Debatet mes pronarëve të Top Channel, kanë shkaktuar largime të shumta drejtuesish në televizionin kombëtar. Vetëm ditët e fundit mediat kanë njoftuar dorëheqjen e regjizorit të emisioneve kryesore të këtij televizioni Bujar Kokonozi dhe atë të autores së programit “The Voice” Zefina Hasani. Por këto nuk janë të vetmet.

Zefina Hasni është larguar pasi ajo nuk ka pranuar që në skenën e Voice të ngjitet si i ftuar, Ledri Vulaj. “s’do mund të isha dakord për aq kohë sa The Voice e shoh ndryshe. Dhe problemi s’ ka qenë veç ardhja apo jo e Ledrit, por dhe mos respektimi i sistemit dhe rregullave të punës. Sot, s’më lejuan të isha më në spektakel dhe pashë që kishin hequr dhe emrin nga titrat kur ndërkohë të paktën dhe kjo natë ishte edhe puna ime” ka deklaruar Hasani.

Një tjetër viktimë e “familjes” me sa duket do të jetë edhe drejtoresha historike e programacionit Vjollca Dedei. Ajo është shmangur nga panairi i përvitshëm i Kanës, ku TV blejnë prodhimet e sezonit të ardhshëm. Në vend të saj atu do të shkojnë Sara Hoxha me Ledionin sepse trashigimtarja e vogël Sara, po përgatitet për këtë post.

Cunamit nuk i ka shpëtuar as redaksia e lajmeve. Për ish drejtorin Bledar Zaganori nuk ka më vend aty. “Me ngritje” është larguar edhe Monika Stafa e cila ka gjetur punë pranë AMA-s pasi ka kontaktuar disa media të tjera. Largimi i saj erdhi pas atyre të gazetareve të redaksisë së lajmeve Rovena Moçka në ministrinë e Blendi Klosit dhe Klodiana Kapo. Një largim i bujshëm qe edhe ai i gazetares me përvojë, korespondentes nga Brukseli, Arta Tozaj së cilës i patën ulur pagën dhe i ndërhynin në kronika.

Intensiteti i këtyre “spastrimeve” u shtua që pas shkarkimit të drejtorit të përgjithshëm Enkel Joti me një vendim të bordit të aksionerëve në 8 dhjetor. Pasi vendin e saj e zuri Vjollca Hoxha, aksioneria drejtuese u përball dhe me vështirësitë e para financiare. Flitet se largime të reja mund të ketë edhe nga trupa e baletit e cila pritet ti nënshtrohet uljes së pagave dhe shkurtimeve të personelit.

Ja lista e të larguarve

Bujar Kokonozi- Drejtori i programit The Voice

Bledar Zaganjori-Drejtor i Lajmeve

Zefina Hasani- Autore e programit The Voice

Monika Stafa- ka ikur tek AMA

Rudina Xhunga- drejtuese e emisionit “Shqip”

Sokol Shameti- Autor i programit Pop Channel

Skerdi Drenova- Zv.Drejtor i Përgjithshëm i Big Brother

Enkel Joti- Drejtor i Përgjithshëm