës”, tha kryebashkiaku Gergoire Junod. “Asnjëherë nuk është realizuar një projekt kaq i rëndësishëm në kryeqytetin e Vaud”. 1000 apartamenteve të krijuara tashmë, 3500 të tjera do t’iu shtohen nga tani deri në vitin 2030, gjë që do të bëjë që rajoni të strehojë gjithsej rreth 8000 banorë dhe 3000 punëtorë. Distrikti përfshin stadiumin e ri Tuilière, i cili do të jetë një nga “qendrat pulsuese” të zonës dhe objekte të tjera sportive.

Modeli i stadiumit që do të jetë zemra rrahëse e eko-distriktit të ri në hyrje të qytetit

Hapësira e bollshme për gjelbërim urban, heterogjeniteti social, transporti publik i privilegjuar, hapësirat e përbashkëta ekologjike dhe fleksibiliteti urban janë fjalët kryesore të projektit, për të cilin u investuan 520 milionë franga nga 18 investitorë privatë dhe 64 milionë të tjera nga paratë publike. Eko-distrikti shtrihet vetëm mbi 146 600 metra katrorë hapësirë ​​të ndërtuar; ofrohet një parkim i vetëm për 710 makina; 5000 hapësira për biçikleta. rsi-eb