Pesë persona u arrestuan nga policia mbrëmë rreth orës 8 të mbrëmjes në arondissementin e 16-të të Parisit, si pjesë e një hetimi për vjedhjen sensacionale në Muzeun e Luvrit 11 ditë më parë.
Gazeta Le Figaro shkruan për këtë.

“Të pestë personat janë në paraburgim, përfshirë një nga të dyshuarit kryesorë në grabitje”, i tha gazetës këtë mëngjes një burim policor. I dyshuari i parë, një shtetas algjerian 34-vjeçar, u arrestua të shtunën, më 25 tetor, në aeroportin Roissy-Charles de Gaulle, pak para se të nisej për në Algjeri pa biletë vajtje-ardhje.

I dyti, një burrë 39-vjeçar, u arrestua gjysmë ore më vonë pranë shtëpisë së tij në Aubervilliers, një periferi të Parisit.

Sendet me vlerë 88 milionë euro (76 milionë paund; 102 milionë dollarë) u vodhën nga muzeu më i vizituar në botë më 19 tetor, kur katër hajdutë hynë me forcë në ndërtesë në mes të ditës.

Bizhuteritë nuk janë gjetur ende dhe banda e përfshirë mund të jetë më e madhe se katër personat e kapur në kamerat e sigurisë, tha zyra e Laure Beccuau. bw